Aepeso 1:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ Nukwimana kĩna wĩĩlĩ uukulu naukĩlĩkĩlĩĩle wa ngũlũ zaakue munsĩ yĩĩtu nakusuĩlĩĩle; kwilika lya mulĩmo wa ngũlũ za usũũmi waakue.

Aepeso 1:19 Referans Kwoze

Apilipi 2:13

Kuitĩ ingi Nzua muene nukĩtumaa umulĩmo munsĩ yaani, kwishiia kumiani sunga kwitenda kumiani kwilika lya ulooa waakue nauuza.

Aepeso 3:20

ĩpaino kumuakue nusũũmile kwitenda nkaani zensi nazikĩlile tũlũ nakukuzilompa katia nakukuzishĩĩga, kwilika lya ngũlũ nazĩkĩtuma umulĩmo munsĩ yĩĩtu.

Akolosai 2:12

Alĩ muaĩĩkue palumuĩ ninduyo muubadĩĩzo, muwaasio gaa namũiukigua palumuĩ ninduyo kunzĩla ya usuĩĩli muusũmi wa kĩNzua,

2 Akolinto 4:7

Ĩpa kutĩĩte ĩkĩuto ĩkĩ mũisheme ya ulongo, koona ingũlũ nazikĩlĩkĩlĩĩle zitũle za kĩNzua, zilekitũla zipũnile kunsĩĩtu ishie.

Akolosai 1:29

Nineene nĩkĩtumĩkia umulĩmo uu kwilika lya ngũlũ zaakue nukĩtuma umulĩmo munsĩ yaane kungũlũ.

Aepeso 6:10

Kumpelo, muĩ akamũ mwa kĩShekulu numuusũũmi wa ngũlũ zaakue.

Aepeso 3:7

Alĩ ntũlile mwĩtumi wa Mpola na Nziiza ĩzaasio kwilika lya upeegua wa ukende wa kiNzua nanumupeegue kuwĩtumi wa ngũlũ zaakue.

Aepeso 2:10

Kuitĩ kwĩmulĩmo waakue, alĩ kuaumbue mwa kĩKilisito Yesu kutende utendi nauuza, uo uNzua naaluzĩpĩĩlĩĩlie kwipũna umuandio, kugendele muwaasio.

Alumĩ 1:16

Kuitĩ ĩne numugila kansoni kuMpola na Nziiza, kunsooko ingĩ ngũlũ za kĩNzua nazukuleetaa uugũnua kuwensi nusuĩlĩle, kuMuyahũdi tangua, nukuMugiliki gaa.

Yakobo 1:18

Kuuloa waakue alukulelile ishie kulukaani lwa tai, kutũle zĩ nkali za muandio muiumbe yaakue.

2 Atesaloniki 1:11

Luulo, kukumulompeelaa inie intondo tũlũ, koona uNzua wĩĩtu wamũjĩpĩlie kuwĩĩtua waani, wakondeelie tũlũ yensi ya nsula nanziiza nuutendi wensi wa usuĩĩli kungũlũ zaakue.

1 Atesaloniki 1:5

Kunsooko iMpola naNziiza nakutanatilie sika nazumupikĩĩla kunkaani udũũ, ĩpa nukungũlũ, nukuMuau Mwelu, nukuukamatĩkũ wingĩ. Mumanile kĩna alĩ kwĩantu kĩ pakatĩ yaani kunsooko yaani.

2 Akolinto 5:17

Kuitĩ wensi kanga ĩwĩĩlĩ mwa kĩKilisito waazaa kĩumbe nakĩpia; iya kalĩ yakĩlaa, laaa katĩ naipia yaazaa.

Utendi 26:18

ualaĩlie ĩmiiso maao, agomolue kwipũna mukiiti, ingĩle muweelu; agomolue kwipũna muusũũmi wa kĩShetani, ingĩle kwa kĩNzua; aleegeligue ĩmĩlandu yaao, asaale palumuĩ nĩnaeeligue kuusuĩĩli nawĩĩlĩ mumuane.

Yohana 3:6

uMuĩlĩ ukulelaa umuĩlĩ; ĩnkolo yukulelaa ĩnkolo.

Apilipi 3:21

nukakuukaĩla umuĩlĩ wĩĩtu wa uniekũ wĩpiane numuĩlĩ waakue wa ukulu, kungũlũ nazukumusũũmagia kukuiĩĩka tũlũ yensi nsĩlĩlĩ yaakue.

1 Petelo 4:11

Wensi nwitambula, nwalikitie zĩ inkaani za kĩNzua; wensi nawaa kĩtuma, nwĩtumĩle mungũlũ namupeegue nuNzua, koona uNzua wakuligue mumpola tũlũ kunzĩla ya kĩYesu Kilisito. uUkulu nuusũũmi ingĩ kumuakue sunga ĩkalĩ nakalĩ yukutilĩ kampelo. Amini.