Yowan 1:45 - Mankanya

⁴⁵ Kë Filip aya awin Natanayel aji na a : « Ŋwin ñaaŋ i Moyiŧ aţiiniyaanuŋ ţi Ulibra wi Bgah, i baţupar Naşibaţi bandukiiŋ bakaaŋ aţiiniyaan ! Yeŧu i Naŧaret a, abuk Yoŧef. »

Yowan 1:45 Referans Kwoze

Luk 24:27

Wi wi aşaaŋ ajunna ţi uko wi Moyiŧ apiiŧuŋ, aţiiniyaan uko wi Baţupar Naşibaţi bŧi, aţëpna ţi Ulibra wi Naşibaţi apiban baka uko wi baţupuŋ ţi a.

Maci 2:23

Aya afëţ du ubeeka uloŋ wi bajaaŋ badu Naŧaret, hënk uko wi baţupar Naşibaţi bajakuŋ udolanaa : « Aluŋ kadu'ana ñiinţ i Naŧaret. »

Luk 24:44

Wi wi aşaaŋ aji na baka : « Wi nhumuŋ na an, ŋţup ŋi, ŋi ŋi nţupanaŋ : Uko wi Ulibra wi Naşibaţi ujakuŋ ţi nji ţi dko di Moyiŧ apiiŧuŋ, na di baţupar Naşibaţi bapiiŧuŋ, na ţi Iyeeh yi pñaamarën Naşibaţi, iko mënţ bŧi iwo yi kadolana. »

Luk 4:22

Bankŧiinkuluŋ bŧi bamaţa, abot añoŋar ţi ŋţup ŋnuura ŋi akţupuŋ baka. Wi wi başaaŋ aji : « I mënţan, aanwo abuk Yoŧef i ? »

Yowan 18:7

Kë akak ahepar baka aji : « Naji in i naklaaŋ ba ? » Kë baŧeem aji : « Yeŧu i Naŧaret. »

Ujuni 22:18

Dţëpna ţi pntaali pi nu kawul kntaali ki mboş bŧi bnuura, ţiki iŧiinkën. »

Markuŧ 6:3

Mënţ naţukan abuk Mariya a i ? Mënţ abuk anin bi Yakob, Yoŧeŧ, Yuda na Ŧimoŋ a i ? Kë baţa'ul baaţ, baanwo ţi na un i ? » Kë uko waŋ uneenan baka pfiyaara.

Maci 21:11

Kë bañaaŋ başë ŧeem aji : « Yeŧu Naţupar Naşibaţi a, awo i Naŧaret du Galilay. »

Ujuni 49:10

Pşih paankpën ţi iwi, kë pjuuţi pi pşih pakak aduka ţi pntaali pankpënnuŋ ţi iwi te wal wi ajug pa na manjoonan akbiiŋ, ñaaŋ i bañaaŋ biki ŋŧaak bŧi bakdooŋ kado uko wi ajakuŋ.

Ujuni 3:15

Dţu bşoorad ţi iwi na ñaaţ, ţi pntaali pi nu na pi nul. Baluŋ kanantlu bkow, kë iwi, iluŋ katib baka ţi pşoñ. »

Ulemp 22:8

Kë nşë ŧeem aji : “Iwi in ula ba, Ajugun ?” Kë pdiim paŧeem aji : “Dwo Yeŧu i Naŧaret, i ikhajanuŋ.”

Ulemp 10:38

Name Yeŧu mënţ ampënnuŋ Naŧaret, nawin jibi Naşibaţi adatuluŋ awula Uhaaş wi nul na phina. Name kak kë añaay na dko bŧi ado bnuura, ajeban bañaaŋ biki Unŧaayi Uweek uknooranuŋ, ţiki Naşibaţi awo na a.

Yowan 21:2

Ŧimoŋ Piyeer, na Tooma i bajaaŋ bado kbet na Natanayel anwooŋ i ubeeka wi Kana du Galilay na babuk Ŧebede na baţaşar Yeŧu baloŋ batëb bawooŋ da.

