1 Yohana 3:8 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁸ Nukutendaa ĩmĩlandu ingĩ wa kĩShetani, kunsooko ũShetani ukutendaa ĩmĩlanadu kwipũna umuandio. Kunsooko ĩĩ uMuana wa kĩNzua nwigyeleligua, koona waĩonoone ĩmĩlĩmo ya kĩShetani.

1 Yohana 3:8 Referans Kwoze

Aebulania 2:14

Iio gua, kunsooko ĩaana akamantĩĩne nĩmiĩlĩ nĩtĩĩte umugali nĩnama, uyo nduyo iio-iioo alukamantanile iio-iioo, koona kunzĩla ya nkia wamoonoone uyo nutĩĩte usũũmi wa ukiu, ingĩ ũShetani,

Yohana 8:44

Inie mwa kĩtata waani Shetani, ninshula za kĩtata waani mualoe kukuzitenda. uNuasio alĩ muulagani kwipũna iyuukĩ, sunga sika ukuĩmaa mutai, kuitĩ ĩtai yukutilĩ mumuakue. Pĩna witambula ulongo ukutaambulaa ĩzaakue muene, kunsooko ingĩ mulongo, kangĩ tata wa ulongo.

Akolosai 2:15

Kangĩ ĩakulu nĩanausũũmi nualeegelia ĩmata maao, nuigyelelia kualiĩ kĩna ĩĩlĩ, nuadulĩkia kungili-gili mumusalaba wasio.

Alumĩ 16:20

NuNzua nwa matiliga, ukakumutilatĩlia ũShetani nsĩlĩlĩ ya mĩgulu yaani kuukaaũ. uUkende wa kĩShekulu wĩĩtu Yesu Kilisito wĩĩ niniinie.

Yohana 16:11

Kumpola za ulamuli kunsooko umukulu wa unkũmbigyulu uu walamulaguaa.”

Yohana 12:31

Ĩpaino uulamulua wa unkũmbigyulu uu ukoolĩ; ĩpaino umukulu wa unkũmbigyulu ukitaagua kunzi.

2 Petelo 2:4

Kuitĩ malĩĩ uNzua sika alĩ waalekile ĩamalaĩka naalĩ atimuĩle, ĩpa alĩ waagumĩĩle kuulungu, naatũngua nĩmatendele ma kiiti, alindĩĩlue muumo sunga uulamulua uuze;

Maliko 1:24

nalĩkuuta, nalĩũga, “Kwĩmbii ninduue, Yesu Munazaleti? Wijile kukukumalane? Nukuĩzĩ wĩwaani; uue Muelu wa kĩNzua.”

Aepeso 2:2

Naalĩ mukugendelaa ndĩo ĩkalĩ kukuzitiata intendo za unkũmbigyulu uu, nukukumutiata umutemi wa usũũmi wa nzega, ĩnkolo niasio nyĩkĩtuma umulĩmo sunga nunzuauu muaana auleki.

Luka 10:18

Nuaĩĩla; “Aza numuoonie ũShetani wigua kwipũna kwigyulu zĩ lupĩĩto.

1 Yohana 3:10

Kunzĩla ĩĩ ĩaana a kĩNzua igyelĩĩle, sunga ĩaana a kĩShetani gaa. Tũlũ wensi nasikukutendaa ĩkulukuuluu sika wa kĩNzua, sunga uuyo nasikumuloilue umunũna waakue.

Matayo 13:38

uMugunda ingĩ uunkũmbigyulu. Nimbeu nanziiza ingĩ ĩaana autemi, ningugu ingĩ ĩaana a mubĩĩ,

Ukũnukulua 20:10

nũShetani, umukola kualimĩĩlia nutaagua munanza ya mooto nĩkĩbiliti-biliti, muna ĩkoolĩ ĩnimu numunakĩdagu wa ulongo. Nĩndĩo ĩkiaagigua munsĩ nuutiku sunga ĩkalĩ nakalĩ.

1 Yohana 5:19

Kumanile ya kĩna ishie ingĩ kwa kĩNzua; nuunkũmbigyulu tũlũ ukoolĩ mungũlũ za mubĩĩ.

1 Yohana 3:5

Mumanile kĩna uzo alũgyelĩĩle waĩleegie ĩmĩlandu, numulandu ukutilĩ munsĩ yaakue.

Ukũnukulua 20:15

kanga wensi wasiite kigyela muandĩkua mukĩtabũ kya upanga, nutaagua munanza ya mooto.

Yuda 1:6

Nĩamalaĩka nasika alĩ akendegelĩĩle uukulu waao ĩeene, ĩpa naaleka wikyalĩ waao naalĩ waijĩpĩĩle, waaĩĩkile mũitũngo yakalĩ nakalĩ nsĩlĩlĩ ya kiiti sunga kulutondo nalukulu lwa ulamulua;

Matayo 4:3

uMugemani numuagaana numuĩla, “Kanga ue ĩwĩMuana wa kĩNzua, umaĩĩle ĩmagũe aya matũle mapũli ma ugalĩ.”

Matayo 12:28

Ĩpa ĩne kanga ĩnukumaĩngaa ĩmasĩĩmuĩ kuusũũmi wa kĩMuau waa kĩNzua, iio gua, uutemi wa kĩNzua wamuuzĩĩlaa.

1 Timoteo 3:16

Kutilĩ kankankani, uunkũnkũ wa wĩtekeli wĩĩtu ingĩ ukulu. uNzua alĩ mũgyeleligue mumuĩlĩ, Nulĩngĩkigua kĩna munakulukuuluu mwa kĩMuau, Alĩ wigyelĩĩle kuamalaĩka, Nutanantigua pakatĩ ya ndugu, Nusuĩĩlua muna unkũmbigyulu, Nunansulua kukiania muukulu.

Aebulania 9:26

kanga alĩĩ iio, alĩ yumujĩpĩĩle kwiaagigua nkua ningĩ kwipũna kwiĩĩkua umukũlĩla wa unkũmbigyulu. Ĩpaino, nwigyelela nkua kamuĩ dũũ pampelo ya unkũmbigyulu, waleegie umulandu kunzĩla ya kĩpũnia wĩĩ pyolia.

1 Yohana 1:2

Nduo upanga alĩ wigyelile, nindiishie nakuuonekia; nakuukuĩla nukukuutanantia pakatĩ yaani, uupanga waasio wa kalĩ nakalĩ naalĩ wĩĩlĩ kwa kĩTata, nawigyelela kumuĩtu.