Aebulania 2:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Kuitĩ kanga yĩĩ lukaani naalĩ lutambulue nĩamalaĩka nalukamĩnkĩĩligue, nuutimu wensi nuuleki alĩ uligie ĩkĩnamulĩmo kya kulukuuluu,

Aebulania 2:2 Referans Kwoze

Utendi 7:53

inie naalĩ muwaanũnkuĩle uUlagĩĩlio kuulagĩĩligua wa amalaĩka, sika namuukendegeela.”

Agalatia 3:19

uUagĩĩlio alĩ wa nsooko kĩ gua? Alĩ uletue kunsooko ya utimu sunga waaze umulelua naalĩ mupeegue ĩlyago. Alĩ uĩĩkue kuwĩtumi wa amalaĩka kumukono wa mukamantania.

Aebulania 10:28

Wensi nukutimulĩlaa uUlagilũa wa kĩMusa ukukiaa kutilĩ kakĩsuusu, kulukani lwa akuilĩ abĩlĩ katia atatu.

Yuda 1:5

Ĩpaino nsiile kukumũjukia, kanga yĩĩ mwamanile nakĩĩ izi tũlũ ya kĩna ũShekulu naalĩ wagũnile ĩaantu kwipũna munsĩĩ ya Mĩsili, nuamala pembele ĩaasio nasika asuĩlĩĩle.

Aebulania 11:26

Nusĩĩga kĩna kwitukĩlua kunsooko ya kĩKilisito ingĩ ugolĩ ukulu kwikĩla imbĩĩka za Mĩsili, kuitĩ nalaaĩkia uupeegua wa pembele.

Aebulania 10:35

Luulo, gua muleke kuutaaga ukamatĩkũ waani, kuitĩ utĩĩte upeegua ukulu.

Aebulania 11:6

Ĩpa pĩna kutilĩ kausuĩĩli sika ishũũmĩkile kukumuloeelia. Kuitĩ wensi nukumusũgamĩlaa uNzua yumũjĩpĩĩle wasuĩĩle ya kĩna ukoolĩ, kangĩ ya kĩna ukuapeelaa uupeegua nauuza ĩaasio naakumudũũmaa.

Aebulania 1:1

Kumatũmpĩ mingĩ nukunzĩla ningĩ uNzua pakalĩ alĩ ĩkĩtambuĩlaa nĩatata ĩĩtu kumĩlomo ya anakĩdagu,

Aebulania 12:25

Mwĩkendegeele muleke kumusiita uzo nukutambulaa. Kuitĩ iaasio naalĩ amusiitile uyo naalĩ waasuguĩle muna nsĩĩ, sika naasũũma kwitalama, nangũlũ gua ishie sika kukishũũma kwitalama kanga kumusiite uyo nukukusugulaa kwipũna kwigyulu.

2 Petelo 1:19

Kangĩ kutĩĩte ulukaani ulwa unakĩdagu nalukamũ nangũlũ. Mukitenda iiza kanga mulukendegeele zĩ ntala imĩlĩka mukiiti sunga pĩna ikiyeeleela, nĩnsonda nya daau ĩkakigyelela munkolo zaani.