Aebulania 13:20 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁰ Ĩpa itĩ uNzua wa matiliga naalumupũnilie kwipũna muakiu uMudĩĩmi namukulu nwa nkolo, Shekulu wĩĩtu Yesu, kungũlũ ya mugali wilyago lya kalĩ nakalĩ,

Aebulania 13:20 Referans Kwoze

Yohana 10:11

“Ĩne neene numudĩĩmi namuuza. uMudĩĩmi namuuza ukuupũnagiaa uumĩ waakue kunsooko ya nkolo.

Aebulania 10:22

kusũgamĩĩle nĩnkolo ya tai kuukamĩnkĩĩlũ wa usuĩĩli; ikuaminzangĩlue inkolo zĩĩtu kuleke umoo namubĩĩ, koogigue ĩmiĩlĩ kumaazĩ nameelu.

Alumĩ 15:33

uNzua wa matiliga wĩĩpalumuĩ niniinie tũlũ. Amini.

2 Atesaloniki 3:16

Ĩpaino, ũShekulu wa matiliga muene wamupeele ĩmatiliga ntoondo zensi kunzĩla tũlũ. Shekulu wĩĩ palumuĩ niniiie tũlũ.

Yohana 10:14

Ĩne neene numudĩĩmi namuuza; ĩzaane nĩzimanile nĩzaane zimanile ĩne,

Utendi 2:24

Ĩpa uNzua numũiukia, numutũnguĩla muuwai wa nkia, kunsooko sika alĩ ishũũmĩkile waguĩlue nduo.

1 Petelo 2:25

Kuitĩ alĩ mualĩĩ zĩ nkolo nazipaaluukile, ĩpaiino mwamushookelaa uMudĩĩmi, nuMukendegeeli wa nkolo zaani.

Utendi 3:15

namumuulaga uyo uMuandio wa upanga, uyo uNzua naalumũiukilie kwipũna muakiu, nindiishie kuakuĩlli aakue.

1 Petelo 1:21

Kwa kĩuyo mukusuĩĩlaa mwa kĩNzua naalumũiukilie kwipũna muakiu, numupeela ukulu; sunga uusuĩĩli waani nuulaaĩĩli waani wĩĩ kwa kĩNzua.

1 Atesaloniki 1:10

nukukumutũngĩla umuana waakue kwipũna kwigyulu, naalumũiukilie kwipũna muakiu, mwene ũYesu nukukugũna aishie kwipũna muutaki naupolokile.

Akolosai 2:12

Alĩ muaĩĩkue palumuĩ ninduyo muubadĩĩzo, muwaasio gaa namũiukigua palumuĩ ninduyo kunzĩla ya usuĩĩli muusũmi wa kĩNzua,

1 Petelo 5:4

NuMudĩĩmi namukulu pĩna wijile kigyeleligua, mujiliaanũnkula ĩngala ya ukulu nasika yukoononekaa.

Aebulania 10:29

Mwaona mbii gua, sika yumũjĩpĩĩlene uukaasigua naukulu nangũlũ unuasio naalĩ umutilatile uMuana wa kĩNzua, nukukuusĩĩgĩla umugali wilyago naalĩ mueligue ninduyo, kĩna ingĩ sika kĩntu, nukukumumela uMuau wa ukende?

Aebulania 9:20

nwiũga, “Uu wau mugali wilyago nilyagĩĩligue nuNzua kumiani.”

1 Atesaloniki 5:23

uNzua wa matiliga muene wamuelekie; niniinie, inkolo zaani nĩmioo yaani nĩmiĩlĩ yaani mulindĩĩlue muĩ akapanga, ĩkutilĩ kishokio pityũngo pĩna ukiiiza ũShekulu wĩĩtu Yesu Kilisito.

Apilipi 4:9

iMpola naalĩ mwĩmanilie kumuane nukukuzaanũnkula nukukuziigia nukukuziona kumuane, zitendĩ nuNzua nwa matiliga ukitũla palumuĩ niniinie.

Alumĩ 8:11

Ĩpa kanga uMuau wa kĩuyo naalumũiukilie ũYesu kwipũna muakiu ĩwikyalile munsĩ yaani, uyo naalumũiukilie uKilisito Yesu kwipũna muakiu ukakuĩpangatia nĩmiĩlĩ yaani niĩlĩ muukiu, kwa kĩMuau waakue nũkyalile munsĩ yaani.

