Yowan 7:12 - Mankanya

¹² Ţi pnŧuk pi bañaaŋ pambiiŋ ufeŧtu bhoopaţër baŧum maakan ţi uko wi nul. Baloŋ baji baji awo ñaaŋ nado bnuura, baloŋ kaji aji fël bañaaŋ.

Yowan 7:12 Referans Kwoze

Yowan 9:16

Bafariŧay baloŋ kë başë ji : « Ñaaŋ andoluŋ uko wi aanwo i Naşibaţi ţiki aanji ţaş uko wi bgah bajakuŋ ţi uko wi unuur wi pnoorfën. » Kë baloŋ baji : « Hum di di ñaaŋ nado buţaan ahilanuŋ kado iko iñoŋarënaan mënţ. » Baankak aŧiinkar wal mënţ.

Yowan 7:47

Kë bafariŧay başë ji na baka : « Naŋal kaji aguuran an kak ?

Yowan 7:32

Bafariŧay baŧiink kë bañaaŋ bakŋur ŋuran uko mënţ ţi Yeŧu, kë baţeŋan baweek na bafariŧay başë yil bayeŋ bamoba.

Filipiya 2:14

Woli nawo i pdo uko uloŋ nawutan kado kaŋur ŋuran, këme kado kalaţar.

Baromeŋ 5:7

Utam maakan pkeţar ñaaŋ, adole wo naŧool. Kë ñaaŋ aşë hinan katëŋ pkeţar ñaaŋ anwooŋ nanuura na manjoonan.

Ulemp 11:24

Barnabaŧ awo ñaaŋ najoob bkow anŧumuŋ na Uhaaş wi Naşibaţi, akuţ afiyaar Ajugun, kë bañaaŋ baŧum bafiyaar akuţ akak ţi Ajugun.

Yowan 7:52

Kë baŧeema aji : « Iwi kak iwo i Galilay i ? Tenan bnuura, iwin kë mënţ du Galilay di di Naţupar Naşibaţi akpënnuŋ. » [

Yowan 6:14

Wi bañaaŋ bawinuŋ uko uñoŋarënaan wi adoluŋ, aşë ji : « Na manjoonan i awooŋ Naţupar Naşibaţi anwooŋ i pbi ţi mboş. »

Luk 23:50

Ñiinţ aloŋ i katim kawooŋ Yoŧef, anwooŋ i ubeeka wi bayuday wi bajaaŋ bado Arimati, awo da wal mënţ, awo ñaaŋ najoob bkow, naŧool. Awo ţi pyoonk ubi wi Pşih pi Naşibaţi. Awo ţi bañaaŋ banjaaŋ baţo kawayëş du uruha wi bayuday aşë wo aandinan ţi uko wi bawayëş bandukiiŋ badinanuŋ abot ado.

Luk 23:47

Naşih i bangoli iñeen-week baromeŋ awin uko unţëpuŋ aşë dëman Naşibaţi aji : « Na manjoonan, ñiinţ i awo naŧool ! »

Luk 18:19

Yeŧu kë aşë ji na a : « Imeha kë Naşibaţi ţañ anuuriiŋ, ukaaŋ kë ikdu'ën nanuura i ?

Luk 7:16

Bañaaŋ bŧi balënk adiwşa, abot adëman Naşibaţi aji : « Naţupar Naşibaţi naweek apën ţi pŧoofun kë Naşibaţi abot awuli pntaali pi nul. »

Luk 6:45

Ñaaŋ anwooŋ nanuura, aji jejna bnuura mënţ du kaţëbul, kanŧumi na iko inuura, anwuţuŋ aji jejna buţaan bi nul du kaţëbul, kanŧumi na iko iwuţaan. Aa, uko unŧumuŋ ţi kaţëb ki ñaaŋ, ujaaŋ upënna ţuŋ mntumul.

Maci 27:63

aji na a : « Naweek, ŋleş kë naţilan i aţup wi ahumuŋ najeb aji ţi ŋnuur ŋwajanţ anaţa ţi pkeţ kakak najeb !

Maci 21:46

Bado na pmoba wal mënţ aşë ţi bañaaŋ banşaluŋ aji Yeŧu awo Naţupar Naşibaţi.

Maci 10:25

Başale mëban najuk aliŋan na najukan, uko mënţ kakëş, kë uwoha haŋ pa nalemp na ajugul. Wi bajakuŋ ajug katoh awo Belŧebul, we wi bawooŋ baankţup ţi biki katoh ba ? »