Apilipi 1:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Mũjuligue inkalĩ za kulukuuluu kunzĩla ya kĩYesu Kilisito, kuukulu nulukũmo lwa kiNzua.

Apilipi 1:11 Referans Kwoze

Aebulania 12:11

uUlangua wensi pityũngo liakue sika ukigyelelaa kwitũla wa ulumbi, ĩpa wa usungu; pembele gua ukualeetelaa ĩaasio naalĩ ijiĩĩligue nduo, nkali ya kulukuuluu nkola matiliga.

Yohana 15:8

Iio uTata waane ukukulagiguaa, pĩna mukupĩaa inkali naningĩ; niniinie mukitũla amanigua aane.

Akolosai 1:10

mugendele kĩna ĩmũjĩpĩĩle inie mwa kĩShekulu, ĩmukumuloeelia nangũlũ, mumulĩmo wensi namuuza ĩmwĩpĩa inkali, ĩmukĩongeela muulĩngi wa kĩNzua.

Apilipi 4:17

Sika kina nĩkĩonelee nsula ĩkĩpeegua, ĩpa nizionĩĩlue nsula inkalĩ nazĩkĩongeelaa kwitũla ningĩ mũyalo liani.

Akolosai 1:6

naalĩ zipikile kunsiani, kĩna muna unkũmbigyulu poo nazipĩa inkali nukwikula, kĩna iio nukunsiani, kwipũna ulutondo pĩna alĩ mũigilie namulĩngĩkia uukende wa kĩNzua mutai.

Alumĩ 6:22

Ĩpaino pĩna mwakomolua kwipũnamumulandu nukwitũla asese a kĩNzua, mutĩĩte nsaĩlo yaani, ingĩ kwieeligua, nĩmpelo yaakue upanga wa kalĩ nakalĩ.

1 Petelo 2:9

Ĩpa inie mwĩluuli nalusaagulue, mwĩ apolia a kĩtemi, mwĩndugu nanzelu, mwĩnsao za kĩNzua, mukũmuukie ulukũmo luakue nalumuĩtile mupũne mukiiti mũingĩle muweelu waakue wa ukulĩlua.

2 Atesaloniki 1:12

Itĩ yoi ĩliina lya kĩShekulu wĩĩtu Yesu lĩkuligue kumiani, niniinie munsĩ yaakue, kwilika lya ukende wa kĩNzua wĩĩtu nuwa kĩShekulu Yesu Kilisito.

Aepeso 5:9

Kuitĩ ĩnkali ya weelu ĩkoolĩ muuuza tũlũ nĩkulukuuluu nĩtai),

Aepeso 1:14

muene ingĩ uĩĩkĩĩli wa usaali wĩĩtu sunga kupeegue uukomolua wensi, kuukũmazukia wa ukulu waakue.

1 Akolinto 10:31

Luulo gua, pĩna mwilĩa katia kwikopa katia kwitenda lukaani luensi, tendĩ tũlũ kuukulu wa kĩNzua.

Matayo 5:16

Iio-iioo uweelu waani weelie ntongela ya antu, aone uutendi waani nauuza, amukulie uTata waani nwa kwigyulu.”

1 Petelo 4:14

Kanga mutukue kunsooko ya liina lya kĩKilisito mualiukũ, kuitĩ uMuau wa ukulu nuwa kĩNzua wamũkyalĩĩle.

1 Petelo 2:12

Muĩ nulugendo naluuza pakatĩ ya ndugu nazĩngĩ, itĩ kanga ĩakumutũngia kĩna mukutendaa mabĩĩ, pĩna alaaile uutendi waani nauuza, amukulie uNzua palutondo lwa kuuza kwilĩngulua.

1 Petelo 2:5

Inie ni niinie zĩ magũe namapanga muazengue muĩ numba ya kĩnkoolo, muĩ apolia naeelu, muleete ĩmapũnio ma kĩnkoolo namagombigue nuNzua kunzĩla ya kĩYesu Kilisito.

Aepeso 2:10

Kuitĩ kwĩmulĩmo waakue, alĩ kuaumbue mwa kĩKilisito Yesu kutende utendi nauuza, uo uNzua naaluzĩpĩĩlĩĩlie kwipũna umuandio, kugendele muwaasio.

Aepeso 1:12

ishie naalĩ kumulaaĩlĩĩle uKilisito ĩmuandio, alĩ kuasaagulue kwikyale kuukũmazukia wa ukulu waakue.

2 Akolinto 9:10

Uyo gua nukumupeelaa umupandĩli imbeu nuugalĩ wa kulĩa, uuyo ukakumupeela imbeu zaani nukukuzongeelia, nduyo ukakĩmongeelia ĩmaogola ma kulukuuluu yaani.

Yohana 15:16

Inie sika alĩ munsaaguĩle ĩne, ĩpa neene alĩ numusaaguĩle inie, nanumuĩĩka muende mupĩe inkali, ninkali zaani zikyale; koona luensi kanga mumulompe uTata muliina liane wamupeele.

Yohana 15:2

uLutambĩ luensi munsĩ yaane nasika lukupĩaa inkali ukululeegagiaa; luensi nalukupĩaa ukulusogolelaa koona lupĩĩkie inkali ningĩ.

Alumĩ 15:28

Iio gua pĩna nakondia kukĩtuma umulĩmo uu, nukukuapeela uusangulia uu, nikikĩlĩla kunsiani mumusĩnzo waane kuSipania.

Tito 3:14

ĩAntu ĩĩtu ndĩo ĩmanie kukĩkamatĩkia muutendi nauuza kumĩtumĩlo namasiiwe, alekitũla zĩ makota namagila kankali.