Apilipi 1:27 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁷ uLugendo luani lutũle kĩna ijĩpĩĩle iMpola na Nziiza za kĩKilisito, koona malĩĩ ĩnikiiiza kukumuona inie katia kanga nĩĩ nukutilĩ, nĩziigie impola zaani, kĩna muĩmĩkile kuukamũ kunkolo ĩmuĩ, kũshĩĩgo lĩmuĩ ĩmukĩsinka kuusuĩlĩ wa Mpola na Nziiza.

Apilipi 1:27 Referans Kwoze

Aepeso 4:1

Luulo gua numupeepilie inie, ĩne nanumutũngua mwa kĩShekulu, mugendele kĩna ijĩpĩĩle uwĩĩtua waani naalĩ muĩĩtĩlue.

1 Akolinto 1:10

Numupeepilie inie anũna aane, muliina lya kĩShekulu wĩĩtu Yesu Kilisito, muutambuli waani tũlũ mwĩgombie; ilekitũla kunsiani ulekanuki, ĩpa muĩ akamĩnkĩĩligue mũshĩĩgo lĩmuĩ nĩkialo kĩmuĩ.

2 Petelo 3:14

Luulo gua aloogua, kunsooko mulaaĩlĩĩle ĩzaasio, ĩkamatĩkiĩ koona mwigyelele kĩna muagila kakĩlema sunga kibyado ntongela yaakue mumatiliga.

Akolosai 1:10

mugendele kĩna ĩmũjĩpĩĩle inie mwa kĩShekulu, ĩmukumuloeelia nangũlũ, mumulĩmo wensi namuuza ĩmwĩpĩa inkali, ĩmukĩongeela muulĩngi wa kĩNzua.

Yuda 1:3

Aloogua, pĩna alĩ nĩkakilie kuukamatĩkũ dũũ kukumuandĩkĩla iMpola za ugũnua wĩĩtu ishie tũlũ, alĩ naonaa kĩna injĩpĩĩle kukumuandĩkĩla numupeepie muusinkĩlie uusuĩĩli naali uupunilie uNzua ĩkamui kwieelu.

1 Atesaloniki 4:1

Kumpelo gua anũna ĩĩtu, kumulompile nukukumusugula mwa kĩShekulu Yesu, kĩna iio naalĩ muamanigue nindiishie, mugendele kĩna ijĩpĩĩle kwigendela nukukumuloeelia uNzua; kĩna yoi namukugendelaa, ĩpa yumũjĩpĩĩle kwikĩlĩkĩĩla mũyaasio.

Apilipi 2:12

Luulo gua, aloogua aane, kĩna iio naalĩ mukugombaa intondo tũlũ, sika pĩna alĩ nkoolĩ udũũ, ĩpa nangũlũ ĩne pĩna nukutilĩ, ukondeeliĩ uugũnua waani uniinie kuooa nukwikĩkĩma.

Apilipi 3:18

Kuitĩ iingĩ akugendaa kĩna alĩ numuĩĩlĩĩle nkua ningĩ impola zaao, sunga nunzuauu nukumuĩĩla kumisholi, ya kĩna ingĩ alugu a musalaba wa kĩKilisito

2 Akolinto 13:11

Kumumalĩĩlio gua anũna aane, mulamu; mwĩkamatĩkie, mwĩkamie nkolo mukamantane, mwikyale mumatiliga; nuNzua wa uloogua nĩmatiliga ukitũla ukoolĩ palumuĩ niniinie.

Utendi 4:32

iYũmbĩ lya aassio naalĩ asuĩlĩĩle, ĩmioo yaao ninkolo zaao nazitũla umuĩ sunga ukutilĩ nunumuĩ naaluũgile kĩna kĩntu kiensi naalukĩtĩĩte ingĩ nsao yaakue umuene, ĩpa intu yensi alĩ ya nsangĩ.

2 Petelo 3:11

Iio gua, kunsooko iintu tũlũ ĩkĩnekentuka itĩ, yumũjĩpĩĩle inie muĩ antu kĩ mulugendo naluelu nukukumukulia uNzua,

1 Akolinto 15:58

Kuluulo gua anũna aane aloogua, mutũle akamu mulekishũngũsĩka, mwĩongeelekie kwitenda umulĩmo wa kĩShekulu intondo tũlũ zensi, mumanile kĩna mwa kĩShekulu umulĩmo waani namukakũ sika nakanda.

Alumĩ 1:16

Kuitĩ ĩne numugila kansoni kuMpola na Nziiza, kunsooko ingĩ ngũlũ za kĩNzua nazukuleetaa uugũnua kuwensi nusuĩlĩle, kuMuyahũdi tangua, nukuMugiliki gaa.

Yakobo 3:18

Nĩnkali nya kulukuuluu yukupandĩlaguaa mumatiliga nĩaasio naakuleetaa ĩmatiliga.

Pilimoni 1:5

pĩna niiigia impola za uloogua waako nĩza usuĩĩli nuutĩĩte mwa kĩShekulu Yesu nukuantu naeelu tũlũ;

Tito 2:10

alekiiia, ĩpa alagĩĩle uusuĩĩli nauza tũlũ, awoogelie uumanigua wa kiNzua mugũni wĩĩtu mumpola tũlũ.

2 Timoteo 4:7

Nĩsinkile ulugu nauuza, umusĩnzo naumalĩĩlagiaa, uusuĩĩli naukendegeelaa.

