Apilipi 3:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Kumpelo gua, anũna aane, lumbikiĩ mwa kĩShekulu kukumuandĩkĩla zizo-ziizoo sika zinkatalia ĩne, ĩpa yukumusaĩpia inie.

Apilipi 3:1 Referans Kwoze

Apilipi 4:4

Lumbĩ mwa kĩShekulu intondo tũlũ; kaubĩlĩ naũga, lumbĩ.

Alumĩ 5:11

Ĩpa sika iio udũũ, sunga kukĩlumbĩĩlia kwa kĩNzua kunzĩla ya kĩShekulu wĩĩtu Yesu Kilisito; kwa kĩuyo alĩ kuanũnkuĩle uukamantanigua wĩĩtu.

Yakobo 1:2

Anũna aane, pĩna mwiaagaana ĩmagemua namĩsia-sia, sĩĩgĩlĩ ya kĩna ulumbi utilĩ;

1 Petelo 4:13

Ĩpa kĩna iio namukamantĩĩne muwaagi wa kĩKilisito, lumbĩkiĩ; koona numuukũnukulua wa ukulu waakue, mulumbe nukwilumbĩĩlia.

1 Atesaloniki 5:16

Lumbĩ intondo tũlũ.

Apilipi 4:8

Kumpelo anũna aane, zensi naza tai, zensi nazikyullio, zensi naza kulukuuluu, zensi nanzelu, zensi naza kuloeelia, zensi nazukukũmuukaa iiza, kanga wĩĩ ukoolĩ uuza wensi, kangaa luĩ lukoolĩ lukũmo naluuza luensi, zishĩĩgĩkie inkaani izi.

1 Petelo 3:8

uLukaani lwa mpelo ntuulu, muĩ nishĩĩgo lĩmuĩ, mwĩkolelue kĩnishungu nukukĩloogua zĩ anũna, namuakola kĩsuusu nuuniinupia.

2 Akolinto 13:11

Kumumalĩĩlio gua anũna aane, mulamu; mwĩkamatĩkie, mwĩkamie nkolo mukamantane, mwikyale mumatiliga; nuNzua wa uloogua nĩmatiliga ukitũla ukoolĩ palumuĩ niniinie.

2 Petelo 3:1

Aloogua, ĩĩ yaĩ mbalua ya kabĩlĩ nanukumuandĩkĩĩla; muzaasio nazibĩlĩ nalaĩlia ĩmasĩĩgo maani namaaza kukumũjukia,

Aepeso 6:10

Kumpelo, muĩ akamũ mwa kĩShekulu numuusũũmi wa ngũlũ zaakue.

Luka 1:47

nĩnkolo yaane yukumulumbĩĩlagiaa uNzua Mugũni waane;

Apilipi 3:3

Kuitĩ ishie kuakola kualamigua, ishie nakukumutekelaa uNzua kwa kĩMuau nukukĩkũmazukia mwa kĩKilisito Yesu, sunga sika kuzishanilie ĩza kĩmuĩlĩ.

Matayo 5:12

Lumbĩ nukwilumbĩĩlia; kuitĩ ĩkĩpeegua kiani ĩngĩ kĩkulu kwigyulu; kuitĩ iio aliaaagilie ĩanakĩdagu naalĩ amutongelĩĩle.

1 Atesaloniki 4:1

Kumpelo gua anũna ĩĩtu, kumulompile nukukumusugula mwa kĩShekulu Yesu, kĩna iio naalĩ muamanigue nindiishie, mugendele kĩna ijĩpĩĩle kwigendela nukukumuloeelia uNzua; kĩna yoi namukugendelaa, ĩpa yumũjĩpĩĩle kwikĩlĩkĩĩla mũyaasio.