Aebulania 12:14 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁴ Dũũmĩkiĩ muĩ nĩmatiliga kuantu tũlũ, nuweelu muntu kanga wasiititũla nduo sikukakumuona ũShekulu.

Aebulania 12:14 Referans Kwoze

2 Akolinto 7:1

Iio gua aloogua, kunsooko kutĩĩte ĩmalago aya, kwĩeelie kwipũna muudobũ wensi wa muĩlĩ nĩnkolo; ĩkwikamĩnkĩĩlia uweeligua muooa wa kĩNzua.

1 Atesaloniki 4:7

Kuitĩ uNzua sika alukuĩtile kuudobũ ĩpa muweeligua.

1 Petelo 3:11

Waleke uubĩĩ, watende namaaza; Wadũũme ĩmatiliga nukukumatiata.

Alumĩ 12:18

Na yasũũmĩka, kuluandĩ luani, mwikyale mumatiliga nĩantu tũlũ.

Alumĩ 14:19

Iio gua kutiate impola za matiliga nimpola nazijĩpĩĩle kukĩzenga.

1 Atesaloniki 3:13

Itĩ yoi wazĩtende inkolo zaani zitũle nkamũ, ĩmuagila kishokio muweelu ntongela ya kĩNzua Tata wĩĩtu, pĩna ũjiliiiza ũShekulu wĩĩtu Yesu palumuĩ nieelu aakue tũlũ.

Alumĩ 6:22

Ĩpaino pĩna mwakomolua kwipũnamumulandu nukwitũla asese a kĩNzua, mutĩĩte nsaĩlo yaani, ingĩ kwieeligua, nĩmpelo yaakue upanga wa kalĩ nakalĩ.

3 Yohana 1:11

Muloogua, uleke kuutiata uubĩĩ, ĩpa uutiate uuza. uNuasio nukutendaa naiiza ingĩ wakĩ Nzua, ĩpa nukutendaa naibĩĩ sikumuoonie uNzua.

Aepeso 5:5

Kuitĩ ulukaani luasio mulumanile tai, ya kĩna ukutilĩ umugololia sunga umudobũ sunga nwansula mbĩĩ, (muene nukuatekelaa ĩanzegamĩla,) nutĩĩte uusaali muutemi wa kĩKilisito nuwa kĩNzua.

Aebulania 12:10

Ĩaasio gua alĩ akukulangaa kuntondo nkeei, kĩna alĩ aoonie iiza ĩeene akola, ĩpa uzo ukukulangaa kunsaĩlo yĩĩtu, koona kukamantane muweelu waakue.

1 Timoteo 6:11

Ĩpa ue, nwĩmuntu wa kĩNzua, uzitalame ĩzaasio; utiate ĩkulukuuluu nuukulia uNzua, usuĩĩli, uloogua, ukamatĩkũ nuupolo.

1 Petelo 3:13

Waani gua nukakumutendela uubĩĩ kanga mwĩkakie kwitenda namaaza?

Maliko 9:50

uMulenge ingĩ muuza, ĩpa umulenge kanga usuuke, mukiĩĩkĩla yaani ukolele. Muĩ numulenge munsĩ yaani, mwikyale nĩmatiliga niinie kuniinie.

2 Petelo 3:11

Iio gua, kunsooko iintu tũlũ ĩkĩnekentuka itĩ, yumũjĩpĩĩle inie muĩ antu kĩ mulugendo naluelu nukukumukulia uNzua,

1 Akolinto 1:10

Numupeepilie inie anũna aane, muliina lya kĩShekulu wĩĩtu Yesu Kilisito, muutambuli waani tũlũ mwĩgombie; ilekitũla kunsiani ulekanuki, ĩpa muĩ akamĩnkĩĩligue mũshĩĩgo lĩmuĩ nĩkialo kĩmuĩ.

Luka 1:75

muweelu numukulukuuluu ntongela yaakue intondo zĩĩtu zensi.

2 Timoteo 2:22

Uzitalame inshula za usumbatĩ; ĩwĩtiata ĩkulukuuluu, nuusuĩĩli, nuuloogua, nĩmatiliga, palumuĩ nĩaasio naakumuĩtaa ũShekulu kunkolo nanzelu.

1 Atesaloniki 5:15

Laaĩ, wensi waleke kumushookeelia umuua ubĩĩ kuubĩĩ; ĩpa intondo tũlũ lutiatĩ naluuza, niinie kuniinie, nukuantu tũlũ.

2 Petelo 3:18

Ĩpa mukule muukende nukukumumana ũShekulu nuMugũni wĩĩtu Yesu Kilisito. Ukulu wĩĩ kumuakue ĩpaino sunga kulutondo lwa kalĩ nakalĩ. Amini.

Apilipi 3:12

Sika ya kĩna napikile katia nakamĩnkĩlĩĩle, zũi, ĩpa nĩambukĩlĩĩlie, nulũtyape uluasio naKilisito Yesu alũtyapile.

2 Akolinto 6:17

kuluulo, pũnĩ pakatĩ yaao Mutemanuke ndĩo, uũgile ũShekulu, Mulekipaatia ĩmadobũ, Nineene nĩkakumusũgamĩĩlia.

1 Akolinto 13:12

Kuitĩ unzuauu kwiona zĩ mukĩlolelo kunzĩla ya ung'enua; ĩpa pityũngo liasio usiu kuusiu; unzuauu nĩngile kwityũmpĩ udũũ; ĩpa pityũngo liasio nijililĩngĩkia kĩna iio naalĩ numulĩngĩkigue.

Agalatia 3:21

Mbii gua, uUlagĩĩlio ukusĩĩtane ĩmalago ma kĩNzua? Sika iio! Kuitĩ malĩĩ alĩ ũjilileetua ulagĩĩlio nausũumile kwipangatia, paapo tai, ĩkulukuuluu alĩ ijilitũla kunzĩla ya ulagĩĩlio.

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.