Aebulania 13:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ ũYesu Kilisito ingĩ wayuuyuu igyulo nĩnantende, sunga ĩkalĩ nakalĩ.

Aebulania 13:8 Referans Kwoze

Yakobo 1:17

uUpeegua wensi nauuza, nĩkĩpeelo kiensi nakĩkamĩnkĩĩlũ kĩpũnile kukiania nakĩtima kwipũna kwa kĩTata wa weelu; kumuakue kutilĩ kaukaĩlĩkĩ kĩna mulũle naukukailĩkaa.

Ukũnukulua 1:8

“Ĩne neene Alipa nuOmega,” muandio nĩmpelo, uugile ũShekulu uNzua, nukoolĩ, nĩnaalukoolĩ, nĩnukiiiza, Mukolangũlũ zensi.

Aebulania 1:12

nĩkĩna majialo ukakulĩpalinga, nĩndĩlo lijilikaĩlĩka. Ĩpa ue wĩiio kĩna wĩĩlĩ, nĩmiaka yaako migila kampelo.”

Ukũnukulua 1:4

Ĩne Yohana, namandĩkĩla ĩmakanisa namamupũngatĩ namĩĩlĩ muAsia, uUkende wĩĩ kumiani nĩmatiliga namapũnile kumuakue uyo nukoolĩ, nĩnaalukoolĩ nĩnukiiiza; nĩnazipũnile kunkolo mupũngatĩ nazĩĩlĩ ntongela ityegu liakue lya kĩtemi,

2 Akolinto 1:19

Kuitĩ uMuana wa kĩNzua, Yesu Kilisito naalĩ mutanantigue nindiishie pakatĩ yaani nineene nuSiluano nũTimoteo sika alĩ eeze nĩzũi, ĩpa mumuakue ingĩ eeze.

Ukũnukulua 1:11

naluũga; “Aya nukumaona umandĩke mukĩtabũ, umatuale kumakanisa nama mupũngatĩ, Epeso nĩSimilina, nĩPaligamo, nĩTiatila, nĩSalidi, nĩPiladelipia, nĩLaodikia.”

2 Akolinto 1:20

Kuitĩ ĩmalago tũlũ ĩma kĩNzua namakoolĩ mumuakue ingĩ eeze, mumuakue ingĩ Amini; uNzua wakũmazukigue nindiishie.

Yuda 1:25

muene Nzua wing'ene Mugũni wĩĩtu mwa kĩYesu Kilisito ũShekulu wĩĩtu ukulu wĩĩ kumuakue, nuutemi ningũlũ, nuusũũmi kwipũna ĩkalĩ, nunzuauu, sunga ĩkalĩ nakalĩ. Amini.