Aebulania 10:10 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁰ Kuulooa uu alĩ kwĩeeligue kunzĩla ya upũnigua wa muĩlĩ wa kĩYesu Kilisito nkua ĩmuĩ dũũ.

Aebulania 10:10 Referans Kwoze

Aebulania 10:14

Kuitĩ kwipyolia lĩmuĩ alĩ waakamĩnkĩlĩĩlie sunga kalĩ nakalĩ ĩaasio naalĩ eeligue.

Aebulania 10:12

Ĩpa uKilisito pĩna alupũnilie kunsooko ya mĩlandu ipyolia kamuĩ nalĩkoolĩ ĩkalĩ nakalĩ, paapo nwikyalansa pamukono wa kĩgoosia wa kĩNzua.

1 Akolinto 6:11

Nĩĩĩa kunsiani alĩ ĩkĩna awa. Ĩpa namoogigua, ĩpa namueligua, ĩpa namualĩĩligua ĩkulukuuluu muliina lya kĩShekulu Yesu Kilisito, nuMuau wa kĩNzua wĩĩtu.

Aebulania 7:27

Uyo sikusiile lutondo luensi, kĩna ĩapolia naakulu naĩngĩ, tangua kwipũnia ĩmapolia kunsooko ya mĩlandu yaakue umuene, pembele kunsooko ya mĩlandu ya antu; kuitĩ uyo alutendile itĩ kamuĩ dũũ, pĩna alĩ wĩpũnilie umuene.

Yohana 17:19

Nukunsooko yaao nĩeelagiaa, koona nĩndĩo eeligue mutai.

Aebulania 13:12

Itĩ yoi ũYesu nduyo alĩ muagigue kunzi ya lyumulango lya kaa, koona waeelie ĩantu kumugali waakue umuene.

1 Akolinto 1:30

Ĩpa kumuakue inie mukoolĩ mwa kĩKilisito Yesu naalĩ mutendue kumuĩtu wĩĩ masala namapũnile kwa kĩNzua, nĩkulukuuluu nuweeligua nuukomolua;

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.

Aebulania 9:12

alĩ wingĩĩle kamuĩ dũũ Pana yeelu pa Pana yeelu, sika kunzĩla ya mĩgali ya mbuli nĩnya muzagamba, ĩpa kunzĩla ya mugali waakue umuene, itĩ nuligia uukomolua wa kalĩ nakalĩ.

1 Petelo 2:24

Uzo muene alĩ wĩĩkenkile ĩmĩlandu yĩĩtu mumuĩlĩ waakue mwikyota, lya mpaga itĩ nakutũla akiu mumpola za mĩlandu, kutũle apanga mumpola za kulukuuluu. Numuutiunulua waakue namukamigua.

Aebulania 10:20

kunzĩla niasio naalukuandĩĩlie, nampia, nampanga, naalumigyuile kwikĩlĩla mwipyupa, ingĩ umuĩlĩ waakue,

Aebulania 9:26

kanga alĩĩ iio, alĩ yumujĩpĩĩle kwiaagigua nkua ningĩ kwipũna kwiĩĩkua umukũlĩla wa unkũmbigyulu. Ĩpaino, nwigyelela nkua kamuĩ dũũ pampelo ya unkũmbigyulu, waleegie umulandu kunzĩla ya kĩpũnia wĩĩ pyolia.

Aebulania 2:14

Iio gua, kunsooko ĩaana akamantĩĩne nĩmiĩlĩ nĩtĩĩte umugali nĩnama, uyo nduyo iio-iioo alukamantanile iio-iioo, koona kunzĩla ya nkia wamoonoone uyo nutĩĩte usũũmi wa ukiu, ingĩ ũShetani,

1 Yohana 5:6

Uyu wayu naalĩ wijile kumaazĩ nukumugali, ũYesu Kilisito; sika kumaazi udũũ, ĩpa kumaazi nukumugali.

Yohana 19:34

Ĩpa mwĩlaasi umuĩ numusoma ndilima mulualũ, ĩkamuĩ nĩpũna mĩgali nĩmaazĩ.

Aebulania 2:11

Kuitĩ uyo nukuelagiaa nĩndĩo naeeligue tũlũ gaa apũnile kumuĩ. Kunsooko ĩĩ sikukukolaguaa kansoni kukuĩĩta anũna,

Aebulania 10:5

Luulo gua, uKilisito pĩna wijile muna unkũmbigyulu, uũgile, “ĩMapolia nĩmapũnio sika nusiia, Ĩpa umuĩlĩ aluuzĩpĩlĩĩlie;

Yohana 6:51

Ĩne neene nĩndia ya upanga naalĩ ĩtimile kwipũna kwigyulu; tũlu wensi kanga wamĩlĩe ĩndia ĩĩ, ukitũla nuupanga wa kalĩ nakalĩ. Nĩndia nanikipũnia ĩne kunsooko ya upanga wa unkũmbigyulu ingĩ umuĩlĩ waane.”

Aepeso 5:2

Mugendele muuloogua kĩna uKilisito naalumuloogilue inie, nwĩsuula kunsooko yĩĩtu, wĩĩ pyũnio nipyolia kwa kĩNzua, kwitũla munũnku namuuza.

Aepeso 5:26

koona walielie pĩna alulĩogilie kumaazĩ nukuLukaani.

Aebulania 5:7

Uyo pantondo zaasio pĩna alĩ wĩĩlĩ muwikyaalĩ wa muĩlĩ wa kĩuntu, alumupũnĩĩlie uulompi nuupeepia palumuĩ nukukumulĩĩlĩkia kumisholi, uyo nusũũmile kukumugũna kwipũna muukiu; nũigigua kwilika lya ukulia Nzua waakue.

Aebulania 9:14

sika ikulu nangũlũne ĩmĩgali ya kĩKilisito, naalĩ wĩpũnilie kwa kĩNzua kunzĩla ya kĩMuau wa kalĩ nakalĩ, watũle pyolia nigila kaulema, ukakumoogia ĩmioo yaani nuutendi wa ukiu kukumutumĩla uNzua namupanga?

Aebulania 10:29

Mwaona mbii gua, sika yumũjĩpĩĩlene uukaasigua naukulu nangũlũ unuasio naalĩ umutilatile uMuana wa kĩNzua, nukukuusĩĩgĩla umugali wilyago naalĩ mueligue ninduyo, kĩna ingĩ sika kĩntu, nukukumumela uMuau wa ukende?

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.