Aebulania 9:15 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁵ Iio gua uyo ingĩ mukamantania wilyago nĩpia, koona naalĩ ĩĩtue aanũnkule ilyago lya usaali wa kalĩ nakalĩ, kunsooko nkia naĩtendeka nĩakomola kwipũna muutimu naalĩ utendekile nsĩlĩlĩ ilyago lya muandio.

Aebulania 9:15 Referans Kwoze

Alumĩ 8:30

Nĩaasio naalĩ waasaaguĩle kwipũna iyuukĩ, aao nuĩĩta, nĩaasio naaluĩĩtile, aao nuaalĩĩlia ĩkulukuuluu, nĩaasio naalĩ waaalĩlĩĩlie ĩkulukuuluu, aao nuakulia.

Alumĩ 8:28

Kumanile gua kĩna uNzua munkaani zensi ukĩtumaa umulĩmo kuuuza, kuaasio naamuloogilue uNzua, ingĩ aao naĩĩtue kuusiio waakue.

Aebulania 9:12

alĩ wingĩĩle kamuĩ dũũ Pana yeelu pa Pana yeelu, sika kunzĩla ya mĩgali ya mbuli nĩnya muzagamba, ĩpa kunzĩla ya mugali waakue umuene, itĩ nuligia uukomolua wa kalĩ nakalĩ.

Aebulania 10:36

Kuitĩ ĩmũjĩpĩĩle muĩ nuugigimĩlia, koona pĩna mwatenda uulooa wa kĩNzua, muanũnkule naalĩ mualagĩlue.

1 Timoteo 2:5

Kuitĩ uNzua ingĩ umuĩ, numukamantania pakatĩ ya kĩNzua nĩ antu ingĩ umuĩ, uzo namuntu uKilisito Yesu;

Aebulania 12:24

sunga kwa kĩYesu umukamantani wilyago nĩpia, nukumugali wa kuminzangĩla naukutambulaa naiiza kwikĩla uwaasio wa kĩAbeli.

Aebulania 7:22

Kunzĩla ĩĩ ũYesu watũlile musegamĩli wilyago naliiza nalĩkĩlĩkĩlĩĩle.

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.

Aebulania 13:20

Ĩpa itĩ uNzua wa matiliga naalumupũnilie kwipũna muakiu uMudĩĩmi namukulu nwa nkolo, Shekulu wĩĩtu Yesu, kungũlũ ya mugali wilyago lya kalĩ nakalĩ,

Alumĩ 5:6

Ishie pĩna alĩ kuagila kangũlũ, ityũngo pĩna nalĩpika, uKilisito nukia kunsooko ya anamĩlandu.

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.

Aebulania 6:13

Kuitĩ uNzua pĩna alukumupeela uIbũlahimu ilyago kunsooko alĩ mugila namukulu kwikĩla uyo umuene nwa kumulapĩla, alulapile umuene mukola,

Aebulania 3:1

Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

Aebulania 2:14

Iio gua, kunsooko ĩaana akamantĩĩne nĩmiĩlĩ nĩtĩĩte umugali nĩnama, uyo nduyo iio-iioo alukamantanile iio-iioo, koona kunzĩla ya nkia wamoonoone uyo nutĩĩte usũũmi wa ukiu, ingĩ ũShetani,

Ukũnukulua 5:9

Ndĩo Iĩmba liĩmbo pia, naiũga, “Wijĩpĩĩle ue kukumĩsola ĩmbũgũlũ nukukuĩunanga ĩmĩntoozo yaakue; kunsooko umuulague, nukumugali waako numugulĩlia uNzua ĩantu kwipũna muluuli luensi, nĩntambo, nĩantu, nĩndugu,

Aebulania 8:13

Kuutambuli waasio wa kuũga; Lyago ni Pia, walĩtendile ĩliasio lya muandio lĩtũle kyulukulu. Ĩpa ĩkĩntu nakyukuandagiaa kwikulupala nukwishila ingĩ piipĩ kwimialansana.

Tito 3:7

koona kualĩĩligue ĩkulukuuluu kuukende waakue, kutũle asaali a upanga wa kalĩ nakalĩ, kĩna wĩĩlĩ ulaaĩĩli wĩĩtu.

Tito 1:2

Nukukuulaaĩĩla upanga wa kalĩ nakalĩ, ĩlĩ lyoli lyago, uNzua, nasikukutambulaa ulongo naalukuĩkĩlĩe kwipũna ĩkalĩ,

2 Timoteo 2:10

Iio gua, nagigimĩlia tũlũ kunsooko ya antu naeelu naasaagulue, ĩo ndĩo aligie uugũnua nawĩĩlĩ mwa kĩKilisito Yesu Palumuĩ nuukulu wakalĩ nakalĩ.

Yohana 10:28

Nineene nukuzipeelaa upanga wa kalĩ nakalĩ, sika zikilimĩĩla ĩkalĩ nakalĩ; ukutilĩ nukakuzikamantuula mumukono waane.

Matayo 19:29

Wensi nwalekile ĩnumba, katia anũna nĩagũlĩ, katia shee nunina nĩaana, katia mĩgunda kunsooko ya liina liane, ikiligia nukwiongeeligua nkua gyana, nukwishaala uupanga wa kalĩ nakalĩ.

