Aebulania 2:17 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁷ Luulo gua, alĩ yumũjĩpĩĩle kukĩpianĩkĩĩligua nĩanũna aakue mumpola tũlũ, watũle mupolia namukulu, mukola kĩnishungu kangĩ musuĩĩli muwĩtumi tũlũ pa kĩNzua, koona waĩpolelie ĩmĩlandu ya antu.

Aebulania 2:17 Referans Kwoze

Aebulania 4:14

Luulo gua, pĩna kutĩĩte umupolia namukulu naalunankĩĩle sunga kwigyulu, ũYesu Muana wa kĩNzua, kuambĩĩlĩkie uukũmuuli wĩĩtu.

Aebulania 2:14

Iio gua, kunsooko ĩaana akamantĩĩne nĩmiĩlĩ nĩtĩĩte umugali nĩnama, uyo nduyo iio-iioo alukamantanile iio-iioo, koona kunzĩla ya nkia wamoonoone uyo nutĩĩte usũũmi wa ukiu, ingĩ ũShetani,

Aebulania 7:26

Kuitĩ alĩ ijĩpĩĩle ishie kutũle numupolia namukulu kĩna uyu, namuelu namugila kaubĩĩ, namugila kibyado, naalĩ mukamatulue nĩanamĩlandu, nunansulua kukiania igyulu.

Alumĩ 5:10

Kuitĩ malĩĩ pĩna alĩ kwĩalugu, nakukamantanigua kwa kĩNzua kunzĩila ya nkia ya Muana waakue; naikulu nangũlũ pĩna kwakondia kwikamantanigua, kukigũnua kuupanga waakue.

Aebulania 2:11

Kuitĩ uyo nukuelagiaa nĩndĩo naeeligue tũlũ gaa apũnile kumuĩ. Kunsooko ĩĩ sikukukolaguaa kansoni kukuĩĩta anũna,

Aebulania 3:5

NuMusa, tai alĩ musuĩĩli munumba tũlũ nya kĩNzua kĩna mwĩtumi, watũle ukuĩli wa mpola nazijilitambulua.

Akolosai 1:21

Niniinie, ĩmuandio naalĩ muakamatulue, kangĩ alĩ mualugu mumasĩĩgo maani kuutendi waani na ubĩĩ, ĩpaino wamukamantanagiaa,

Aebulania 7:28

Kuitĩ uUlagĩĩlio ukuaĩĩkaa ĩantu naatĩĩte uneketũ atũle apolia naakulu; ĩpa ulukaani lwilyapo naalĩ lwijile kunũma ya Ulagĩĩlio lwamuĩĩkile uMuana namukamĩnkĩĩlũ sunga ĩkalĩ nakalĩ.

Aepeso 2:16

Nukamantania tũlũ ensi naabĩlĩ nuNzua mumuĩlĩ umuĩ kunzĩla ya musalaba, nukuuuo nuuuulaga uulugu wasio.

Alumĩ 15:17

Luulo gua, mwa kĩKililisito Yesu ntĩĩte nsooko ya kĩkũmazukĩlia mumpola za ĩNzua.

Aebulania 3:2

Alĩ musuĩĩli kumuakue uyoo naalumuĩĩkile, kĩna uMusa nduyo naalĩ musuĩĩli munumba tũlũ nya kĩNzua.

Aebulania 2:16

Kuitĩ ingĩ tai, sikusolile iyuukĩ lya amalaĩka, ĩpa alusolile uwĩleli wa kĩIbũlahimu.

Aebulania 3:1

Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

Aebulania 4:15

Kuitĩ kuagila kamupolia namukulu nasikusũũmile kukukukolelua ishie ĩkĩsuusu muuneketũ wĩĩtu, ĩpa umuene alĩ mugemue zĩ undiishie mumpola tũlũ, ĩpa sikaka nutimula.

Aebulania 5:1

Kuitĩ umupolia namukulu wensi namusaagulue pakatĩ ya antu ukuĩĩkaguaa kunsooko ya antu munkaani nazĩmũjĩpĩĩle uNzua, koona wapũnie ĩmapũnio nĩmapolia kunsooko ya mĩlandu.

Aebulania 5:2

Uyo usũũmile kukuakenkelia kuupolo nasika amanile ninaalimĩlĩĩle, kuunsooko uyo umuene wĩĩlĩ muuneketũ.

Aebulania 5:5

Iio-iioo uKilisito sika alĩ wĩkulilie umuene watũle mupolia namukulu, ĩpa alĩ muĩĩkue ninduyo naalumuĩĩlĩĩle. Ue uue wĩMuana waane Ĩne nantende nakulelaa.

Aebulania 5:10

nuĩĩkua nuNzua wĩĩ mupolia namukulu kwilika lya kĩMelikizedeki.

Aebulania 6:20

muasio muumo naalĩ wingĩĩle ũYesu umutongeeli kunsooko yĩĩtu, naalutũlile mupolia namukulu ĩkalĩ nakalĩ kwilika lya kĩMelikizedeki.

Aebulania 8:1

uLukaani nalukulu muizi nakwitambula ntuulu, kutĩĩte umupolia namukulu nwĩkĩna itĩ, nwikalansile pamukono wa kĩgoosia wityengu lya kĩtemi lya Ukulu mwigyulu,

Aebulania 8:3

Kuitĩ umupolia namukulu wensi ukuĩĩkagua koona wapũnie ĩmapũnio nĩmapolia. Kuluulo gua, ijĩpĩĩle umupolia uyu wĩĩ nĩkĩntu wakĩpũnie.

Aebulania 9:11

Ĩpa itĩ uKilisito, pĩna nwigyelela zĩ mupolia namukulu wa mpola nanziiza nazijiliiiza, ĩpaasio kunzĩla iHyeema nikyulu, kangĩ nikyamĩnkĩĩlũ nangũlũ, nasikijĩpigue kumĩkono, ndogolelio yaakue, nasika lya unkũmbigyulu uu;

Aebulania 10:21

kangĩ kunsooko kutĩĩte umupolia namukulu mumpola za numba ya kĩNzua;