Aebulania 10:21 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²¹ kangĩ kunsooko kutĩĩte umupolia namukulu mumpola za numba ya kĩNzua;

Aebulania 10:21 Referans Kwoze

Aebulania 2:17

Luulo gua, alĩ yumũjĩpĩĩle kukĩpianĩkĩĩligua nĩanũna aakue mumpola tũlũ, watũle mupolia namukulu, mukola kĩnishungu kangĩ musuĩĩli muwĩtumi tũlũ pa kĩNzua, koona waĩpolelie ĩmĩlandu ya antu.

Aebulania 8:1

uLukaani nalukulu muizi nakwitambula ntuulu, kutĩĩte umupolia namukulu nwĩkĩna itĩ, nwikalansile pamukono wa kĩgoosia wityengu lya kĩtemi lya Ukulu mwigyulu,

Aebulania 6:20

muasio muumo naalĩ wingĩĩle ũYesu umutongeeli kunsooko yĩĩtu, naalutũlile mupolia namukulu ĩkalĩ nakalĩ kwilika lya kĩMelikizedeki.

Aebulania 7:26

Kuitĩ alĩ ijĩpĩĩle ishie kutũle numupolia namukulu kĩna uyu, namuelu namugila kaubĩĩ, namugila kibyado, naalĩ mukamatulue nĩanamĩlandu, nunansulua kukiania igyulu.

Aebulania 3:1

Luulo gua anũna namwĩeelu, namukamantĩĩne muwĩĩtua wa kwigyulu, musĩĩgĩkiĩ ũYesu, mutumua kangĩ mupolia namukulu wa ukũmuuli wĩĩtu.

1 Timoteo 3:15

kanga ntinie, umane kĩna ijĩpĩĩle ĩantu kwigendela munumba ya kĩNzua. ĩlĩ lyolĩ kyanisa lya kĩNzua namupanga, ishĩmbĩlĩ kangĩ mukũlĩla wa tai.

Matayo 16:18

Nineene nakuĩĩla, Ue uue Petelo, numukiania ipyampa ĩlĩ nikijenga ikyanisa liane, sunga ingũlũ za ukiu sika zĩkakĩlĩdula.