1 Yohana 1:10 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹⁰ Kanga kuũge kĩna sika kutimuĩle, kukumutendaa uzo wĩĩ mulongo, sunga ulukaani luakue lukutilĩ muunsĩ yĩĩtu.

1 Yohana 1:10 Referans Kwoze

1 Yohana 1:8

Kanga kuũge kuagila kamulandu, kwĩkongaa, nĩtai yukutilĩ munsĩ yĩĩtu.

1 Yohana 5:10

uNuasio nusuĩlĩĩle muMuana wa kĩNzua utĩĩte ukuĩli waasio munsĩ yaakue. uNuasio nasikumusuĩlĩĩle uNzua umutendile watũle mulongo, kunsooko sikuusuĩlĩĩle uukuĩli, naalumukuĩlĩĩle uMuana waakue.

1 Yohana 2:4

Uzo nuũgile, “Numulĩngile,” ninduyo sikukumakendegelĩĩle ĩmalagĩĩlio maakue,, ingĩ mulongo, nĩtai yukutilĩ munsĩ yaakue;

2 Yohana 1:2

Kuunsooko ya tai niasio nikyalile munsĩ yĩĩtu, ndĩzo ikitũla palumuĩ nindiishie sunga ĩkalĩ nakalĩ.

1 Yohana 2:14

Numuandĩkĩĩle inie atata, kunsooko mumulĩngiile uyo naalukoolĩ kwipũna umuandio. Numuandĩkĩĩle inie asumbatĩ, kunsooko muakamũ, nulukaani lwa kĩNzua lwikyalile munsĩ yaani, kangĩ mumudulile uMubĩĩ.

Akolosai 3:16

uLukaani lwa kĩKilisito lwikyale kuwingĩ mumiani mumasala tũlũ ĩmukĩmania nukukĩsugula kumalumbĩĩlio nĩmĩmbo nuwĩlumbĩĩlio wa kĩnkoolo, ĩmukumuĩmbĩla uNzua kuukende munkolo zaani.

1 Yohana 4:4

Ana ane, inie ingĩ mwa kĩNzua; niniiinie muadulile ĩaaso, kunsooko unuasio nuĩlĩ munsĩ yaani ingĩ mukulu kwikĩla uyo nuĩlĩ muna unkũmbigyulu.

Yohana 3:33

Uzo nuugombile uukuĩli waakue waĩĩkĩĩle lumenko ya kĩna uNzua ingĩ wa tai.