Ulemp 22:3 - Mankanya

³ « Nji, dwo nayuday, ambuknaaniiŋ ubeeka wi Tarŧuŧ, du uŧaak wi Ŧiliŧiya, aşë kuşnaana ţi ubeeka wi. Gamaliyel ajukanaanuŋ bnuura bgah bi başinun, ajinţan. Dbi wo ñaaŋ aŋaluŋ maakan uko wi Naşibaţi ji an bŧi nţa hënk.

Ulemp 22:3 Referans Kwoze

Ulemp 26:5

Bame'ën undiimaan, ahilan kaţup woli baŋali kë dji kaţaş bgah bi pnŧuk pi bafariŧay bantamnuŋ ţi bgah bi nun.

Ulemp 9:11

« Ajugun, nji wi. » Kë Ajugun aşë ji na a « Yaan du bgah bi katim ki Bgah Bŧool, ihepar du katoh ki Yudaŧ, ñaaŋ i bajaaŋ bado Ŧawul, awo i uŧaak wi Tarŧuŧ. Awo da añehan Naşibaţi,

Ulemp 5:34

Kë ñiinţ aloŋ i bajaaŋ bado Gamaliyel aşë naţa ţi uruha. Awo nafariŧay najukan Bgah, i bañaaŋ bamaganuŋ bnuura. Aji na baka bapënan banjañan bdig btiinku,

Ulemp 21:39

Kë Pawulu aşë ŧeema aji « Nji dwo nayuday abuk ubeeka wi Tarŧuŧ, du uŧaak wi Ŧiliŧiya. Dwo abuk ubeeka ummeeţaniiŋ. Dkooţu kooţ, ţenaan nţiini na bañaaŋ. »

Ulemp 21:20

Wi bantohi baŧiinkuŋ uko waŋ, badëman Naşibaţi aşë ji na Pawulu : « Ayiţun iwini, bayuday baŧum baŧum bafiyaar hënkuŋ Yeŧu Ajugun, akuţ aţaş bŧi Bgah bi Moyiŧ bnuura.

2 Korinŧ 11:22

Jëm bawo bahebërë i ? Nji kak. Jëm bawo biki Iŧrayel i ? Nji kak. Jëm bawo biki pntaali pi Abraham i ? Nji kak.

Luk 10:39

Maarta mënţ aka aţa'ul aloŋ anwooŋ katim ki Mariya, ambiiŋ aţo ţi ihoţ yi Ajugun aŧiink uţup wi nul.

Baromeŋ 11:1

Dhepar keeri : Naşibaţi apok pntaali pi nul i ? Nin ! Nji ţi uleef naan dwo nayuday, i pntaali pi Abraham, i pşini pi Benyamin.

Ulemp 23:6

Wi Pawulu awinuŋ kë baloŋ ţi pnŧuk pi bawayëş baweek bawo baŧaduk, kë baloŋ bawo bafariŧay, kë aşë huuh aji : « An bayiţ naan ! Dwo nafariŧay, abuk bafariŧay. Baţijën uruha ţi, ţiki dhaţ aji bankeţuŋ baluŋ kanaţa ţi pkeţ. »

Ulemp 6:9

Kë ţi wal mënţ bañaaŋ baloŋ biki katoh kañehanaani ki bayuday ki bajaaŋ bado ki « Bajuuk ţi Ulemp biki Bawutanuŋ » baneej blaţar na Ŧefan. Ţi bañaaŋ bakaŋ mënţan baloŋ bawo biki Kuren, kë baloŋ bawo biki Alekŧandriya, baloŋ kë bawo biki Ŧiliŧiya kë baloŋ bawo biki Aŧiya.

Galaŧiya 1:21

Wi mpënnuŋ Yeruŧalem aşë ya ŋmbaŋ ŋi Ŧiri na Ŧiliŧiya.

Galaŧiya 1:14

Dbi pel biki kawuuŋ naan baŧum ţi pţaş bgah bi bayuday, abot amëban udolade wi bateem naan maakan apel baka.

Ulemp 23:34

Wi nanŧuŋa aleyiiruŋ uko umpiiŧuŋ aşë hepar Pawulu uŧaak wi awoonuŋ. Wi ameeŋ kë awo i uŧaak wi Ŧiliŧiya,

Ulemp 15:41

Pawulu añaay na ŋŧaak ŋi Ŧiri na Ŧiliŧiya, atëŋţën banfiyaaruŋ.

Ulemp 15:23

Bawul baka uko umpiiŧuŋ aji : « Un, banjañan, na bantohi, na baŧënţan bŧi banwooŋ ţi, ŋwulan mboş, an banfiyaaruŋ nanwooŋ naanwo bayuday, nanfëţuŋ ţi ubeeka wi Antiyoka, ţi ŋŧaak ŋi Ŧiri na Ŧiliŧiya.

Ulemp 11:25

Barnabaŧ aya wal mënţ Tarŧuŧ pla Ŧawul.

Ulemp 9:30

Wi baţaşar Yeŧu bameeŋ uko waŋ aşë ñooţa ubeeka wi Kayŧaraya, kë dul di di bayaaŋ adolna kë aya ubeeka wi Tarŧuŧ.

Luk 8:35

Wi wi bañaaŋ başaaŋ abi pten uko unţëpuŋ, abi añog ţi Yeŧu aşë win ñiinţ i ŋnŧaayi ŋapënuŋ ţi uleef kë aţo ţi ihoţ yi Yeŧu. Awohara hënkuŋ akak ñaaŋ, kë bañaaŋ başë lënk.

Luk 2:46

Ţi unuur uwajanţën, baţënka du Katoh Kaweek ki Naşibaţi, kë aţo ţi pŧoof pi bajukan Bgah bi Moyiŧ, aŧiink baka, abot ahepar baka iko iloŋ.

Ulemp 9:1

Wal mënţan, kë Ŧawul aşë bi duka duka ţi pbëg baţaşar Yeŧu, abot ala pfiŋ baka.

Ulemp 26:9

« Kë nji ţi uleef naan hënk, kë ndun aşal aji dwo kado uko wi nhinanuŋ bŧi kaŧokna katim ki Yeŧu i Naŧaret.