Luk 2:4

Kë Yoŧef ul kak anaţnaana ubeeka wi Naŧaret ţi uŧaak wi Galilay pya uŧaak wi Yuda, du Betleyem, ubeeka wi Dayiţ, ţiki awo i pşini pi nul.

Markuŧ 14:67

Wi awinuŋ Piyeer kë aktëma, aşalana aşë ji na a : « Iwi kak ibi wo na Yeŧu i Naŧaret. »

Maci 13:55

I mënţan, aanwo abuk naţukan i ? Mënţ Mariya awooŋ anin i, kë bi Yakob, Yoŧef, Ŧimoŋ na Yuda bawo baţa'ul ?

Ulemp 26:9

« Kë nji ţi uleef naan hënk, kë ndun aşal aji dwo kado uko wi nhinanuŋ bŧi kaŧokna katim ki Yeŧu i Naŧaret.

Ulemp 3:6

Kë Ŧimoŋ Piyeer aşë ji na a : « Mënwo na unŧaam, mënwo na uwuuru, aşë wulu uko wi nwoonaanuŋ : Ţi katim ki Yeŧu Kriŧtu i Naŧaret, poşan ! »

Ulemp 2:22

Ŧimoŋ Piyeer akak aji na baka : « An bañaaŋ biki Iŧrayel naŧiinkan bnuura uko wi nji kaţupuŋ : Naşibaţi ayil Yeŧu i Naŧaret ayuujna ţi a mlagre na iko iñoŋarënaan iŧum, indiimanuŋ phina pi nul jibi nameeŋ wa an ţi ŋleefan.

Yowan 19:19

Pilat ado kë baboman kampiñu kaloŋ apaŋ ţi kruŧ duuţ. Bapiiŧ ţi ka aji : « Yeŧu i Naŧaret naşih i bayuday. »

Yowan 18:5

Kë baŧeem aji : « Yeŧu i Naŧaret. » Kë aji na baka : « Nji a » Kë Yudaŧ ankwaapuluŋ aşë naţ na baka.

Yowan 6:42

Bawo ţi pţiini aji : « I mënţ, aanwo Yeŧu abuk Yoŧef i ? Ŋme aşin na anin bnuura. Hum di ahiniiŋ hënkuŋ kaji awoona baţi ba ? »

Luk 3:23

Yeŧu aka uko ji ŋşubal iñeen ŋwajanţ wi ajunuŋ pjukan bañaaŋ. Ţi uşal wi bañaaŋ bŧi, Yeŧu awo abuk Yoŧef, i Heli,

Maci 10:3

Filip na Bartelemi ; Tooma na Maci nakobraar daaşa ; Tade na Yakob abuk Alfe ;

Luk 2:48

Wi bajugul bawinuluŋ, bakak añoŋar maakan. Kë anin aşë ji na a : « Abuk naan, ibaa dolun do we hënk ba ? Tenan ! Nji na şaaş ŋhaajala maakan awo ţi pla'u. »

Yowan 1:44

Filip awo i Betŧayida, ubeeka wi bi Andre na Piyeer.

Yowan 6:5

Yeŧu akat këş, awin bañaaŋ baŧum kë bakbi du a, aşë ji na Filip : « Ţuŋ di di ŋkyaaŋ kanugna ipoom kawul bañaaŋ biki bŧi bade ? »

Yowan 6:7

Filip aŧeema aji : « Baluk bi kli bakreŋ baandoo këş pa ñaaŋ andoli ayeenk bnduŋ. »

Yowan 12:21

Baya du Filip anwooŋ i ubeeka wi Betŧayida du uŧaak wi Galilay aşë ji na a : « Naweek, ŋŋal kawin Yeŧu. »

Yowan 14:8

Kë Filip aşë ji na a : « Ajugun, diimanun Naşibaţi Aşin nja, uko mënţ ukëşun. »

Luk 18:37

kë baţupa aji : « Yeŧu i Naŧaret akţëpuŋ. »