Aebulania 4:15 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁵ Kuitĩ kuagila kamupolia namukulu nasikusũũmile kukukukolelua ishie ĩkĩsuusu muuneketũ wĩĩtu, ĩpa umuene alĩ mugemue zĩ undiishie mumpola tũlũ, ĩpa sikaka nutimula.

Aebulania 4:15 Referans Kwoze

2 Akolinto 5:21

Uyo nasikuumanile umulandu, numutenda watũle mulandu kunsooko yĩĩtu, koona kutũle kulukuuluu ya kĩNzua mumuakue.

1 Yohana 3:5

Mumanile kĩna uzo alũgyelĩĩle waĩleegie ĩmĩlandu, numulandu ukutilĩ munsĩ yaakue.

1 Petelo 2:22

Uzo sika alutendile kamulandu, sunga uupembeelia sika alĩ wigyelĩĩle mumulomo waakue.

Aebulania 7:26

Kuitĩ alĩ ijĩpĩĩle ishie kutũle numupolia namukulu kĩna uyu, namuelu namugila kaubĩĩ, namugila kibyado, naalĩ mukamatulue nĩanamĩlandu, nunansulua kukiania igyulu.

Aebulania 4:14

Luulo gua, pĩna kutĩĩte umupolia namukulu naalunankĩĩle sunga kwigyulu, ũYesu Muana wa kĩNzua, kuambĩĩlĩkie uukũmuuli wĩĩtu.

Aebulania 5:2

Uyo usũũmile kukuakenkelia kuupolo nasika amanile ninaalimĩlĩĩle, kuunsooko uyo umuene wĩĩlĩ muuneketũ.

Yohana 8:46

Waani kumiami nukuĩlĩĩle kĩna numunamĩlandu? Kanga ĩnitambula ĩtai, nĩkĩ sika mwinshuĩĩla?

Luka 22:28

Inie niinie naalĩ mwikyalile palumuĩ nineene mumagemua maane.

Luka 4:2

kuntondo makumi manĩĩ kunu nũgemua nũShetani muntondo zaasio sika alukulĩaa kakĩntu, sunga pĩna naziula nukolua nzala.

Matayo 12:20

Sikukakuluũna ulutinde nalunũkĩkile, Katia sikukakukĩdibia ĩkĩtinde nakitũunkia ĩliuki Sunga pĩna ukileeta ĩkulukuuluu ĩdule.

Matayo 4:1

Paapo ũYesu nutualua nuMuau kumbuga, wagemue nũShetani.

Alumĩ 8:3

Kuitĩ ĩzaasio nasika zishũũmĩkile kuUlagĩĩlio kunsooko ya uneketũ wa kĩmuĩlĩ, uNzua kukumutuma uMuana waakue umuene mumpiani ya muĩlĩ namukola mulandu nukunsooko ya mulandu, nulamula kukuukaasia umulandu mumuĩlĩ;

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.