1 Yohana 2:1 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹ Ana ane na mwanino, nukumuandĩkĩla izi mulekitimula. Kanga wensi watimule kutĩĩte uMualĩĩlia kwa kĩTata, Yesu Kilisito munakulukuuluu;

1 Yohana 2:1 Referans Kwoze

1 Timoteo 2:5

Kuitĩ uNzua ingĩ umuĩ, numukamantania pakatĩ ya kĩNzua nĩ antu ingĩ umuĩ, uzo namuntu uKilisito Yesu;

Alumĩ 8:34

Waani ukilamula kukaasigue. uKilisito Yesu ingĩ muene naalukiile, eeze naikulu nangũlũ naalĩ mũiukigue, nukoolĩ kumukono wa kĩgoosia nwa kĩNzua, kangĩ muene ukukulompeelaa.

Yohana 14:6

ũYesu numuĩĩla, “Ĩne neene nzĩla nĩtai nuupanga; ukutilĩ nũjile kwa kĩTata isiititũla kunzĩla ya ĩne.

2 Akolinto 5:21

Uyo nasikuumanile umulandu, numutenda watũle mulandu kunsooko yĩĩtu, koona kutũle kulukuuluu ya kĩNzua mumuakue.

1 Yohana 4:4

Ana ane, inie ingĩ mwa kĩNzua; niniiinie muadulile ĩaaso, kunsooko unuasio nuĩlĩ munsĩ yaani ingĩ mukulu kwikĩla uyo nuĩlĩ muna unkũmbigyulu.

1 Yohana 3:18

Ana aane, kulekiloogua kulukaani katia palulĩmĩ, ĩpa yĩĩ kuutendi nukutai.

1 Yohana 3:7

Ana ane, wensi waleke kumulimĩĩlia; wensi nukutendaa ĩkulukuuluu ingĩ munakulukuuluu, kĩna umuene namunakulukuuluu.

Yohana 8:11

Numuĩĩla, “Kutilĩ Shekulu.” ũYesu numuĩĩla, “Nineene gaa sika nukukulamula. Longola ulekitimula kangĩ.”]

Aebulania 9:24

Kuitĩ uKilisito sika alĩ wingĩĩle pana yeelu naijĩpigue kumĩkono, ĩĩo mpiani ya Pana yeelu ĩpeene, ĩpa alĩ wingĩĩle kwigyulu ĩliene, wigyelele ĩpaino pausiu wa kĩNzua kunsooko yĩĩtu.

1 Yohana 3:5

Mumanile kĩna uzo alũgyelĩĩle waĩleegie ĩmĩlandu, numulandu ukutilĩ munsĩ yaakue.

Aepeso 2:18

Luulo gua, kunzĩla yaakue ishie nakuabĩlĩ kwaligagiaa nzĩla ya kumusũgamĩĩla uTata kwa kĩMuau umuĩ.

Yohana 6:27

Muleke kĩtuma umulĩmo kunsooko ya ndia nyukoononekaa, tazu kunsooko ya ndia nyĩkikyalaa sunga upanga wa kalĩ nakalĩ, uMuana-muntu nukakumupeela; kuitĩ uyu wayu namuĩĩkĩlue ulumenko nuTata Nzua.”

1 Petelo 3:18

Kuitĩ uKilisito nduyo alukiile kamuĩ dũũ kunsooko ya mĩlandu, munakulukuuluu kunsooko yaao nasika anakulukuuluu, koona wakutuale ishie kwa kĩNzua; nuulagua umuĩlĩ ĩpa ĩnkolo yaakue nĩpangatigua.

Aepeso 4:26

Namwa nuutaki mulekitimula; ĩmpasu ĩlekishaalĩĩla pĩna uutaki waani wikĩĩlĩ kalamulegela,

Agalatia 4:19

Aana aane, nanumuonĩĩle usungu wa kulela kangĩ, sunga uKilisito waumbĩke munsĩ yaani.

Yohana 10:15

kĩna uTata numanile ĩne nineene numumanile uTata; nuuumĩ waane nuupũnilie kunsooko ya nkolo.

