Ulemp 7:8 - Mankanya

⁸ Wal mënţan wi wi adoluŋ bhoŋar bi na Abraham, aţeŋanaan ba pwala kaŧëmp, ukaaŋ kë wi abukuŋ Iŧaak, kë awalana kaŧëmp wi akaaŋ ŋnuur bakreŋ. Kë hënk di di Iŧaak adolaŋ wi abiiŋ abuk Yakob, kë Yakob adola haŋ na babukul banwooŋ bateemun iñeen na batëb bammeeţaniiŋ.

Ulemp 7:8 Referans Kwoze

Ulemp 2:29

« An bayiţ naan, dhilan kaţupan uko wi na mntëŋ : Atemun Dayiţ akeţi, amoya, kë bhër bi nul bawoha ţi uŧaak wi nun.

Ujuni 35:16

Yakob na bañaaŋ biki nul bapën du Betel aya. Baankak alow Efrata, kë Rakel aşë buk. Kabuk kanoorana maakan.

Bahebërë 7:4

Natenan jibi Melkiŧedek awo i ñaaŋ naweek : Abraham ateem nja adoo wula kafah kaţënk iñeen ki iko yi aŧehnuŋ du ugut.

Galaŧiya 3:17

Uko wi nji ŋaluŋ kaţupan wii wi : Naşibaţi abi hoŋ Abraham, kë bgah bambaaŋ abi bi wi ŋşubal iñeen week ŋyaaş ŋbaakër na iñeen ŋwajanţ (430) ŋaţëpuŋ baanhilan pgar kahoŋ mënţ, këme kaŧok uko wi Naşibaţi ajakuŋ.

Galaŧiya 3:15

Bayiţ naan natenan ţi udolade wi bañaaŋ. Woli ñaaŋ ado kahoŋ ţi kadun ki bañaaŋ, nin ñaaŋ aloŋ nampaţi aanhil kagar kahoŋ mënţ këme kahoţan uko uloŋ ţi ka.

Baromeŋ 4:10

Kë lum di di Naşibaţi ajakuŋ aji awo naŧool ţi kadunul ba ? Wi awaliiŋ kaŧëmp wa, këme ji abi ado kawala kaŧëmp ? Ji abi ado kawala kaŧëmp Naşibaţi aji awo naŧool.

Yowan 7:22

Moyiŧ aţu'an pwala kaŧëmp kë paşë wo paanwoona du a, pawoona du bateem nja, kë naşë ji nawalan ñaaŋ kaŧëmp ţi unuur wi pnoorfën.

Maci 1:2

Abraham abuk Iŧaak, Iŧaak abuk Yakob, Yakob abuk Yuda na babuk aşin.

Ujuni 35:18

Anoor maakan ado ñogan pkeţ, kë wi abanuŋ ţi pjëmşa aşë wul napoţ katim ki Ben-Oni, kë Yakob aşë wula katim ki Benyamin.

Ujuni 29:31

Yawe Nawat Kabuka awin kë Leya aaŋŋalanaa, aşë do kë kabuk kajoobëţ na a, kë Rakel aşë wo aankbuk.

Ujuni 30:5

kë Bila amobana kayiŋ abukar Yakob napoţ ñiinţ.