Aebulania 13:22 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²² Ĩpa itĩ numupeepilie anũna aane, tegeelĩ gua ulukaani luane lwa usugulua, kuitĩ namuandĩkĩla kunkaani nkeei.

Aebulania 13:22 Referans Kwoze

1 Petelo 5:12

Kumukono wa kĩSiluano, munũna namusuĩĩli kĩna moonie, numuandĩkĩĩle kunkaani nkeei, nishugula nukwikuĩla yakĩna uu wau ukende wa tai wa kĩNzua. Ĩĩmĩkĩ kee muwaasio.

Aebulania 3:1

Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

Agalatia 6:11

Laaĩ, iwandĩkua naukulu nanumuandĩkĩĩle inie kumukono waane uneene neenee!

2 Akolinto 6:1

Nindiishie pĩna kukĩtuma umulĩmo palumuĩ nduyo kukumupeepia mulekiaanũnkula nakanda uukende wa kĩNzua,

2 Akolinto 5:20

Kuluulo gua, ishie kuatumua palioma lya kĩKilisito kĩna uNzua ukumupeepia kumĩlomo yĩĩtu. Kwa mulompa inie kunsooko ya kĩKilisito, mukamantanigue nuNzua.

Aebulania 4:11

Luulo gua, kwĩkamatĩkie kwiingĩla muusũũpio waasio, wensi walekigua kumpiani ĩo-ĩĩoo nya uleki.

Aebulania 4:1

Luulo gua, naa kĩlĩ lĩkoolĩ ilyago lya kũingĩla muusũũpio waakue, nakoopooke sunga kaumuĩ mumiani waleke kigyela ya kĩna uulilie.

Aebulania 2:1

Luulo gua, yukũjĩpĩĩle kuzikendegeele nkankanaa nakuziigilie, kuleke kuzilimĩĩlia.

2 Akolinto 10:1

Ĩne neene Paulo, neene nukumupepia inie kuupolo nĩkĩsuusu kya kĩKilisito; ĩne nanĩmwĩniinupia pĩna nkoolĩ pakatĩ yaani, ĩpa pĩna nukutilĩ ĩnkolo yaane nkamũ kumiani!

Utendi 13:15

ĩMatũmpĩ ma Ulagĩĩlio nĩma Anakĩdagu pĩna namasomua, ĩakulu ishũnagogi naatuma muntu kumiao nukukuaĩĩla, “Agoosia anũna ĩĩtu, malĩĩ ĩmutĩĩte lukaani lwa kukamĩnkĩĩlia inkolo za antu, lutambulĩ.”

Aepeso 3:3

ya kĩna kuukũnukuĩlua namanigua uunkũnkũ, kĩna alĩ numuandĩkĩĩle inie kunkaani nkeei.

Aebulania 12:5

Kangĩ muĩaguaa nkankanaa, uulangua naukĩtambuĩlaa niniinie zĩ aana, “Muanuane, uleke kuumela uulangua wa kĩShekulu, kangĩ ulekineketa munkolo pĩna witakĩlua ninduyo.

Aebulania 13:19

Numupeepilie nangũlũ mutende yaasio koona nshookigue kumiani kuukaaũ.