1 Yohana 2:3 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³ Muasio kukulĩngĩlaa kĩna kumulĩngile, kanga kumakendegeele ĩmalagĩĩlio maakue.

1 Yohana 2:3 Referans Kwoze

Yohana 14:15

Kanga mundoogue mukikendegeela ĩmalagĩĩlio maane.

Yohana 15:10

Kanga mukendegeele ĩmalagĩĩlio maane, mukakikyala muuloogua waane, kĩna uneene naalĩ nĩmakendegelĩĩle ĩmalagĩĩlio ma kĩTata waane, nanikyala muuloogua waakue.

1 Yohana 5:3

Kuitĩ uu wau uuloogua wa kĩNzua, kumakendegeele ĩmalagĩĩlio maakue; kangĩ ĩmalagĩĩlio maakue sika malũto.

Luka 6:46

“Nĩkĩ gua mwinjĩta ‘Shekulu, Shekulu,’ ĩpa nanitambula sika mwitenda.

Yohana 15:14

Inie mwĩasuaĩaane kanga mutende nanumulagĩlĩĩlie.

1 Yohana 4:13

Kunzĩla ĩĩ kulĩngile ya kĩna kwikyalile munsĩ yaakue ninduyo munsĩ yĩĩtu, kunsooko wakukamantĩĩnie mwa kĩMuau waakue.

Aebulania 5:9

nduyo paasio pĩna nutũla mukamĩnkĩĩlũ nutũla muandio wa ugũnua wa kalĩ nakalĩ kuasio tũlũ naakumugombaa,

1 Yohana 3:19

Kunzĩla ĩĩ kukilĩnga kĩna ishie kwa tai, nukuntongela yaakue kukikamia inkolo zĩĩtu,

Yohana 17:3

Nuupanga wa kalĩ nakalĩ ingĩ ntuuu, akumane ue nwĩNzua nwing'ene nwa tai, nũYesu Kilisito nalumutumile.

1 Yohana 5:19

Kumanile ya kĩna ishie ingĩ kwa kĩNzua; nuunkũmbigyulu tũlũ ukoolĩ mungũlũ za mubĩĩ.

1 Yohana 3:14

Ishie kumanile kĩna kwakĩlile kwipũna muukiu sunga kuupanga, kunsooko kualoogilue ĩanũna. uNuasio nasikukuloogaguaa, ukikyalaa muukiu.

2 Akolinto 4:6

Kuitĩ uNzua naaluũgile, “Weelu naweelie mukiiti; muene alĩ weelilie munkolo zĩĩtu wakupeele uweelu wa ulĩngi wa ukulu wa kĩNzua muusiu wa kĩYesu.”

Ukũnukulua 22:14

Aliuku naakupũaa ĩmajialo maao, kooona ĩĩ nuusũũmi kukĩliagaana ikyota lya upanga, nukwiingĩla mukaa kumamĩlango maakue.

1 Yohana 2:13

Nukumuandĩkĩla inie atata kunsooko mumulĩngile uyo naalukoolĩ kwipũna umuandio. Nukumuandĩkĩla inie asumbatĩ, kunsooko mumudulile uMubĩĩ. Numuandĩkĩĩle inie ana kunsooko mumulĩngile uTata.

1 Yohana 3:6

Wensi nukikyalaa munsĩ yaakue sikukutimulaa, wensi nukutimulaa sikumuoonie sunga sikumulĩngile.

1 Yohana 4:7

Aloogua, kwĩloogue ndiishie kundiishie; kunsooko uuloogua ukupũnaa kwa kĩNzua; wensi nutĩĩte uloogua mulelue nuNzua, kangĩ umulĩngile uNzua.

1 Yohana 5:2

Kunzĩla ĩĩ kulĩngile kĩna kualoogilue ĩaana a kĩNzua, pĩna kumuloogilue uNzua nukwikendegeela ĩmalagĩĩlio maakue.

Ukũnukulua 12:17

iJoka nalĩmutakĩĩla umusungu, nalĩlongola kĩkua ulugu nuwĩleli waakue naalĩ usaagile, nawityapile ĩmalagĩĩlio ma kĩNzua, nukukumukuĩla ũYesu.

Ukũnukulua 14:12

Ĩpa papa ugigimĩlia wa eelu, naakumakendegeela ĩmalagĩĩlio ma kĩNzua, nuusuĩĩli wa kĩYesu.