1 Yohana 3:2 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

² Aloogua, ĩpaiino kwĩaana a kĩNzua; sika yalakakigyelela kĩna kukitũla kuĩlĩ; ĩpa kumanile kĩna pĩna ukakigyelela kukakĩpiana ninduyo, kunsooko kukakumuona kĩna wĩĩlĩ.

1 Yohana 3:2 Referans Kwoze

Apilipi 3:21

nukakuukaĩla umuĩlĩ wĩĩtu wa uniekũ wĩpiane numuĩlĩ waakue wa ukulu, kungũlũ nazukumusũũmagia kukuiĩĩka tũlũ yensi nsĩlĩlĩ yaakue.

Akolosai 3:4

uKilisito naupanga wĩĩtu, pĩna ukakigyela, paapo niniinie mukakigyela palumuĩ ninduyo muukulu.

2 Akolinto 3:18

Ĩpa nindiishie kuusiu nasika ukũnĩkĩlue, pĩna kuulaaile uukulu wa kĩShekulu zĩ mukĩlolelo, kwikaĩlĩka kuĩ nĩmpiani ĩĩo-ĩĩoo, kwipũna uukulu sunga kuukulu naupũnile kwa kĩShekulu, uyo nwa Muau.

1 Akolinto 13:12

Kuitĩ unzuauu kwiona zĩ mukĩlolelo kunzĩla ya ung'enua; ĩpa pityũngo liasio usiu kuusiu; unzuauu nĩngile kwityũmpĩ udũũ; ĩpa pityũngo liasio nijililĩngĩkia kĩna iio naalĩ numulĩngĩkigue.

Alumĩ 8:29

Kunsooko ĩaasio naalĩ waamanile kwipũna iyuukĩ, aao alĩ waasaaguĩle kwipũna iyuukĩ apianĩkĩĩligue nĩmpiani ya Muana waakue, koona uzo wĩĩ mulelua wa muandio pakatĩ ya anũna iingĩ.

1 Akolinto 15:49

Kĩna iio naalĩ kumĩsolile ĩmpiani yaakue uyo nwaulongo, iio-iioo kwijilishola ĩmpiani yaakue uyo nwakwigyulu.

Ukũnukulua 22:4

ĩkakumuona uusiu waakue, nĩliina liakue lĩkoolĩ muusiu waao.

2 Petelo 1:4

Kangĩ kuizi wakupĩĩle ĩmalago namakulu nkankanaa, nama ngele nkakũ, koona kuaya mutũle akamantani a upanga wa kĩNzua muene, mugũnue nuoononeki naukoolĩ muna unkũmbigyulu kunsooko ya nsula nambĩĩ.

1 Akolinto 2:9

Ĩpa kĩna yandĩkue, “iIntu ĩliiso nasika alĩ lĩioonie sunga ukutuĩ sika alĩ wiigilie Sunga sika alĩ ingĩĩle munkolo ya muntu, iIntu uNzua naalĩ waazĩpĩlĩĩĩlie naamuloilue,”

1 Yohana 3:1

Laaĩ uu uloogua kĩ naalukupĩĩle uTata, sunga kuĩtua aana a kĩNzua; Nindiishie iio kuĩlĩ. Kunsooko ĩĩ uunkũmbigyulu sika ukulĩngile, kunsooko sika umulĩngile uyo.

Agalatia 4:6

Kunsooko mwĩaana, uNzua alumutumile uMuau wa kĩMuana waakue munkolo zaani nukulĩlaa, “Aba!” “Tata!”

Alumĩ 8:18

Kuitĩ nsĩĩgile kĩna uwagi wa nzuauu sika kĩntu kwipianĩkĩĩligua nuukulu naukikũnukulua kumiĩtu.

Agalatia 3:26

kuitĩ inie tũlũ mwa kĩKilisito Yesu mualĩĩ aana a kĩNzua kunzĩla ya usuĩĩli.

Yohana 17:24

“Tata, ĩaasio nwampĩĩle ĩne, nsiiile ĩĩ palumuĩ nineene pĩna nĩĩlĩ, alaae uukulu waane nwampĩĩle ĩne, kunsooko alundoilue pĩna umukulĩla wa unkũmbigyulu alĩ wikaalĩ kalaĩĩkua

Matayo 5:8

Akembetue naeelu munkolo; kuitĩ ĩaasio ĩkakumuona uNzua.

1 Yohana 2:28

Ĩpaino ana namuaniino, kyalĩ munsĩ yaakue, koona pĩna ukakigyeleligua, kutũle nuukamatĩkũ, sunga kulekikolua kansoni ntongela yaakue pĩna ukiiiza.

Aebulania 9:28

iio-iioo uKilisito pĩna alĩ mupũnigue pyolia kamuĩ dũũ, waĩkenke ĩmĩlandu ya iingĩ, nkua ya kabĩlĩ ukakigyelela, sika kumpola za mulandu ĩpa waagũne ĩaasio naamutũngĩĩle nkankanaa.

2 Akolinto 4:17

Kuitĩ injago zĩĩtu nampeepeele ĩzityũngo niino zukukuligĩlagiaa uukulu naukĩlĩkĩlĩĩle, naugila kiyalo, uwa kalĩ nakalĩ,

1 Yohana 5:1

Tũlũ wensi nukusuĩĩla kĩna ũYesu ingĩ Kilisito mulelue nuNzua. Tũlũ wensi nukumuloogaguaa umukola kulela, ukumuloogaguaa ninduzo namulelue nduyo.

Luka 17:30

Iio ikitũla palutondo pĩna ukikũnukulua uMuana-muntu.

Luka 20:36

Kuitĩ sika asũũmile kwikia kangĩ, kunsooko akutũlaa ilika lĩmuĩ nĩamalaĩka, ndĩo awa aana a kĩNzua kũyaasio naaana a wiiuki.

Yohana 1:12

Ĩpa tũlũ naalĩ amuanũkuĩle nuapeela usũũmi atũle aana a kĩNzua, naasuĩlĩĩle muliina liakue,

Yohana 11:52

kangĩ sika kunsooko ya ndugu ĩĩo udũũ, ĩpa waailingĩĩle ĩaana a kĩNzua naalĩ asapatĩĩle, atũle umuĩ.

Alumĩ 8:16

uMuau muene ukukuĩlaa palumuĩ ninkolo zĩĩtu kĩna ishie kwĩaana akĩNzua.

Alumĩ 8:19

Kuitĩ niiumbe tũlũ gaa ilaaĩlĩĩle kunsula nkulu uukũnukulua wa aana a kĩNzua.

1 Yohana 2:7

Aloogua, sika nukumuandĩkĩla kilyagĩĩlio nĩpia, ĩpa ilyagĩĩlo ĩlya kalĩ naalĩ mutĩĩte kwipũna umuandio. Nindĩlo ilyagĩĩlio ĩlya kalĩ ingĩ ulukaani luulo naalĩ mulũigilie.

1 Yohana 3:10

Kunzĩla ĩĩ ĩaana a kĩNzua igyelĩĩle, sunga ĩaana a kĩShetani gaa. Tũlũ wensi nasikukutendaa ĩkulukuuluu sika wa kĩNzua, sunga uuyo nasikumuloilue umunũna waakue.

1 Yohana 3:21

Aloogua, inkolo zĩĩtu kanga zishiite kukusokia kutĩĩte uukamatĩkũ ntongela ya kĩNzua.

Ukũnukulua 2:28

nineene nĩkakumupeela uyu ĩnsonda nya daau.