Aebulania 12:22 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²² Ĩpa mwamĩpikĩlĩĩle ĩnkoko ya Sayuni nukukaa ya kĩNzua namupanga, Yelusalemũ nya kwigyulu, nukumaũmbĩ ma amalaĩka magana ma nzogũ mingĩ,

Aebulania 12:22 Referans Kwoze

Apilipi 3:20

Ĩpa uukolakaa wĩĩtu ukoolĩ kwigyulu, kwipũna kuasio kumutũngĩĩle uMugũni, Shekulu Yesu Kilisito;

Agalatia 4:26

Ĩpa iYelusalemũ nya kukiania ingĩ umukolelua, wayu umaau wĩĩtu.

Ukũnukulua 14:1

Namona, laaa, uMuana-nkolo wĩĩmĩkile mukiania ya nkonko ya Sayuni, nĩantu magana ma nzogũ gyana lĩmuĩ nĩmakumi manĩĩ namanĩĩ alĩ ĩensi ninduyo, akola liina liakue nĩlya kĩTata waakue liandĩkue muusiu waao.

Ukũnukulua 21:2

Namona ĩkaa nanzelu, Yelusalemũ mpia, iiika kwipũna kwigyulu kwa kĩNzua yakonda kwijĩpĩĩligua, kĩna mutĩĩzĩla moogeeligue kumugoosia waakue;

Ukũnukulua 22:19

kangĩ wensi kanga waluleegie luensi lwa nkaani za unakĩdagu wa kĩtabũ ĩkĩ, uNzua ukakumuleegelia ityũmpĩ liakue mwikyota lya upanga, numukaa nanzelu, kĩna nandĩkue muna kĩtabũ ĩkĩ.

Ukũnukulua 3:12

Uyo nudulile nĩkakumutenda wĩĩ kĩsĩmbĩlĩ munumba ya kĩNzua waane; sikukipũna kangĩ muasio. Nineene nikiandĩka mumuakue ĩliina lya kĩNzua waane, nĩliina lya kaa ya kĩNzua, Yelusalemũ nampia, niikile kwipũna kwigyulu kwa kĩNzua waane, nĩliina liane ling'ene nĩpia.

Aebulania 13:14

Kuitĩ ĩpa kuagila kakaa nya kuĩma kalĩ, ĩpa kukumĩdũũma ĩniasio nijile.

Aebulania 11:10

Kuitĩ alumĩlaaĩlĩĩle ĩkaa nya mĩkũlĩla, ĩĩo umukola kumĩsĩĩga nukukumĩzenga ingĩ uNzua.

Ukũnukulua 21:10

Nunsola mwa kĩMuau sunga kunkonko nankulu nandĩĩpũ, nundagĩĩla ĩkaa nanzelu Yelusalemũ, iiika kwipũna kwigyulu kwa kĩNzua,

Ukũnukulua 7:2

Namona malaĩka wĩngĩ, nwinankĩla kwipũna kĩna ĩmpasu yukutuĩlaa, utĩĩte umuntoozo wa kĩNzua namupanga, nuatuntĩĩla kululi lukulu ĩamalaĩka aasio naanĩĩ naalĩ apegue kwioonoona ĩnsĩĩ nĩnanza,

Yuda 1:14

Nu Enoki naalĩ wĩleli wa mupũngatĩ kwipũna uAdamu, alupũnilie uunakĩdagu mumpola za aasio, nuũga, “Laaa, ũShekulu alupolokile nĩeelu aakue, magana ma nzogũ kiaka,

Aebulania 10:31

Ingĩ lukaani lwa koopookia kwiguĩla mumĩkono ya kĩNzua namupanga.

Aebulania 9:14

sika ikulu nangũlũne ĩmĩgali ya kĩKilisito, naalĩ wĩpũnilie kwa kĩNzua kunzĩla ya kĩMuau wa kalĩ nakalĩ, watũle pyolia nigila kaulema, ukakumoogia ĩmioo yaani nuutendi wa ukiu kukumutumĩla uNzua namupanga?

Aebulania 3:12

Ĩkendegeelĩ, anũna aane, ilekitũla mumiani kaumuĩ nutĩĩte ĩnkolo nambĩĩ nya kusiitishuĩĩla, nya kumuleka uNzua namupanga.

1 Atesaloniki 1:9

Kuitĩ eene akola iganula ĩmpola zĩĩtu, kĩna alĩ mukukusũgamĩĩlia ishie, kangĩ kĩna alĩ mumugomokelĩĩle uNzua, namualeka ĩanzegamĩla, koona mwamutumĩla uNzua namupanga nwa tai;

Alumĩ 11:26

Iio ĩĨsilaeli tũlũ ikigũnĩka. Kĩna yandĩkue, “uMugũni ukiiza kwipũna kuSayuni; Ukileegia uuleki wa kĩYakobo”

Alumĩ 9:26

“Nĩpaasio pĩna alĩ aĩĩlue, ‘Ĩne sika mwĩantu aane,’ ikiĩĩtua, ‘Aana a kĩNzua namupanga.’”

Matayo 5:35

katia kwilapĩla ĩnsĩĩ, kuitĩ muumo uĩĩko wa mĩgulu yaakue; katia kũYelusalemũ, kuitĩ ĩĩo kaa ya mutemi namukulu.

Matayo 16:16

uSimoni Petelo numushookeelia, nuũga, “Ue uue Kilisito, Muana wa kĩNzua namupanga.”

Aepeso 2:19

Iio gua sika kĩlĩ muagenda nĩakĩlania, ĩpa itĩ inie muakolakaa palumuĩ nĩeelu, antu a munumba ya kĩNzua.

2 Timoteo 4:18

ũShekulu ukindeegia kwipũna muubĩĩ wensi nukwingũna kuutemi waakue wa kwigyulu. Kumuakue wĩĩ ukulu ĩkalĩ nakalĩ. Amini.

Aebulania 11:16

Ĩpaino atĩĩte nsula kwienda kunsĩĩ nanziiza kwikĩlĩkĩĩla, ĩyo nya kwigyulu. Luulo gua, uNzua sika nuona kansoni kwiĩĩtua Nzua waao; kuitĩ waazĩpĩlĩĩlie ĩkaa.