Aepeso 1:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ Kukiania zigi kwikĩla uutemi wensi nuusũũmi ningũlũ nĩkĩtemi, nĩliina liensi nalukuteaguaa, sika muna unkũmbigyulu wau udũũ, ĩpa sunga muwaasio gaa naũjile.

Aepeso 1:21 Referans Kwoze

Akolosai 2:10

Niniinie mwaligilie uwijuli wa upanga mwa kĩuyo, namuene tyũe lya ukulu tũlũ nuusũũmi.

1 Petelo 3:22

Nunduyo ukoolĩ kumukono wa kĩgoosia nwa kĩNzua, wendile kwigyulu, pĩina ĩamalaĩka nĩnaakola usũũmi, ningũlũ, naakumugombagiaa, aĩĩkilue nsĩlĩlĩ yaakue.

Aebulania 1:4

nutendeka wĩĩ mukulu kwikĩla ĩamalaĩka, kwilika lya liina naalulĩsaalile nikyulu kwikĩla ĩliao.

Utendi 4:12

Kangĩ kutilĩ kaugũnua kunuĩngĩ kaumuĩ, kuitĩ kutilĩ kaliina naliĩngĩ nsĩlĩlĩ igyulu naalĩ apeegue ĩantu nalyukũjipĩĩle ishie kwigũnua nĩndĩlo.”

Akolosai 2:15

Kangĩ ĩakulu nĩanausũũmi nualeegelia ĩmata maao, nuigyelelia kualiĩ kĩna ĩĩlĩ, nuadulĩkia kungili-gili mumusalaba wasio.

Aepeso 3:10

Iio gua, ĩakulu nĩakola usũũmi a kwigyulu amane ĩmasala namingĩ ma kĩNzua, kunzĩla ikyanisa.

Aepeso 6:12

Kunsooko umusiko wĩĩtu sika wa kĩkua nĩakola mugali nĩnama, ĩpa wa kĩkua nĩmatemi nĩanausũũmi, nĩanautemi a unkũmbigyulu wa ĩpaino wa kiiti, nĩmaũmbĩ ma kĩnkoolo namabĩĩ pakiania.

Aebulania 4:14

Luulo gua, pĩna kutĩĩte umupolia namukulu naalunankĩĩle sunga kwigyulu, ũYesu Muana wa kĩNzua, kuambĩĩlĩkie uukũmuuli wĩĩtu.

Matayo 12:32

Wensi kanga waatambule ulukaaani lwa kumusiita uMuana-muntu ukileegeligua uutimu, ĩpa uzo kanga watambule ulukaaani lwa kumusiita uMuau Muelu siku kileegeligua uutimu muna umkũmbigyulu uu sunga nuwaasio naukiiza.

Aebulania 2:5

Kuitĩ sika aluuĩĩkile nsĩlĩlĩ ya amalaĩka uunkũmbigyulu naũjile nakukuutambula,

Aepeso 2:2

Naalĩ mukugendelaa ndĩo ĩkalĩ kukuzitiata intendo za unkũmbigyulu uu, nukukumutiata umutemi wa usũũmi wa nzega, ĩnkolo niasio nyĩkĩtuma umulĩmo sunga nunzuauu muaana auleki.