Aebulania 11:36 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁶ ĩĨĩa alĩ agemue naapopotua nukwikuangua sunga kwitũngua nĩmatendele nukwigumĩlua mukĩtũngo.

Aebulania 11:36 Referans Kwoze

Aebulania 10:34

Kuitĩ alĩ muakolĩĩlue kĩsuusu ĩaasio naalĩ ĩĩlĩ mukitũngo, namugomba kuulumbi kwileegeligua inshao zaani, kunsooko alĩ mumanile kĩna alĩ mutĩĩte ĩnsao nanziiza nangũlũ nikikyalaa.

Matayo 23:34

Luulo gua, laaĩ, ĩne ntumile kumiani anakĩdagu nĩanamasala nĩalangi. Muĩa, ĩĩĩa mukakuaulaga nukukuakononteela mumusalaba; ĩĩĩa mukakuakuangĩĩla mumasũnagogi maani, nukukuaĩnga kaa kukaa,

Ukũnukulua 2:10

Ulekioopooka inkaani nazĩkakukuagaana. Laaa ũShetani ukitũla kumugumĩla namuĩngĩ mumiani mukĩtũngo koona mugemue, niniinie mukitũla ninjago intondo kyumi. Wĩĩ musuĩĩli sunga ĩnkia, nineene nĩkakukupeela ĩngala ya upanga.”

2 Timoteo 2:9

Kunsooko yaakue niaagigua sunga kwitũngua zĩ mutimuli, ĩpa ulukaani lwa kĩNzua sika lukutũngaguaa.

2 Timoteo 1:16

ũShekulu waakolelue kĩnishungu ĩaasio naa munumba ya kĩOnesifolo; kuitĩ nkua ningĩ alukumpolelagiaa nkolo, sunga sika alumakolĩĩlue kansoni ĩmatendele maane;

Aepeso 4:1

Luulo gua numupeepilie inie, ĩne nanumutũngua mwa kĩShekulu, mugendele kĩna ijĩpĩĩle uwĩĩtua waani naalĩ muĩĩtĩlue.

Utendi 24:27

Pĩna nĩkĩla miaka ĩbĩlĩ, uPeliki numuanũnkula uPolikio Pesto wateme palioma liakue. uPeliki, kunsooko nusĩĩa kukualoeelia ĩAyahũdi, numuleka uPaulo mukĩtũngo.

Utendi 21:33

uMukulu wa ulugu nusũgamĩĩla, numuguĩla, nulagĩĩlia watũngue matendele mabĩlĩ. Nukolia, “Waani uyu, kangĩ utendile yaani.”

Utendi 8:3

uSauli nulionoona ikyanisa, nũingĩla numba kunumba nukukuakuesa ĩagoosia nĩasungu, nuagumĩla mukĩtũngo.

Utendi 5:40

Naamũigia, nĩndĩo pĩna naaĩĩta ĩatumua, naaakua, naaalagĩĩlia alekitambula kuliina lya kĩYesu, naalekela.

Utendi 5:18

naaaguĩla ĩatumua naaaĩĩka mukĩtũngo.

Utendi 4:3

Naaaguĩla, naaaĩĩka mukĩtũngo sunga mudaau, kuitĩ alĩ yaazaa mpĩndĩ.

Luka 23:36

Ĩĩlaasi ndĩo naamupopota, naamuagaana, naamuleetela siki nkalĩ

Luka 23:11

uHelode numumelekia palumuĩ nĩĩlaasi aakue, nukukumupopota nukukumujiala intiila za kĩtemi; paapo numushookia kwa kĩPilatu

Luka 18:32

Ukiĩĩkĩlua mumĩkono ya ndugu nazĩngĩ watendelue ĩmapana, watendelue uugaali nukwitiĩlua ĩmatĩ.

Maliko 10:34

nĩndĩo ĩkakumupopota nukukumutiĩla ĩmatĩ, nukukumukua namĩkoa nukukumuulaga, nĩpĩna intondo zitatu zikikila ukiiiuka.

Matayo 27:26

Paapo nuatũngulĩlia uBalaba. Pĩna numukua ũYesu namĩkoa, numupũnia wakononteelue mumusalaba.

Matayo 21:35

ĩAlĩmi naaaguĩla ĩĩtumi aakue; uyu naamukua, umuua naamuulaga, umuua naamutũlanga ĩmagũe.

Matayo 20:19

nukukumuĩĩkĩla mumĩkono ya ndugu nazĩngĩ koona amupopote, nukukumukua namĩkoa, nukukumukononteela mumusalaba; nulutondo lwa katatu ukiiukigua.”

Aepeso 3:1

Kunsooko ĩĩ ĩne nanĩPaulo numutũngua wa kĩKilisito Yesu kunsooko yaani inie ndugu nazĩngĩ.