Yowan 12:23 - Mankanya

²³ Kë Yeŧu aşë ji : « Wal ubani, wi bakluŋ kawin mndëm mi Abuk Ñiinţ.

Yowan 12:23 Referans Kwoze

Markuŧ 14:41

Yeŧu akak uyaaş uwajanţën du baţaşarul aţënk kë bakŋoyënţ aşë ji na baka : « Naŋoyënţën, nanoorfënan. Uko mënţ ubaa. Wal wi Abuk Ñiinţ awooŋ i kawulana ţi iñen yi bado buţaan ubani.

Maci 25:31

Yeŧu akak aji : « Woli Abuk Ñiinţ aluŋ abi na mndëm mi nul agakandër na ŋwanjuŧ bŧi, aţo ţi pţij pi pşih na mndëm.

Yowan 12:16

Uko mënţ baţaşarul baanyikrën wa wal mënţ. Kë wal wi mndëm mi Yeŧu mambiiŋ awinana kë başë leş kë iko mënţ bŧi ipiiŧana ţi a ţi Ulibra wi Naşibaţi kë babot adola ya.

Maci 26:45

Akak wal mënţ du baţaşarul aşë ji na baka : « Nahuma kaŋoyënţ abot anoorfën ? Wal wi Abuk Ñiinţ akwulaniiŋ ţi iñen yi bado buţaan uñogi.

Markuŧ 14:35

Kë wi ajohariiŋ aya low ntiişu, aşë jot ţi mboş añehan Naşibaţi, aji woli uhilan lah kawo, mnhaj mankmbiiŋ mi manlowa.

Yowan 7:39

Yeŧu aţiiniyaan ţiiniyaan wal mënţ Uhaaş wi Naşibaţi wi banfiyaaruluŋ bawooŋ biki kabi kayeenk. Naşibaţi aandobi wul Uhaaşul wal mënţ ţiki aando bi dëman Yeŧu.

Yowan 12:27

« Hënkuŋ uhaaş wi naan uţëla ţëlaa, kë we wi nji kajakuŋ ? Dwo i kaji na Paapa abuuranaan ţi wal wi i ? A-a, uko waŋ ukaaŋ kë mbii.

Yowan 13:1

Ufeŧtu wi Mbuur uñogi, kë Yeŧu ame kë wal wi pduk umundu wi kakak du Naşibaţi Aşin ubani. Kë jibi aŋaluŋ baţaşarul banwooŋ ţi umundu, hënk di aŋalaŋ baka te wal ubaañşaani.