Yowan 10:25 - Mankanya

²⁵ Kë Yeŧu aŧeem baka aji : « Dţupan kë naanfiyaarën. Iko yi nji kadoluŋ pa Paapa iyuuj kë dwo a ;

Yowan 10:25 Referans Kwoze

Yowan 10:38

Kë woli ddo ya, woli naando fiyaarën, nafiyaaran iko yi njaaŋ kado, nahilna nayikrën uloolan kë Paapa awo ţi nji, kë nji mbot awo ţi Paapa. »

Yowan 8:58

Kë aji na baka : « Dţupan na manjoonan, ji Abraham abi ado kawo, nji dwoo. »

Yowan 14:11

Nafiyaaraan woli dţupan aji : “Dwo ţi Paapa kë Paapa akuţ awo ţi nji.” Këme nafiyaaraan ţiki nawin iko yi nji kadoluŋ.

Bahebërë 2:3

Kë hum di di ŋhiluŋ kabuur kakob mënţ woli ŋënji ŋŧiink uţup wi mbuur mnweek wi Ajugun ţi uleeful ajunnuŋ aţup ? Banŧiinkuŋ wa badiiman nja kë ujoonani.

Ulemp 10:38

Name Yeŧu mënţ ampënnuŋ Naŧaret, nawin jibi Naşibaţi adatuluŋ awula Uhaaş wi nul na phina. Name kak kë añaay na dko bŧi ado bnuura, ajeban bañaaŋ biki Unŧaayi Uweek uknooranuŋ, ţiki Naşibaţi awo na a.

Yowan 20:30

Yeŧu akak ado ţi kadun ki baţaşarul iko iñoŋarënaan iŧum inwooŋ iimpiiŧana ţi ulibra wi.

Yowan 12:37

Yeŧu ado iko iŧum iñoŋarënaan ţi kadun ki bañaaŋ, kë bawoha wo baanfiyaara.

Yowan 11:47

Kë Baţeŋan baweek na bafariŧay başë duur du uruha wi baka aşë ji : « We wi ŋbaaŋ ado ba ? Ñiinţ i aji do iko iñoŋarënaan iŧum.

Yowan 10:32

Kë aşë ji na baka : « Ddo iko inuura iŧum kë nawini, iko mënţ iwoona du Paapa, kahoŋ ţi ya kakaaŋ kë naŋal ptapën mnlaak ba ? »

Yowan 8:24

Uko waŋ ukaaŋ kë nji na an, nakeţ na ipekadu yi nan. Dţupan, woli naanfiyaar kë nji dwooŋ, Anwooŋ, nakeţ na ipekadu yi nan. »

Yowan 8:12

Yeŧu akak aţiini na bañaaŋ aji na baka : « Nji, dwooŋ bjeehi bi umundu, ñaaŋ ankţaşnuŋ, aankdo kapoş ţi bdëm, aka bjeehi banjaaŋ bawul ubida. »

Yowan 7:31

Kë ţi bañaaŋ banwooŋ da, baŧum bafiyaar Yeŧu aşë ţiini aji : « Woli Kriŧtu aluŋ abi, adola iko iññoŋarënuŋ impeli yi i akdoluŋ i ? »

Yowan 3:2

Aya du Yeŧu na uŧejan aji na a : « Najukan, ŋme kë iwo najukan i Naşibaţi ayiluŋ, ţiki nin ñaaŋ aloŋ aanhil pdo iko iñoŋarënaan yi ikdoluŋ woli Naşibaţi aanwo na a. »

Ulemp 2:22

Ŧimoŋ Piyeer akak aji na baka : « An bañaaŋ biki Iŧrayel naŧiinkan bnuura uko wi nji kaţupuŋ : Naşibaţi ayil Yeŧu i Naŧaret ayuujna ţi a mlagre na iko iñoŋarënaan iŧum, indiimanuŋ phina pi nul jibi nameeŋ wa an ţi ŋleefan.

Yowan 8:56

Abraham aşinan alilan maakan wi aşaluŋ kë aluŋ kawin unuur wi naan. Awin wa aşë wo ţi mnlilan. »

Yowan 10:37

Woli mënkdo iko yi Paapa ajaaŋ ado, nawutan kafiyaarën.