Yonaŧ 2:9 - Mankanya

⁹ Banknţaşuŋ iko inaaf inwooŋ iinwo Naşibaţi, baanji balowan lowan ŋleef ŋi baka bnuura bi nu i ?

Yonaŧ 2:9 Referans Kwoze

Kañaam 50:14

Beebaan nji Naşibaţi, uwooŋ bţeŋan bi nu, işë ido iko yi ihoŋuŋ nji Naşibaţi Andëmuŋ Maakan.

Bahebërë 13:15

Ţi katim ki Yeŧu nawulën ŋwut kaţañna pdo kado uţen pa Naşibaţi, unwooŋ iyeeh injaaŋ idëmana ; iyeeh mënţ ipënna ţi mntum mi nja ŋndinanuŋ kë awo Ajugun.

Kañaam 50:23

Pbeebën pawooŋ bţeŋan banjaaŋ badëmanaan ; kë anjaaŋ aţaaf bgah bi naan, dluŋ kawula mbuur mi njaaŋ kawul. »

Kañaam 68:20

Bnuura bawoon ţi Nawat Kabuka na ŋnuur ! Aji ţënk nja, ul awooŋ mbuur mi nja. Pnaţ ntiinku

Baromeŋ 12:1

An bayiţ naan, Naşibaţi adiimanuŋ nja kamiir ki nul, ukaaŋ kë nji kakooţan kooţ keeri, nawul ŋleefan ŋawo bţeŋan bjeb banwooŋ bi Naşibaţi abot alila. Waŋ ukwooŋ pdëman pi nakdooŋ kadëmana ţi ŋhaaşan.

Uko wi ayuujuŋ Yowan 7:10

Bahuuran maakan aji : « Naşibaţi i nun anwooŋ ţi pţij pi pşih na anwooŋ unkaneel babuuranuŋ nja. »

Yowan 4:22

An, naji nadëman uko wi nawooŋ naammee. Un ŋji ŋdëman uko wi ŋmeeŋ ţiki ţi bayuday di di Naşibaţi aţepnuŋ abuuran bañaaŋ.

Ujuni 35:3

Najoh ŋya Betel ddo da bliit pa Naşibaţi anŧiinknuŋ wi nwooŋ ţi mnţëg, anţënknuŋ ţi bayaaş bi ndoluŋ. »

Ulemp 4:12

Ul ţañ ahilanuŋ pbuuran bañaaŋ. Ënhën, ţi umundu bŧi Naşibaţi aanwul wul nin ñaaŋ aloŋ kak anhilanuŋ pbuuranun. »