Aebulania 6:19 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁹ nakutĩĩte zĩ kyamĩkĩlo lya nkolo nikyola ngũlũ nĩmatiliga, uulaaĩĩli naukĩlile mũpyupa lya kumbele nikwiingĩla sunga munsĩ;

Aebulania 6:19 Referans Kwoze

Aebulania 9:7

Ĩpa mwiHyeema kumbele, umupolia namukulu ukũĩngĩlaa wing'ene dũũ, kamuĩ dũũ kumuaka, kangĩ walekitũla mugila kamugali nuupũnilie kunsooko yaakue umuene nukunsooko ya utimu wa usiitimana wa antu.

Aebulania 9:3

Nukunũma ipyupa lya kabĩlĩ alĩlĩkoolĩ iHyeema nalĩkuĩtaguaa YEELU pa yeelu.

Matayo 27:51

Paapo gua, ipyupa lya Numba ya kĩNzua nalĩtanduka pakatĩ kwipũna kukiania sunga pansĩ. ĩNsĩĩ nĩsũngũsĩka ĩmapampa namatanduka;

Akolosai 3:1

Luulo gua, naa mũiukile palumuĩ nuKilisito, zidũũmĩ za kukiania, uKilisito kĩna wĩĩlĩ pamukono wa kĩgoosia nwa kĩNzua wikyalansile.

2 Timoteo 2:19

Ĩpa itĩ umukũlĩla namukamũ nwa kĩNzua wĩĩmĩkile, nautĩĩte umuntozo uu, “ũShekulu uamanile ĩaakue;” kangĩ, “Wensi nukuliĩta iliina lya kĩShekulu wauleke uubĩĩ.”

Utendi 27:29

Naoopooka kulekikũnĩlia mumapampa; luulo naiikia makamĩkĩlio manĩĩkunũma, naalompa weele.

Alumĩ 4:16

Kunsooko ĩĩ alĩ ipũnile kuusuĩĩli; koona ilyago lĩzengue muukende, nukwikamĩnkĩĩligua kuwĩleli waakue wensi, sika kuaasio udũũ naatiatile uUlagĩĩlio, ĩpa nukuaasio gaa naakukamantanaa muusuĩĩli wa kĩIbũlahimu, kuitĩ muene tata wĩĩtu ishie tũlũ,

Utendi 27:40

Naamaguma ĩmakamĩkĩlio, naamaleka munanza, nankulu palumuĩ nukwitolia indigi zimankĩlio, paapo naamĩnansula ĩntiila naniino nya kugendelia ipyango, ĩtungĩnkane nĩnzega, ende kũkiki lya munsaanga.

Aebulania 4:16

Luulo gua, nakulĩsũgamĩĩle ityegu lya ukende kuukamatĩkũ koona kuanũnkule ĩkĩnishungu nukwiona ukende wa kukualĩĩlia pityũngo lya usilĩlua.

Aepeso 2:6

Kangĩ nukuĩukia palumuĩ nduyo nukukũkyalansia ensi nduyo kwigyulu pa kĩKilisito Yesu.

1 Akolinto 15:58

Kuluulo gua anũna aane aloogua, mutũle akamu mulekishũngũsĩka, mwĩongeelekie kwitenda umulĩmo wa kĩShekulu intondo tũlũ zensi, mumanile kĩna mwa kĩShekulu umulĩmo waani namukakũ sika nakanda.

Utendi 23:6

uPaulo pĩna nulĩnga kĩna ĩĩĩa Asadukayo ĩĩĩa Apalisayo, nwĩtunta ululi luakue ntongela ya akulu ilindĩ, “Agoosia anũna aane, ĩne neene Mupalisayo, muana wa Mupalisayo ĩne nilamulua mumpola za ulaaĩĩli nuwiiuki wa akiu.”

Alumĩ 4:18

Ninduyo alusuĩlĩĩle kuulaaĩĩli nasika usũũmile kwilaaĩĩlua, koona watũle tata wa ndugu ningĩ kĩna alĩ itambulue, “Iio ukitũla uwĩleli waako.”

Alumĩ 5:4

nuugigimĩlia ukuleetaa ukamia nkolo, nuukamia nkolo ukuleetaa ulaaĩĩli,

1 Akolinto 13:13

Naukikyalaa gua usuĩĩli, ulaaĩĩli, uloogua, zozi nazitatu; nĩnalukulu muizi ingĩ uloogua.

Akolosai 1:27

uWaasio uNzua naalusiile kukuũgyelelia kĩna wĩĩlĩ ugolĩ wa ukulu wa unkũnkũ uu pakatĩ ya ndugu nazĩngĩ; nduyo ingĩ uKilisito munsĩ yaani, ulaaĩĩli wa ukulu.

1 Petelo 1:3

Wakũmazukigue uNzua Tata wa kĩShekulu wĩĩtu Yesu Kilisito! Kukĩnishungu kiakue kingĩ alukulelile ĩnkua ya kabĩlĩ kuulaaĩĩli naukola upanga, kunzĩla ya wiuki wa kĩYesu Kilisito kwipũna muakiu.