Yohana 5:36

“Ĩne gua ntĩĩte ukuĩli ukulu kwikila wa kĩYohana. Kuitĩ ĩmĩlĩmo naalĩ numupeegue nuTata nĩĩmalĩĩlie, ĩmĩlĩmo niasio nanukuĩtumaa ĩnkuĩlĩĩle kĩna uTata untumile.

Luka 10:22

Tũlũ yensi napeegilue nuTata waane; kutilĩ numulĩngile uMuana isiititũla uTata, kangĩ wensi kutilĩ numulĩngile uTata isiititũla uMuana kangĩ wensi uMuana nusiiile kukumukũnukulĩla.

1 Petelo 2:22

Uzo sika alutendile kamulandu, sunga uupembeelia sika alĩ wigyelĩĩle mumulomo waakue.

1 Akolinto 15:34

Sukukĩkiĩ kulukuuluu, mulekitimula. Kuitĩ naĩngĩ sika amuĩzĩ uNzua. Nitambula izi numukolie inshoni.

Yohana 5:14

Pembele ũYesu numuona muNumba ya kĩNzua, numuĩĩla, “Laaa, wakamagiaa! Ulekitimula kangĩ, nalubĩĩ nangũlũ luleke kukuagaana.”

Yakobo 1:27

uWĩtekeli naweelu naugila kibyado ntongela ya kĩNzua Tata ingĩ nsuu, kukuasoolia ĩaana naakiĩlue nĩaleli, nĩakiĩlua munzago zaao, sunga kukĩkendegeela muna unkũmbigyulu, kutule kuagila kaudobũ.

1 Yohana 5:21

Ana ane, ĩkendegeelĩ kuanzegamĩla.

Yakobo 3:9

Kuluasio nakumukulĩlĩa ũShekulu kangĩ Tata, sunga kuluasio nakuazũmĩla ĩantu naalĩ aumbue kumpiani ya kĩNzua.

Alumĩ 6:15

Mbii gua; kutimulene kunsooko sika kuĩlĩ nsĩlĩlĩ ya Ulagĩĩlio ĩpa nsĩlĩlĩ ya ukende. Sika iio!

Yohana 13:33

Aana aane namuaniino, kĩlĩ nkoolĩ tyungo niino palumuĩ niniinie. Mukindaaa-laa-la; kĩna alĩ nĩaĩĩlĩĩle ĩAyahũdi, ĩpaino namuĩĩla niniinie, ĩne, kĩna nunziĩ, inie sika mwishũũma kwiiiza.

1 Timoteo 3:14

Ndaaĩlĩĩle kwiiiza kumuako kuukaaũ, ĩpa nakuandĩkĩla izi

Yohana 21:5

Paapo ũYesu nuaĩĩla, “Aana aane, mutĩĩtene inani?” Naamushookeelia, “Zũi.”

Yohana 14:16

Nineene nĩkakumulompa uTata, nduzo ukakumupeela Mualĩĩlia numuua, wikyale niniinie ĩkalĩ nakalĩ;

Utendi 7:52

uMunakĩdagu nuĩmbi ĩatata aani nasika alĩ amuagilie. Sunga naaaulaga ĩaasio naalĩ atanantilie ĩkalĩ impola za kuuza kumuakue uMukola Kulukuuluu; wayuuyu ĩpaino namwamusakilie nukukumuulaga;

Alumĩ 5:10

Kuitĩ malĩĩ pĩna alĩ kwĩalugu, nakukamantanigua kwa kĩNzua kunzĩila ya nkia ya Muana waakue; naikulu nangũlũ pĩna kwakondia kwikamantanigua, kukigũnua kuupanga waakue.

1 Yohana 5:17

Luensi nasika lwa kulukuuluu ingĩ mulandu, ĩpa ukoolĩ mulandu nasika wa ukiu.

3 Yohana 1:4

Numugila kaulumbi naukulu kwikĩla uu, kwiiigia kĩna ĩaana aane akugendelaa mutai.