Aebulania 13:18 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁸ Kulompeelĩ ishie, kuitĩ kumanile ya kĩna kutĩĩte moo namuuza, nukwishiia kutũle nulugendo naluuza mumpola tũlũ.

Aebulania 13:18 Referans Kwoze

1 Atesaloniki 5:25

Anũna ĩĩtu, kulompeelĩ.

2 Atesaloniki 3:1

Kumumalĩĩlio anũna ĩĩtu, kulompeelĩ, koona uLukaani lwa kĩShekulu lusapatĩle nukwikuligua, iio-iioo kĩna yĩĩlĩ kunsiani,

1 Timoteo 1:5

Ĩpa itĩ, ĩnsooko ya ulagĩĩligua wĩĩtu ingĩ uloogua naupũnile munkolo nanzelu, numoo namuelu, nuusuĩĩli naugila kaunamampĩlu.

Akolosai 4:3

ĩmukukulompeela nindiishie, gaa, koona uNzua wakũgyuĩle umulango kuLukaani luakue kwitambula unkũnkũ wa kĩKilisito nanumutũngue kunsooko yaakue,

Alumĩ 15:30

Anũna aane, namupeepia mwa kĩShekulu wĩĩtu Yesu Kilisito numuuloogua wa kĩMuau, ĩkamatĩkiĩ palumuĩ nineene muulompi waani kunsooko yaane ntongela ya kĩNzua,

1 Petelo 3:21

iMpiani ya mpola izi ingĩ ubadĩĩzo naukumugũnaa ĩpaino, sika kuuĩĩka kulĩ uudobũ wa muĩlĩ, ĩpa ishookeelio lya moo namuuza ntongela ya kĩNzua kunzĩla ya wiiuki wa kĩYesu Kilisito.

1 Petelo 3:16

Muĩ numoo namuuza, koona mulukaani luasio muna mwiooneeligua ya kĩna muatenda mabĩĩ, akoligue inshoni ĩaasio naakulutukaa ulugendo luani naluuza mwa kĩKilisito.

1 Petelo 2:12

Muĩ nulugendo naluuza pakatĩ ya ndugu nazĩngĩ, itĩ kanga ĩakumutũngia kĩna mukutendaa mabĩĩ, pĩna alaaile uutendi waani nauuza, amukulie uNzua palutondo lwa kuuza kwilĩngulua.

1 Atesaloniki 4:12

koona mugendele muuuza ntongela yaao naĩĩlĩ kunzi, mulekitũla nuusilĩlua wa kiensi.

Utendi 24:16

nineene nĩkakilie intondo zensi nĩĩ numoo naugila kukũmpia naĩngĩ ntongela ya kĩNzua nĩantu gaa.”

Utendi 23:1

uPaulo nuatuupĩĩla ĩakulu ilindĩ, nuũga; “Agoosia anũna aane, ine kumoo namuelu nikyalile ntongela ya kĩNzua sunga nantende.”

Apilipi 4:8

Kumpelo anũna aane, zensi naza tai, zensi nazikyullio, zensi naza kulukuuluu, zensi nanzelu, zensi naza kuloeelia, zensi nazukukũmuukaa iiza, kanga wĩĩ ukoolĩ uuza wensi, kangaa luĩ lukoolĩ lukũmo naluuza luensi, zishĩĩgĩkie inkaani izi.

2 Akolinto 1:12

Kuitĩ kukĩkũmazukia kumuĩtu nsuuku, uukuĩli wa mioo yĩĩtu ingĩ kuweelu nuugolokũ naupũnile kwa kĩNzua, sika kumasala ma kĩmuĩlĩ, ĩpa kuukende wa kĩNzua alĩ kwikyalile muna unkũmbigyulu, nangũlũ gua kunsiani inie.

Alumĩ 13:13

Kulutiate ulugendo nalũjĩpĩĩle ĩmunsĩ, sika kuulakũ nulugaalo, sika kuugololia nuusambo, sika kuwĩleei nuwĩĩlũ.

Alumĩ 12:17

Muleke kumushookeelia muntu ubĩĩ kuubĩĩ. Musĩĩgĩkie nanziiza pamiiso ma antu tũlũ.