Ulemp 20:10 - Mankanya

¹⁰ Kë Pawulu aşë wala, aŋup ţi napoţ, amooka aşë ji na bañaaŋ : « Nawutan kalënk, awo najeb. »

Ulemp 20:10 Referans Kwoze

Markuŧ 5:39

Aneej aşë ji na baka : « We ukaaŋ kë nakŋaat awooni ba ? Napoţ aankeţi, aŋoyënţ ŋoyënţ. »

Yowan 11:40

Kë aŧeema aji : « Mënjaku aji woli ifiyaari kwin mndëm mi Naşibaţi i ? »

Yowan 11:11

Wi Yeŧu aţupuŋ baka uko wuŋ aşë kak aji : « Laŧaar nanohun aŋoyënţi, kë nşë ya kahuma. »

Luk 7:13

Wi Yeŧu Ajugun awinuŋ ñaaţ uŋ aşë ñagi'a aji na a : « Yompan. »

Ulemp 20:9

Kë nduba aloŋ aşë wo da, i bajaaŋ bado Ewutikuŧ, anţooŋ ţi ujaneel uloŋ aŧiink Pawulu. Kë Pawulu aşë ţiini, ajon maakan ţi bţup, kë nduba adobi yiŋëŧ. Wi aŋoyënţuŋ, adoo ronŧ, aşë buurna du uşoobra uwajanţën ajot. Wi bawaliiŋ atena, ado na pnaţana, aşë ţënk kë adobi keţ.