Ulemp 3:17 - Mankanya

¹⁷ « An bayiţ naan kë nşë me kë uko wi nadoluŋ, an na başihan, nado do wa na kapaam.

Ulemp 3:17 Referans Kwoze

Luk 23:34

[Kë Yeŧu aşë ji : « Paap, miirën baka : baamme uko wi bakdoluŋ. » Bangoli bafaaşiir imişa yi nul wi badoluŋ kanuŋ na mnlaak katenna uko wi andoli akyitanaanuŋ.]

Ulemp 13:27

Bañaaŋ banfëţuŋ du Yeruŧalem na baweek biki baka, baamme kë Yeŧu awooŋ Nabuuran Bañaaŋ. Kë baankak ate ŋţup ŋi baţupar Naşibaţi ŋi bajaaŋ bapiban baka ţi unuur undoli wi pnoorfën, aşë baañşaan pdo jibi ujakuŋ wi baţuuŋ pbi kafiŋ Yeŧu.

1 Korinŧ 2:8

Nin naşih aloŋ i umundu wi aamme uşal unŧuŋa mënţ, woli bawo lah na wa, baankpaŋ Ajugun anwooŋ na mndëm.

Yowan 16:3

« Baluŋ kado iko yaŋ ţiki baamme Paapa abot awo baamme'ën.

1 Timote 1:13

nji mbiiŋ akar ţfa katimul, ahajan bankţaşuluŋ, awo naŋoonk, kë aşë ñagi'aan, awin kë dwo ţi kapaam awo mënfiyaara.

2 Korinŧ 3:14

Kë ŋhaaş ŋi biki Iŧrayel ŋaşë dënëţa dënëţ te hënkuŋ, woli baleyiir ţi kadun ki bañaaŋ ulibra wi bgah bi Moyiŧ, baanji bahil pwin mndëm ; pwo ţi Kriŧtu ţañ pakkaaŋ bawin ma.

Baromeŋ 11:2

Naşibaţi aampok pntaali pi nul pi adooŋ abi dat dat. Jëm name uko wi Ulibra wi Naşibaţi upiiŧuŋ ţi dko di Eli aŋomanuŋ du Naşibaţi ţi uko wi Iŧrayel ?

Ulemp 26:9

« Kë nji ţi uleef naan hënk, kë ndun aşal aji dwo kado uko wi nhinanuŋ bŧi kaŧokna katim ki Yeŧu i Naŧaret.

Ulemp 7:40

Baji na Aaron : “Ţakun başibaţi bankdooŋ kapoş ţi kadunun, Moyiŧ i ampënanuŋ un du Ejiptu, ñaaŋ aamme jibi aţëpi.”

Yowan 7:52

Kë baŧeema aji : « Iwi kak iwo i Galilay i ? Tenan bnuura, iwin kë mënţ du Galilay di di Naţupar Naşibaţi akpënnuŋ. » [

Ppën 32:1

Biki Iŧrayel bawin kë Moyiŧ ajon du pnkuŋ bë aanwalaa aşë bi ayit afooy Aaron aji na a : « Iwi, naţiin idolun ptu pankdooŋ kapoş ţi kadun ki nja. Na manjoonan Moyiŧ i, ñiinţ ampënanuŋ nja du uŧaak wi Ejiptu, ŋëndo me me uko wi akakuŋ. »

Ujuni 44:15

Ahepar baka aji : « We wi wi nabaaŋ ado hënk ba ? Naamme kë ñaaŋ anwooŋ ji nji ahil pme iko immeniiŋ i ? »

Ujuni 39:8

Kë Yoŧef apoki aşë ji na a : « Ayinu, ajug naan aţu bka bi ŧul bŧi ţi iñen yi naan, aando ji heparaan uko unţëpuŋ ţi katoh.

Ujuni 21:26

Kë aŧeema aji : « Mëmme ñaaŋ andoluŋ uko waŋ. Iinţupën, dbaaŋ aŧiink ŧiink nţa uko mënţ. »

Filipiya 1:22

Kë woli pwo ţi mboş paţu ulemp wi naan udo kaya bnuura, mëmme keeri uko udat.

Luk 23:13

Pilat ado kë badu baţeŋan baweek, baweek biki bayuday na bañaaŋ bŧi,

Yowan 15:21

« Iko mënţ bŧi nji kaţuuŋ badolan ya, ţiki baamme anyilnuŋ.

Ulemp 22:5

kë naşih i baţeŋan na biki pnŧuk pi bantohi bawo bamaar. Ddoo yeenkna yeenkna du baka, uworda umpiiŧuŋ pa bayuday biki Damaŧ, kaya da kamob banfiyaaruŋ Yeŧu, kaţij ţi uruha ţi Yeruŧalem ţi, pa bakob baka. »

Ulemp 28:21

Wi wi baŧeemuluŋ aji : « Ŋënyeenk nin uko uloŋ umpiiŧuŋ ţi iwi unwoonuŋ Yuda kë bayiţun banwooŋ da baambi ţi aţup ukoolan uwuţaan ţi iwi.

Efeŧ 4:18

Ŋşal ŋi baka ŋawo ţi bdëm ; kë babot awo baanka ubida wi Naşibaţi ajaaŋ aţen ţiki bawo ţi kapaam, kë ŋhaaş ŋi baka ŋabot adënëţ.