1 Yohana 2:25

Nĩndĩĩlĩ lyolĩ lyago naalukulagĩĩle ishie, uupanga wakalĩ nakalĩ.

1 Petelo 5:10

NuNzua nwa ukende tũlũ, naalumuĩtile kwiingĩla muukulu waakue wa kalĩ nakalĩ nawĩĩlĩ mwa kĩKilisito, pĩna muagigua kwityũngo niino, uyo umuene ukakumukamĩnkĩĩlia, nukukumukamatĩkia, nukukumupeela ingũlũ.

Yakobo 1:12

Mulyuku umuntu nugigimĩlie muugemua, kunsooko pĩna udulile ukiaanũnkula ĩngala ya upanga, ũShekulu nualagĩĩle naamuloilue.

Aebulania 11:13

ĩAasio tũlũ naakia muusuĩĩli, sika naaanũnkula ĩmalago, ĩpanaamaona kwipũna kulĩ nukukumalumbĩĩlĩkia, naikũmuula kĩna alĩ agenda kangĩ ana, mĩsĩnzo muna nsĩĩ.

2 Atesaloniki 2:14

naalumuĩtĩĩle iinie kunzĩla ya Mpola na Nziiza nakutanantilie, koona muligie uukulu wa kĩShekulu wĩĩtu Yesu Kilisito.

Alumĩ 6:23

Kuitĩ ĩkĩnamulĩmo kya mulandu ingĩ ukiu; ĩpa uupeegua wa kĩNzua ingĩ upanga wa kalĩ nakalĩ mwa kĩKilisito Yesu Shekulu wĩĩtu.

Aebulania 9:16

Kuitĩ pĩna ilyago lya usaalĩ lĩkoolĩ, yukutilĩ kawĩnegelo lĩkoolĩ sunga unuasio naalulĩĩĩkile wakie.

2 Akolinto 3:6

nukũsũũmilie kwitũla ĩtumi ilyago nĩpia, nasika lya wandĩkua, ĩpa lya kĩMuau; kuitĩ uwandĩkua ukuulagaa ĩpa uMuau ukupangatagiaa.

Alumĩ 9:24

Ishie nindiishie alĩ kuĩĩtue nduyo, sika kwipũna muAyahũdi udũũ, ĩpa sunga kwipũna mundugu nazĩngĩ gaa.

Alumĩ 5:10

Kuitĩ malĩĩ pĩna alĩ kwĩalugu, nakukamantanigua kwa kĩNzua kunzĩila ya nkia ya Muana waakue; naikulu nangũlũ pĩna kwakondia kwikamantanigua, kukigũnua kuupanga waakue.

Alumĩ 5:8

ĩpa uNzua ulagĩlĩĩle uuloogua waakue umuene kunsĩĩtu pĩna alĩ kĩlĩ kwĩanamĩlandu, uKilisito alukiile kunsooko yĩĩtu.

Luka 18:18

Kangĩ muntu umuĩ namukulu numukolia nuũga; “Mumania numuuza, ntende yaani nuusaale uupanga wa kalĩ nakalĩ?”

Maliko 10:17

Sunga pĩna alulonguĩle munzĩla muntu umuĩ numumankĩĩla, nutũngama pamuakue, numukolia, “Mumania nwĩmuuza, ntende yaani nsũũme kukuusaala uupanga wa kalĩ nakalĩ.”

Matayo 25:36

alĩ nĩkĩpuĩ, namuntũnga; alĩ numuluĩle namunsoolia; alĩ nĩĩlĩ mukĩtũngo namunzagaana.’

Matayo 25:34

Paapo umutemi ukakuaĩĩla ĩaasio naĩĩlĩ pamukono waakue wa kĩgoosia, ‘Nzuĩ namwakembetilue nuTata waane, usaalĩ uutemi naalĩ muazĩpĩlĩligue kwipũna pautũndua wa unkũmbigyulu;

Aepeso 1:7

Mumuakue kutĩĩte ukomolua munzĩla ya mugali waakue, ulegeligua wa mĩlandu, kwilika lya ugolĩ wa ukende waakue,

Matayo 22:3

Nuatuma ĩĩtumi aakue aĩĩte naalĩ aanue kuwĩnga, ndĩo sika naaaza.

Luka 22:20

Iio nĩkĩĩko, pĩna naakondia kwilĩa, nuũga; ĩKĩĩko ĩkĩ ingĩ lyango nĩpia kumugali waane nũitĩkile kunsooko yaani.

Utendi 20:32

“Ĩpaino namuĩĩkaa mumĩkono ya kĩNzua numulukaani lwa ukende waakue nalusũũmile kukumuzenga nukukumupeela uusaali palumuĩ nĩndĩo ensi naeeligue.

Agalatia 3:20

Numukamantania sika mukamantania wa muntu umuĩ; ĩpa uNzua ingĩ umuĩ.

Aebulania 6:15

Iio gua, uIbũlahimu pĩna nugigimĩlia nuona kĩna ilyago nalĩtimĩĩlĩka.

Aebulania 10:34

Kuitĩ alĩ muakolĩĩlue kĩsuusu ĩaasio naalĩ ĩĩlĩ mukitũngo, namugomba kuulumbi kwileegeligua inshao zaani, kunsooko alĩ mumanile kĩna alĩ mutĩĩte ĩnsao nanziiza nangũlũ nikikyalaa.