Aebulania 10:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Numupolia wensi ukuĩmĩkaa lutondo kulutondo nukĩtuma uwĩtekeli, nwipũnia ĩmapolia mayo-mayoo nkua ningĩ; ndayo sika masũũmile kwileegia ĩmĩlandu.

Aebulania 10:11 Referans Kwoze

Aebulania 10:4

Kuitĩ sika ishũũmĩkile ĩmĩgali ya ng'ombe nimbuli ĩleegie ĩmĩlandu.

Aebulania 5:1

Kuitĩ umupolia namukulu wensi namusaagulue pakatĩ ya antu ukuĩĩkaguaa kunsooko ya antu munkaani nazĩmũjĩpĩĩle uNzua, koona wapũnie ĩmapũnio nĩmapolia kunsooko ya mĩlandu.

Aebulania 7:27

Uyo sikusiile lutondo luensi, kĩna ĩapolia naakulu naĩngĩ, tangua kwipũnia ĩmapolia kunsooko ya mĩlandu yaakue umuene, pembele kunsooko ya mĩlandu ya antu; kuitĩ uyo alutendile itĩ kamuĩ dũũ, pĩna alĩ wĩpũnilie umuene.

Aebulania 10:1

Kuitĩ uUlagĩĩlio utĩĩte mulũle udũũ wa uuza nawijile, sika kikyelu liene lya uuza waasio, iio gua, sika usũũmile kumapolia ayo naakumapũnagiaa intondo tũlũ muaka kumuaka, kukuakamĩnkĩĩlia ĩaasio naakusũgamĩĩlaa.

Aebulania 8:2

mwĩtumi wa Pana yeelu niHyeema lya tai; ndĩlo ũShekulu alulĩĩĩkile, sika kumuntu.

Aebulania 8:4

Kanga aza ĩwĩĩlĩ muna nsĩĩ sika azũjilitũla mupolia; kunsooko akoolĩ ĩapolia naakupũnagiaa ĩmapũnio kunzĩla ya Ulagĩĩlio.