Utendi 5:30

uNzua wa atata ĩĩtu alumũiukilie ũYesu naalĩ mumuulagile inie namumusũntia mwikyota.

Matayo 26:28

Uu wau mugali waane wilyago nĩPia, nawiitĩkile kunsooko yaiingĩ kuuleegeligua wa mĩlandu.

Aepeso 1:20

Naali wĩtumĩĩle mwa kĩKilisito, pĩna alukumũiukia kwipũna muakiu, numuĩĩka pamukono waakue wa kĩgoosia kwigyulu,

Agalatia 1:1

Paulo mutumua, sika numutumue nĩantu katia kunzĩla ya kĩuntu, ĩpa kunzĩla ya kĩYesu Kilisito nuNzua Tata naalumũiukilie kwipũna muakiu.

2 Akolinto 13:11

Kumumalĩĩlio gua anũna aane, mulamu; mwĩkamatĩkie, mwĩkamie nkolo mukamantane, mwikyale mumatiliga; nuNzua wa uloogua nĩmatiliga ukitũla ukoolĩ palumuĩ niniinie.

2 Akolinto 4:14

kumanile kĩna naalumũiukilie ũShekulu Yesu ukakukũiukia sunga nindiishie palumuĩ nũYesu, nukukukutuala palumuĩ niniinie ntongela yaakue.

1 Akolinto 15:15

Ishie gua, kwigyelela kĩna kuakuĩli a ulongo a kĩNzua; Kunsooko kumukuĩlĩĩle uNzua ya kĩna alumũiukilie uKilisito nasika alumũiukilie, malĩĩ ĩakiu sika iiukigua.

1 Akolinto 14:33

Kuitĩ uNzua sika Nzua wa kĩlanga, ĩpa wa matiliga. Kĩnayĩĩlĩ numumakanisa tũlũ mensi ma eelu,

1 Akolinto 6:14

NuNzua alumũiukilie ũShekulu, nĩkangĩ ukakukũiukia nindiishie kungũlũ zaakue.

Utendi 17:31

Kunsooko uĩĩkile ulutondo lwa kulamula uunkũmbigyulu mukulukuuluu kumuntu naalumusaaguĩle; ninduyo nuapĩĩle ĩantu ensi ukamĩnkĩĩlia wa mpola izi kunzĩla ya kumũiukia kwipũna muakiu.”

Utendi 13:30

Ĩpa uNzua numũiukia kwipũna muakiu;

Utendi 2:32

“ũYesu wayu uNzua naalumũiukilie, nindiishie tũlũ kuakuĩli a mpola izi.

Luka 22:20

Iio nĩkĩĩko, pĩna naakondia kwilĩa, nuũga; ĩKĩĩko ĩkĩ ingĩ lyango nĩpia kumugali waane nũitĩkile kunsooko yaani.

Maliko 14:24

Nuaĩĩla, uu waau mugali waane wilyago, nũitĩkile kunsooko ya iingĩ.

Alumĩ 16:20

NuNzua nwa matiliga, ukakumutilatĩlia ũShetani nsĩlĩlĩ ya mĩgulu yaani kuukaaũ. uUkende wa kĩShekulu wĩĩtu Yesu Kilisito wĩĩ niniinie.

Alumĩ 1:4

nukukigyeleligua kungũlũ kĩna ingĩ muana wa kĩNzua kuwiiuki waakue kwipũna muakiu, kunzĩla ya kĩMuau mukola kuelia muene Yesu Kilisito Shekulu wĩĩtu.

Utendi 4:10

mumane inie tũlũ nĩantu tũlũ a Ĩsilaeli kĩna kuliina lya kĩYesu Kilisito Munazaleti naalĩ mumukonontelĩĩle inie mumusalaba, uzo uNzua numũiukia kwipũna muakiu; kwa kĩuyo umuntu uyu wĩĩmĩkile mupanga ntongela yaani.

Alumĩ 10:7

Katia, ‘Waani ukitima kwienda kuulungu?’ (wamuleete uKilisito kuna kiania kwipũna muakiu.)”