1 Timoteo 1:19

Uuambe uusuĩĩli numoo namuuza. Naĩngĩ alĩ ausiitilie umoo waao naakapĩla mumpola za uusuĩĩli waao.

1 Timoteo 1:11

kwilika lya mpola na nziiza za ukulu wa kĩNzua namuliukũ; ziizo nineene numupeegue kukuzitanantia.

Utendi 2:46

Lutondo kulutondo kunkolo ĩmuĩ alĩ kuuzaa akoolĩ muNumba ya kĩNzua nukwilĩa uugalĩ munumba zaao. Nailĩa ndia zaao kuulumbi nukunkolo nanzelu,

Matayo 12:25

ũYesu pĩna numana ĩmasĩĩgo maao, nuaĩĩla, “Utemi wensi kanga wĩĩ kĩpũka nkaani uweeene, ukupalansanaa. Nĩkaa yensi katia numba, kanga yĩĩ kĩpũka nkaani ĩnene, sika ikiĩĩmĩka.

1 Atesaloniki 3:6

Ĩpa ũTimoteo pĩna azukuagaanile ishie kwipũna kumiani, wakuleetela ishie impola nanziiza za usuĩĩli waani nuuloogua waani, wakuganuĩla ya kĩna intondo tũlũ mukukũjuka kuuuza, sunga muasũũmue nsula ya kukuona ishie, iio-iioo kĩna undiishie kumiani;

Akolosai 1:4

pĩna nakũigia impola za usuĩĩli waani mwa kĩKilisito Yesu nuuloogua namutĩĩte kueelu tũlũ.

Apilipi 2:24

Nsuĩlĩĩle gua mwa kĩShekulu ya kĩna nineene uneene nikiiiza nkaaile.

Aepeso 1:15

Kunsooko ĩo gua, nineene kwipũna pĩna alĩ niigilie impola za usuĩĩli waani mwa kĩShekulu Yesu, sunga uuloogua waani kueelu tũlũ,

Aepeso 1:13

Mumuakue niniinie ga, naalĩ mũigilie ulukaani lwa tai, impola na nziiza za ugũnua waani, nukwishuĩĩla mumuakue alĩ muaĩĩkĩluue umuhũli nuMuau Muelu wilyago,

Agalatia 1:7

Kangĩ kutilĩ nazĩngĩ; ipa akoolĩ antu naakumukankanalia inie naasiiile kukuzipĩlula iMpola na Nziiza za kĩKilisito.

2 Akolinto 9:13

Muugemua wa wĩtumi waasio mukakumukulia uNzua kunzĩla ya wĩniinupia waani, pĩna mwigomba iMpola na Nziiza za kĩKilisito, nukunsooko ya ukende wa ukamantani waani kumiao nukuantu tũlũ;

2 Akolinto 4:4

Ingĩ mumuao unzua wa unkũmbigyulu uu naalupokũilie ĩmasĩĩgo maao nasika asuĩlĩĩle, alekimĩlĩkĩlua nuweelu wa Mpola na Nziiza za ukulu wa kĩKilisito nampiani ya kĩNzua.

Alumĩ 15:29

Nineene manile kĩna pĩna nikiiiza kunsiani, nikiiiza nuwijuli wa ukembeti wa kĩKilisito.

Alumĩ 15:16

ntũle mwĩtumi wa kĩYesu Kilisito pakatĩ ya ndugu nazĩngĩ, mumulĩmo namuelu kukuatanantĩlia iMpola na Nziiza za kĩNzua, koona indugu nazĩngĩ zitũle sadaka nankola ugombigua pĩna nzeligue nuMuau Muelu.

Alumĩ 10:8

Ĩpa ĩũgile mbii? ULukaani lwĩpiipĩ ninduue, mumulomo waako numunkolo yaako, ingĩ ulukaani lwa usuĩĩli nakukulutanantagiaa.

Alumĩ 1:9

Kuitĩ uNzua nanukumutumĩlaa kunkolo yaane muMpola na Nziiza za Muana waakue, ingĩ mukuĩli waane kĩna iio nanukumutea inie muulompi waane upiupii, kangĩ sika nukukatalaa,

Alumĩ 1:5

Numumuakue umuene nakuanũnkula uukende nuutumua, koona kuzimanie indugu tũlũ zensi uugombigua wa usuĩĩli kunsooko ya liina liakue.

Utendi 24:24

Pĩna nazikĩla ntondo nkeei, uPeliki nupika palumuĩ nuDulusila musungu waakue naalĩ Muyahũdi, nutumanĩĩlia uPaulo wĩĩtue, numutegeela impola za usuĩĩli mwa kĩKilisito Yesu.

Apilipi 1:5

Namusoongelia kunsooko ya ukamantani waani mumpola na nziiza kwipũna ulutondo lwa muandio sunga nantende yoĩ.

Apilipi 3:20

Ĩpa uukolakaa wĩĩtu ukoolĩ kwigyulu, kwipũna kuasio kumutũngĩĩle uMugũni, Shekulu Yesu Kilisito;

Apilipi 4:1

Ĩpa gua anũna aane nanumuloogilue, nanumuonĩĩle nsula, ilyumbi liane, nĩngala yaane, ĩĩmĩkĩ kee iio kuukamatĩkũ mwa kĩShekulu, aloogua aane.