Apilipi 2:15 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁵ mutũle aana a kĩNzua naagila kishokio sunga utiulia, naagila kakĩlema pakatĩ ya wĩleli uu naukakũ kangĩ nauleki, pakatĩ yaao ĩmwigyelĩĩle zĩ weelu muna unkũmbigyulu,

Apilipi 2:15 Referans Kwoze

1 Petelo 2:12

Muĩ nulugendo naluuza pakatĩ ya ndugu nazĩngĩ, itĩ kanga ĩakumutũngia kĩna mukutendaa mabĩĩ, pĩna alaaile uutendi waani nauuza, amukulie uNzua palutondo lwa kuuza kwilĩngulua.

Matayo 5:45

koona mutũle aana a kĩTata waani nwa kwigyulu; kuitĩ ukuatuĩlagiaa ĩmpasu yaakue ĩabĩĩ nĩnaaaza, nukukuakuĩlia ĩmbũla ĩanakulukuuluu nĩnasika akulukuuluu.

1 Atesaloniki 5:23

uNzua wa matiliga muene wamuelekie; niniinie, inkolo zaani nĩmioo yaani nĩmiĩlĩ yaani mulindĩĩlue muĩ akapanga, ĩkutilĩ kishokio pityũngo pĩna ukiiiza ũShekulu wĩĩtu Yesu Kilisito.

2 Petelo 3:14

Luulo gua aloogua, kunsooko mulaaĩlĩĩle ĩzaasio, ĩkamatĩkiĩ koona mwigyelele kĩna muagila kakĩlema sunga kibyado ntongela yaakue mumatiliga.

1 Akolinto 1:8

Ninduyo ukakumukamĩnkĩĩlia sunga ĩmpelo, mulekishokigua palutondo lwa kĩShekulu wĩĩtu Yesu Kilisito.

Tito 2:10

alekiiia, ĩpa alagĩĩle uusuĩĩli nauza tũlũ, awoogelie uumanigua wa kiNzua mugũni wĩĩtu mumpola tũlũ.

1 Petelo 2:9

Ĩpa inie mwĩluuli nalusaagulue, mwĩ apolia a kĩtemi, mwĩndugu nanzelu, mwĩnsao za kĩNzua, mukũmuukie ulukũmo luakue nalumuĩtile mupũne mukiiti mũingĩle muweelu waakue wa ukulĩlua.

Matayo 5:48

Iio gua muĩ akamĩnkĩĩlũ niniinie zĩ uTata waani nwa kwigyulu namukamĩnkĩĩlũ.”

1 Timoteo 3:10

Nĩndĩĩa gaa agemue tangua; na akondia kukigyelela kĩna agila kishokio, paapo ĩtume umulĩmo wa waalĩĩlia wiKyanisa.

1 Timoteo 3:2

Luulo gua, ijĩpĩĩle mulĩnguli wĩĩ utĩĩte lukũmo naluuza, mugoosia wa musungu umuĩ, kangĩ nasikukugaalaa, munamasala muntu wa kĩĩsa-kĩĩsa, musũgamĩĩlia agenda, numanile kwilanga;

Apilipi 1:10

mugombie namaaza, mutũle nĩnkolo nanzelu, ĩmuagila kaukũmpania kunaĩngĩ sunga kuLutondo lwa kĩKilisito

Aepeso 5:27

Iio wileetelie ikyanisa lya ukulu, nigila kaudobũ katia uniolũ katia liensi nalĩkĩna aya, ĩpa lĩtule lielu nigila kibyado.

Alumĩ 16:19

Kuitĩ uugombia waani wigyelĩĩle ntongela ya antu ensi, sunga numbile kunsooko yaani ĩpa numuloe inie muĩ anamasala mumpola nanziiza, muĩatakata mumpola nambĩĩ.

