Apilipi 3:12 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹² Sika ya kĩna napikile katia nakamĩnkĩlĩĩle, zũi, ĩpa nĩambukĩlĩĩlie, nulũtyape uluasio naKilisito Yesu alũtyapile.

Apilipi 3:12 Referans Kwoze

2 Akolinto 7:1

Iio gua aloogua, kunsooko kutĩĩte ĩmalago aya, kwĩeelie kwipũna muudobũ wensi wa muĩlĩ nĩnkolo; ĩkwikamĩnkĩĩlia uweeligua muooa wa kĩNzua.

Aebulania 13:21

wamusũũmĩkie muutendi wensi nauuza koona mutende uulooa waakue, nduyo wĩtume munsĩ yaani nalukuloeelagiaa ntongela yaakue kunzĩla ya kĩYesu Kilisito; kumuakue nawĩĩ ukulu ĩkalĩ nakalĩ. Amini.

Aepeso 1:4

kĩna iio naalukusaguĩle mumuakue pĩna ĩmĩkũlĩla ya unkũmbigyulu alĩ ikĩĩlĩ kalaĩĩkua, kutũle eelu, nagila kishokio ntongela yakue muulogua.

Apilipi 3:16

Ĩpa paasio pĩna kwapikile, nakugendele muulagĩĩlio uu-uuoo.

2 Petelo 3:18

Ĩpa mukule muukende nukukumumana ũShekulu nuMugũni wĩĩtu Yesu Kilisito. Ukulu wĩĩ kumuakue ĩpaino sunga kulutondo lwa kalĩ nakalĩ. Amini.

Yakobo 3:2

Kuitĩ ishie tũlũ kukĩkũmpagiaa. Wensi nasika wĩkũmpilie muutambuli waakue, uyo ingĩ muntu wa kapanga, nusũũmile kuugilia numuĩlĩ wensi gaa kĩna zĩ kũgyuatio.

Aebulania 12:14

Dũũmĩkiĩ muĩ nĩmatiliga kuantu tũlũ, nuweelu muntu kanga wasiititũla nduo sikukakumuona ũShekulu.

Agalatia 5:17

Kuitĩ inshula za kĩmuĩlĩ zĩkĩsinkaa nuMuau, nuMuau ukĩsinkaa nĩkĩmuĩlĩ, kuitĩ ĩzaasio zĩkĩsiitĩlagiaa inene, koona mulekitenda zaasio kĩna musiile.

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

2 Atesaloniki 2:13

Ishie gua, yukũjĩpĩĩle kukumusongelia uNzua intondo tũlũ kunsooko yaani anũna ĩĩtu namualoogue nũShekulu, kunsooko uNzua wamusaaguĩle kwipũna umuandio kuugũnua muweeligua kwa kĩMuau, nukukumĩsuĩĩla ĩtai.

Aepeso 4:12

koona ĩeelu akamĩnkĩĩligue, umulĩmo wa kĩtuma utendeke, umuĩlĩ wa kĩKilisito uzengue,

2 Akolinto 13:9

Iio gua kulumbile pĩna ishie kuaneketũ, niniinie pĩna mutĩĩte ingũlũ. Nakulompile ntuulu, uukamatĩkũ waani.

1 Akolinto 13:10

Ĩpa uukamĩnkĩĩlũ pĩnawaaza ĩmatũmpĩ mijilitũla nakanda.

1 Atesaloniki 5:15

Laaĩ, wensi waleke kumushookeelia umuua ubĩĩ kuubĩĩ; ĩpa intondo tũlũ lutiatĩ naluuza, niinie kuniinie, nukuantu tũlũ.

1 Timoteo 6:19

Itĩ yoi ĩakĩĩkĩlia ĩkĩuto kĩtũle mukũlĩla namuuza kumatũngo namijile, koona aũtyapĩkie uupanga nawa tai-taaii.

Utendi 9:15

Ĩpa ũShekulu numuĩĩla, “Longola udũũ, kunsooko unuasio ingĩ kĩseme nakĩsaagulue kumuane walĩtuale ĩliina liane ntongela ya ndugu nazĩngĩ nĩatemi nĩaana a Ĩsilaeli.”

1 Timoteo 5:10

namukuĩlue kuutendi nauuza, kanga alĩ mukendegeelaana, kanga alĩ musũgamĩĩlia agenda, kanga alukioogagiaa, ĩeelu ĩmũgulu, kanga aluukuaalĩĩlagiaa naakuagagiguaa, kanga aluutiatile utendi wensi nauuza.

Aebulania 12:23

nukumulundo wa alelua a muandio naandĩkue kwigyulu nukwa kĩNzua, mulamuli wa tũlũ ensi, nukunkolo za antu a kulukuuluu naatũlile akamĩnkĩĩlũ,

Matayo 5:48

Iio gua muĩ akamĩnkĩĩlũ niniinie zĩ uTata waani nwa kwigyulu namukamĩnkĩĩlũ.”

Alumĩ 8:39

Kanga ya kukiania katia ya pansĩ, sunga kĩumbe kiensi nakiĩngĩ, kĩkutilĩ nakĩkishũũma kukukukamatula ishie nuuloogua wa kĩNzua nawĩĩlĩ mwa kĩKilisito Yesu Shekulu wĩĩtu.

1 Akolinto 9:24

Sika mumanilene kĩna naitiganilile kwimanka, kuuza amankile tũlũ, ĩpa nukuanũnkulaa ĩkĩpeegua ingĩ umuĩ? Mankĩ koona mukĩligie.

1 Akolinto 13:12

Kuitĩ unzuauu kwiona zĩ mukĩlolelo kunzĩla ya ung'enua; ĩpa pityũngo liasio usiu kuusiu; unzuauu nĩngile kwityũmpĩ udũũ; ĩpa pityũngo liasio nijililĩngĩkia kĩna iio naalĩ numulĩngĩkigue.

Apilipi 1:1

Paulo palumuĩ nũTimoteo, ĩtumi a kĩYesu Kilisito, kwamuandĩkĩla inie namwĩeelu mwa kĩKilisito Yesu namuĩlĩ kuPilipi, palumuĩ nĩalĩnguli nĩaalĩĩlia ikyanisa.

Apilipi 3:3

Kuitĩ ishie kuakola kualamigua, ishie nakukumutekelaa uNzua kwa kĩMuau nukukĩkũmazukia mwa kĩKilisito Yesu, sunga sika kuzishanilie ĩza kĩmuĩlĩ.

Apilipi 3:8

Tai-taaii, naiona tũlũ tũũlũũ kĩna ukapĩki kunsooko ya uuza naugila kaukinĩĩlo wa kumumana uKilisito Yesu, Shekulu waane; iio kunsooko yaakue nandigia uukapĩki wa intu tũlũ, naniiona zĩ mpalala koona numuligie uKilisito;