Yowan 19:14 - Mankanya

¹⁴ Unuur wi bakbomandëruŋ pa Ufeŧtu wi Mbuur wa, ţi mndiiŋ unuur, kë Pilat aşë ji na bayuday : « Naşih i nan awi. »

Yowan 19:14 Referans Kwoze

Maci 27:62

Unuur ujinţi, unuur mënţ uwooŋ unţaanuŋ wi pbomandër pa unuur wi pnoorfën, baţeŋan baweek na bafariŧay bayitiir aya du Pilat,

Yowan 19:5

Wi Yeŧu apënuŋ awo na iyiw ţi bkow na kamişa kajeenkal, kë aşë ji na baka : « Ñaaŋ mënţ awi. »

Yowan 19:42

Uwo ţi unuur wi bayuday bakbomandëruŋ pa unuur wi pnoorfën kë bhër babot awo baanlowi, ukaaŋ kë bamoy Yeŧu da.

Markuŧ 15:25

Wi ŋwoori kañeen kaloŋ ŋabanuŋ wi wi bapaŋuluŋ.

Yowan 19:3

Baji babi kañoga kaşë ji na a : « Ŋwulu mboş, iwi naşih i bayuday ! » Wi bajakuŋ haŋ, başë koba ţi kaara.

Luk 23:54

Unuur wi pbomandër wa, ţiki unuur wi pnoorfën wi bayuday uñogi.

Markuŧ 15:42

Utaakal ukeţ udo bi ban, kë ñiinţ aloŋ i katim kawooŋ Yoŧef, anwooŋ i ubeeka wi Arimati aşë bi. Awo ñaaŋ anŧiinkaniiŋ ţi uruha wi bayuday, awo ţi pyoonk ubi wi Pşih pi Naşibaţi. Aya na mntëŋ ahepar Pilat puum pi Yeŧu wal mënţ ţiki unuur mënţ uwo wi pbomandër pa unuur wi pnoorfën.

Maci 27:45

Ţi udiiŋ unuur, unuur umara mara awunana, kë bdëm bawala ţi umundu bŧi, ado ŋwoori ŋwajanţ.

Luk 23:44

Ţi udiiŋ unuur, unuur umara mara awunana, kë bdëm bawala ţi umundu bŧi, ado ŋwoori ŋwajanţ. Wi wi blaañ bkëm maakan banjaaŋ baneenan bañaaŋ pneej du dko dyimanaan maakan di Katoh Kaweek ki Naşibaţi batowiiŋ ţi pŧoof.