Aebulania 11:33 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³³ Kunzĩla ya usuĩĩli alĩ adulile uutemi, alĩ atendile ĩkulukuuluu, alĩ aligilie ĩmalago, alĩ amũmilie ĩmĩlomo ya nsimba,

Aebulania 11:33 Referans Kwoze

Aebulania 10:36

Kuitĩ ĩmũjĩpĩĩle muĩ nuugigimĩlia, koona pĩna mwatenda uulooa wa kĩNzua, muanũnkule naalĩ mualagĩlue.

Agalatia 3:16

Luulo gua ĩmalago alĩ matambulue kwa kĩIbũlahimu nukumulelua wakue. Sikuũgile, “Kualelua,” zĩ antu naiingĩ, ĩpa zĩ umuĩ, “Kumulelua waako,” ingĩ muene uKilisto.

1 Petelo 5:8

Sukukĩ, kyalĩ nuukenge kunsooko ũShetani umulugu waani zĩ nsimba nilũma ipilimĩkĩĩlia, widũũma wensi wamumĩle.

Aebulania 11:17

Kuusuĩĩli uIbũlahimu pĩna alĩ mugemue numupũnia uIsaki watũle pyolia; ninduyo naalumaanũnkuĩle ĩmalago, alumupũnilie polia umuana waakue nwig'ene,

2 Timoteo 4:17

Ĩpa itĩ ũShekulu nuĩmĩka paluandĩ luane, numpeela ingũlũ kwitanantia uLukaani kuukamatĩkũ, indugu nazĩngĩ alũigie. Itĩ yoi nangũnua kwipũna mumulomo wa nsimba.

Matayo 5:12

Lumbĩ nukwilumbĩĩlia; kuitĩ ĩkĩpeegua kiani ĩngĩ kĩkulu kwigyulu; kuitĩ iio aliaaagilie ĩanakĩdagu naalĩ amutongelĩĩle.

Yakobo 2:18

Ĩpa wensi nukiũga, “Ue utĩĩte usuĩĩli, ĩne ntĩĩte utendi.” Ndagĩĩla uusuĩĩli waako pĩna kutilĩ kautendi waako, nineene nĩkakukulagĩĩla uusuĩĩli waane kuutendi waane.