Ulemp 28:17 - Mankanya

¹⁷ Wal wi aţooŋ ŋnuur ŋwajanţ, aşë du bantohi bayuday babi bayit na a. Wi babiiŋ ayit, kë aşë ji na baka : « An bayiţ naan, nji, nwooŋ mëndo bañaaŋ biki pntaali pi nun ukoolan, këme ţi udolade wi başinun, bamobën du Yeruŧalem awul baromeŋ.

Ulemp 28:17 Referans Kwoze

Ulemp 25:8

Kë Pawulu aşë yeŋan uleeful aji : « Mëndo do nin ukoolan unwuţuŋ ţi bgah bi bayuday, këme ţi Katoh Kaweek ki Naşibaţi, këme aţup buţaan ţi Ŧeŧar naşih najeenkal i Rom. »

Ulemp 6:14

Ŋŧiinka kë aji Yeŧu i Naŧaret i aluŋ kafom dko di, kabot kaţëţ udolade wi Moyiŧ awuluŋ un. »

Ulemp 25:10

Kë Pawulu aşë ŧeema aji : « Dwo ţi uruha wi Ŧeŧar ţi, awo i kawayëşaana ţi. Mëndo bayuday nin ukoolan, kë iwo name iwi ţi uleefu.

Ulemp 22:5

kë naşih i baţeŋan na biki pnŧuk pi bantohi bawo bamaar. Ddoo yeenkna yeenkna du baka, uworda umpiiŧuŋ pa bayuday biki Damaŧ, kaya da kamob banfiyaaruŋ Yeŧu, kaţij ţi uruha ţi Yeruŧalem ţi, pa bakob baka. »

Ulemp 25:2

Baţeŋan baweek na bantohi baweek bayuday kë başë bi anaţ ţi kadunul, akeeşaar Pawulu.

Ulemp 23:33

Wi babanuŋ Kayŧaraya aşë wul Feliŧ nanŧuŋa uko wi Klodiyuŧ apiiŧuŋ, aşë dukara Pawulu.

Ujuni 40:15

Hënk di uţëpuŋ aji : bamëbën apënan du uŧaak wi bahebërë, kë ţi uŧaak wi mëndo do nin uko uloŋ unhilanuŋ kaţu bawatën ukalabuş. »

Ulemp 13:50

Bayuday kë başë wuuk wal mënţ baaţ bayok baloŋ bandëmanuŋ Naşibaţi, na bantohi biki ubeeka, kë baklaţ Pawulu na Barnabaŧ. Kë bawuuk bañaaŋ kë bakak ahajan baka, adoo dook baka ţi uŧaak.