Apilipi 2:16 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁶ pĩna mũtyapile uLukaani lwa upanga, ntũle nĩnsooko ya kĩkũmazukia paLutondo lwa kĩKilisito, ya kĩna uugendi wane sika alĩ nakanda, kangĩ kĩna sika alĩ nĩkĩtumaa kamulĩmo nakanda.

Apilipi 2:16 Referans Kwoze

1 Akolinto 9:26

Iiogua, mankile iio-iioo, sika kĩna nukĩkankania; nĩkĩkua iio-iioo sika kĩna nukukuaa ĩnzega;

Agalatia 2:2

Nineene nanongola kunzĩla ya kukũnukuĩlua; nanĩalondoselia ĩasio ĩngene naatĩĩte ulukũmo, Impola na Nziza nanikuzitanantagiaa pakatĩ ya ndugu nazĩngĩ, ugendi waane ulekitũla nakanda, katia alĩ nge'ndile nakanda.

1 Yohana 1:1

Naalĩ lukoolĩ kwipũna umuandio, naalĩ kulũigilie, naalĩ kuluoonie kumiiso mĩĩtu nukukululaaĩkia nukukuluapaatia kumĩkono yĩĩtu, kukulutanantagia luulo uLukaani lwa upanga.

2 Akolinto 1:14

Iio-iioo kĩna naalĩ mukulĩngile kũtyũmpi, ya kĩna kwĩnsooko ya kĩkũmazukia kumuani, kĩna uniinie namuĩlĩ kumwitu ishie mulutondo ulwa kĩShekulu Yesu.

Yohana 6:68

uSimoni Petelo numushookeelia, “Shekulu, kwende kwa kuani? Ue utĩĩte inkaani za upanga wa kalĩ nakalĩ,

1 Atesaloniki 3:5

Kunsooko ĩĩ ĩne nineene pĩna alĩ numulemue kwigigimĩlia kangĩ, nanumutuma umuntu koona mane impola za usuĩĩli waani, kangĩ mane kanga ũShetani alĩ wamugemile magu, numulĩmo wĩĩtu alĩ wijilitũla nakanda.

Yohana 6:63

ĩNkolo, ĩĩo yukupangatagiaa, umuĩlĩ sika ũjĩpĩĩle kakĩntu, iNkaani nalĩ nukumuĩĩla ingĩ nkolo, kangĩ upanga.

Luka 12:8

Nineene namuĩĩla, “Wensi nukinkũmuula ntongela ya antu, uMuana-muntu nduyo ukakumukũmuula ntongela ya amalaĩka a kĩNzua;

Aebulania 4:12

Kuitĩ uLukaani lwa kĩNzua ingĩ lupanga kangĩ lutĩĩte ingũlũ, kangĩ luugĩ kwikĩla uuugĩ wiyũmba nalĩtĩĩte uuugĩ kunandĩ zibĩlĩ kangĩ lukusomaa lika lya kutemanula umoo nĩnkolo, mpĩngĩlĩ za makũpa nimpongo; kangĩ lupeelũ kukumalĩnga ĩmasĩĩgo nuusio wa nkolo.

1 Petelo 1:23

Mwalelilue nkua ya kabĩlĩ, sika kumbeu nyukoononekaa, ĩipa nasika yukoononekaa, kunzĩla ya ulukaani lwa kĩNzua nalutĩĩte uupanga nĩnalũkyalile sunga ĩkalĩ nakalĩ.

1 Atesaloniki 2:19

Kuitĩ uulaaĩĩli wĩĩtu ingĩ yaani, katia ilyumbi liĩtu, katia ĩngala ya kĩkũmia ntongela ya kĩShekulu wĩĩtu Yesu Kilisito pityũngo lya kuuza kumuakue. Sika uniiniene?

Agalatia 4:11

Noopokile kunsooko yaani, kĩna katia nĩaagilie nakanda mumpola zaani.

Ukũnukulua 22:17

nuMuau nuMutoolua iũga, “Nzuu!” Ninduyo nukũigagiaa waũge, “Nzuu!” Nĩnamukolue ĩnoota nuaze; ninduyo nusiile, nwamasole nakanda ĩmaazĩ ma upanga.

Utendi 13:26

“Agoosia anũna aane, aana a luuli lwa kĩIbũlahimu, niniinie pakatĩ yaani namumoopokile uNzua, ulukaani ulu lwa ugũnua lwaleetaguaa kumiĩtu.

Matayo 10:27

Nanukumuũĩla inie muwiilu, lutambulĩ muweelu; nĩnamukupuepuelaguaa kukĩmpisĩ-mpisĩ; lutanantiĩ kumatembe.

1 Akolinto 1:8

Ninduyo ukakumukamĩnkĩĩlia sunga ĩmpelo, mulekishokigua palutondo lwa kĩShekulu wĩĩtu Yesu Kilisito.

Apilipi 1:6

Nanulusanilie ntuulu, ya kĩna uyo naalĩ wandilie umulĩmo namuuza munsĩ yaani ukakuukondeelia sunga kuLutondo lwa kĩYesu Kilisito.

Apilipi 1:10

mugombie namaaza, mutũle nĩnkolo nanzelu, ĩmuagila kaukũmpania kunaĩngĩ sunga kuLutondo lwa kĩKilisito