Aebulania 10:20 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

²⁰ kunzĩla niasio naalukuandĩĩlie, nampia, nampanga, naalumigyuile kwikĩlĩla mwipyupa, ingĩ umuĩlĩ waakue,

Aebulania 10:20 Referans Kwoze

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

Yohana 10:9

Ine neene numulango; tũlũ wensi kanga wingĩlĩle pamuane ukigũnĩka; ukiingĩla nukwipũna, ukiligia udĩĩmo.

Aebulania 9:3

Nukunũma ipyupa lya kabĩlĩ alĩlĩkoolĩ iHyeema nalĩkuĩtaguaa YEELU pa yeelu.

Aebulania 9:8

Itĩ yoi uMuau Muelu nwilagĩĩla ya kĩna ĩnzĩla ya kũingĩlĩla yeelu pa Pana yeelu alĩ ikĩĩlĩ kalakigyeleligua pĩna ikoolĩ mwiHyeema pamulango.

Aebulania 6:19

nakutĩĩte zĩ kyamĩkĩlo lya nkolo nikyola ngũlũ nĩmatiliga, uulaaĩĩli naukĩlile mũpyupa lya kumbele nikwiingĩla sunga munsĩ;

Yohana 10:7

Iio ũYesu nuũga kangĩ, “Tai-taaii namuĩĩla, Ĩne neene numulango wa nkolo.

1 Yohana 4:2

Kunzĩla ĩĩ mumumanile uMuau wa kĩNzua; ĩnkolo yensi nĩkũmulĩĩle kĩna ũYesu Kilisito waazile mumuĩlĩ wa kĩuntu, ĩpũnile kwa kĩNzua.

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

Luka 23:45

uweelu wa mpasu nauula, ipyupa lya numba ya kĩNzua nalĩtanduka pakatĩ.

Maliko 15:38

iPyupa lya numba ya kĩNzua nalĩtanduka mpĩngĩlĩ zibĩlĩ, kwipũna kukiania sunga pansĩ.

Matayo 27:51

Paapo gua, ipyupa lya Numba ya kĩNzua nalĩtanduka pakatĩ kwipũna kukiania sunga pansĩ. ĩNsĩĩ nĩsũngũsĩka ĩmapampa namatanduka;

2 Yohana 1:7

Kunsooko ĩalimĩĩlia iingĩ igyelĩĩle muna unkũmbigyulu nasika akũmulĩĩle kĩna ũYesu Kilisito waazile mukĩmuĩlĩ. Wayu mulimĩĩlia numugilia Kilisito.

Aepeso 2:15

Pĩna nuuleegia uulugu kumuĩlĩ waakue, uulagĩĩlio waasio wa malagĩĩlio namĩĩlĩ muntendo, koona waaumbe ĩaasio naabĩlĩ kwitũla muntu mupia umuĩ mumuakue umuene, muaasio muumo nuleeta ĩmatiliga.