Yowan 20:16 - Mankanya

¹⁶ Kë aji na a : « Mariya ! » Kë aşë kok aji na a ţi uţup uhebërë : « Rabuni ! » uwooŋ najukan.

Yowan 20:16 Referans Kwoze

Yowan 10:3

Nayeŋ aji haabëşa plëman, ŋkaneel ŋabot kaŧiinka, aji du undoli ţi katim ki wa kapënan bdig.

Yowan 1:38

Yeŧu akok awin kë bakţaşa aşë ji na baka : « We wi naklaaŋ ba ? » Kë baŧeem aji : « Rabi, ţuŋ di di iwooŋ ba ? » Rabi dawooŋ najukan.

Ulemp 10:3

Unuur uloŋ na pnak, kaya ŋwoori ŋwajanţ, Naşibaţi ahaabşa këş kë awin bnuura uwanjuŧ wi Naşibaţi uloŋ kë ubi aneej du katohul aşë ji na a : « Korneliyuŧ ! »

Ulemp 9:4

Kë aşë jot ţi mboş aşë ŧiink pdiim ploŋ kë pakjaka aji : « Ŧawul, Ŧawul, we ukaaŋ kë ikhajanaan ba ? »

Yowan 6:25

Wi bayaaŋ awina du plut aşë ji na a : « Najukan, lum di di ibanuŋ ţi ba ? »

Ujuni 22:11

Kë uwanjuŧ wi Yawe Nawat Kabuka uşë duuna du baţi aji na a : « Abraham ! Abraham ! » Kë aŧeem aji : « Nji wi ! »

Yowan 20:28

Kë aşë ji : « Ajugun, Naşibaţi i naan ! »

Yowan 13:13

Naji nadu'ën kaji Najukan kaji Ajugun ; nafaŋi, dwo a.

Yowan 11:28

Wi Marta aţiiniiŋ haŋ, aşë ya du Mariya i baţaaruŋ ahoopaţa aji : « Najukan abii, adu'u. »

Yowan 5:2

Kë du Yeruŧalem ţi kañog « plëman pi ŋkaneel » uşë ka, dko dloŋ dñownaani danwooŋ na irakan kañeen di bajaaŋ bado ţi uţup uhebërë Beŧtaŧa.

Yowan 3:2

Aya du Yeŧu na uŧejan aji na a : « Najukan, ŋme kë iwo najukan i Naşibaţi ayiluŋ, ţiki nin ñaaŋ aloŋ aanhil pdo iko iñoŋarënaan yi ikdoluŋ woli Naşibaţi aanwo na a. »

Yowan 1:49

Kë Natanayel aşë ji na a : « Rabi, iwo Abuk Naşibaţi, iwo naşih i Iŧrayel. »

Luk 10:41

Ajugun kë aşë ŧeema aji na a : « Maarta, Maarta, iba yewla we anooran bkowu, ala iko iŧum ba ?

Maci 14:27

Ţi dko mënţ, kë Yeŧu aşë ţiini na baka aji : « Nawutan kahaajala, nji a, nawutan kalënk. »

Ppën 33:17

Kë aŧeema aji : « Ddo uko wi iheparuŋ, ţiki iwinana bnuura ţi këş ki naan, kë mbot ame'u bnuura. »

Ppën 3:4

Nawat Kabuka awin kë akñog pya katen, aşë duuna du bgof meeţ aji : « Moyiŧ, Moyiŧ ! » Kë aŧeem aji : « Nji wi. »

Ujuni 45:12

Akak aji na babuk aşin : « Nawin na këş ki nan, kë Benyamin akak awin kë nji kaţiiniiŋ na mntum mi naan.

Ujuni 22:1

Wi iko yaŋ iţëpuŋ, Naşibaţi aŋal pten me Abraham afiyaara kado uko wi akjakuluŋ aşë ji na a : « Abraham. » Kë aŧeem aji : « Nji wi. »

Markuŧ 10:51

Yeŧu aji na a : « We wi iŋaluŋ ndolu ba ? » Nakuul kë aji : « Najukan i naan, dolaan nkak ndo kawin. »