1 Yohana 4:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ uNuasio nasika utĩĩte uloogua sikumulĩngile uNzua; kunsooko uNzua ĩngĩ uloogua.

1 Yohana 4:8 Referans Kwoze

1 Yohana 4:16

Nindiishie kuulĩngile nukukuusuĩĩla uuloogua nuutĩĩte uNzua kumiĩtu. uNzua ingĩ uloogua, nunuasio nukikyalaa muuloogua, ukikyalaa munsĩ ya kĩNzua, nuNzua ukikyalaa munsĩ yaakue.

1 Yohana 4:7

Aloogua, kwĩloogue ndiishie kundiishie; kunsooko uuloogua ukupũnaa kwa kĩNzua; wensi nutĩĩte uloogua mulelue nuNzua, kangĩ umulĩngile uNzua.

2 Akolinto 13:11

Kumumalĩĩlio gua anũna aane, mulamu; mwĩkamatĩkie, mwĩkamie nkolo mukamantane, mwikyale mumatiliga; nuNzua wa uloogua nĩmatiliga ukitũla ukoolĩ palumuĩ niniinie.

Aepeso 2:4

ĩpa itĩ uNzua, namukola ugolĩ wa kĩninshungu, kuuloogua waakue naukulu naalukuloogilue,

1 Yohana 1:5

Izi zozi mpola naalĩ kũigilie kumuakue nukwitanantia kunsiani, ya kĩna uNzua ingĩ weelu, sunga ĩkiiti sika kikyalile kainiino munsĩ yaakue;

1 Yohana 3:6

Wensi nukikyalaa munsĩ yaakue sikukutimulaa, wensi nukutimulaa sikumuoonie sunga sikumulĩngile.

1 Yohana 2:9

Uzo nukuũgaa kĩna wĩĩlĩ muweelu, ninduyo umusuukĩĩlue umunũna waakue, wĩĩlĩ muwiilu sunga nunzuauu.

1 Yohana 2:4

Uzo nuũgile, “Numulĩngile,” ninduyo sikukumakendegelĩĩle ĩmalagĩĩlio maakue,, ingĩ mulongo, nĩtai yukutilĩ munsĩ yaakue;

Aebulania 12:29

Kuitĩ uNzua wĩĩtu ingĩ mooto naukũlĩĩkagiaa.

1 Yohana 3:10

Kunzĩla ĩĩ ĩaana a kĩNzua igyelĩĩle, sunga ĩaana a kĩShetani gaa. Tũlũ wensi nasikukutendaa ĩkulukuuluu sika wa kĩNzua, sunga uuyo nasikumuloilue umunũna waakue.