Utendi 2:40

Nuakuĩla kunkaani nazĩngĩ ningĩ, nukukuasugula nuũga, “Ĩgũnĩ kwipũna muwĩleli uu wa uleki.”

Matayo 10:16

“Laaĩ, ĩne namutuma zĩ nkolo pakatĩ ya iyĩngi; luulo gua, muĩ asugũ zĩ nzoka; muĩ muagila kautiulia zĩ nkunda.

Aebulania 7:26

Kuitĩ alĩ ijĩpĩĩle ishie kutũle numupolia namukulu kĩna uyu, namuelu namugila kaubĩĩ, namugila kibyado, naalĩ mukamatulue nĩanamĩlandu, nunansulua kukiania igyulu.

Tito 2:15

Tambula inkaani izi, usugulĩkie nukwitakĩla kuusũũmi tũlũ. Nunumuĩ waleke kukumela ue.

Tito 1:6

muntu namugila kishokio, nduyo wĩĩ mugoosia wa musungu umuĩ, nwa aana naasuĩĩli nasika akusokakiguaa ya kĩna asambo katia akakũ.

1 Timoteo 5:20

Naakutimulaa, uasugule ntongela ya antu tũlũ, koona naĩngĩ oopoke.

Utendi 20:30

Sunga pakatĩ yaani antu ĩkakigyela iitambula ĩza ulimĩĩli, aalũte ĩamanigua akamantane nĩndĩo.

Yohana 5:35

uNuasio alĩ ntala nyukuakĩlaa nukwieelia, inie alĩ mualoe kwilumbĩĩlia muweelu waakue kwityũngo.

Luka 6:35

Ĩpa alooguĩ ĩanaulugu aani, atendelĩ naiiza, nukukualĩĩsia ĩmpaa mulekitũngĩla kakĩntu, nuupeegua waani ukitũla wingĩ, niniinie mukitũla aana aakue Nwa kukiania, kunsooko uyo ingĩ muuza kumuao naagila kausongelio, nĩalaku.

Matayo 17:17

ũYesu nushookeelia, nuũga, “Kaaa, wĩleli nasika ukusuĩĩlaa, kangĩ wa uleki! Sunga nalĩ nĩĩ niniinie? Sunga nalĩ nĩkakĩuumĩĩlia niniinie? Muleetĩ kunu.”

Ukũnukulua 3:9

Laaa, nakupeela naa mũshũnagogi lya kĩShetani, naakutambulaa kĩna ĩo ingĩ Ayahũdi, ndĩo sika eene, ĩpa itambula ulongo. Laaa, nĩkakualeeta atũngame pamĩgulu yaako nukwimana kĩna ĩine nukuloilue.

1 Timoteo 5:14

Numuloe ĩakiĩlua a kĩsungu atoolue, alele aana, aziteme impola za munumba; aleke kumupeela umulugu ĩlioma lya kutukĩla.

1 Timoteo 5:7

Lagĩĩlia izi koona atũle agila kishokio.

2 Akolinto 6:17

kuluulo, pũnĩ pakatĩ yaao Mutemanuke ndĩo, uũgile ũShekulu, Mulekipaatia ĩmadobũ, Nineene nĩkakumusũgamĩĩlia.

Luka 1:6

Tũlũ ensi abĩlĩ alĩ anakulukuuluu ntongela ya kĩNzua, naĩkamatĩkia mumalagĩĩlio mensi numuulagĩĩligua wa kĩShekulu, naĩĩ agila kishokio.

Apilipi 3:6

kumpola za wĩkakia, mukola kuliagia ikyanisa; kumpola za kulukuuluu niĩlĩ muUlagĩĩlio, alĩ numugila kishokio.

Ukũnukulua 2:5

Juka gua kĩna aluguile, upele, uutende uutendi wa muandio. Ĩpa kanga usiititenda yaasio, nijile kumuako, nĩkakumĩleegia ĩntala yaako paluandĩ luakue kanga usiitipela