Ulemp 2:30 - Mankanya

³⁰ Abi wo Naţupar Naşibaţi aşë me kë Naşibaţi abi hoŋa uko uloŋ, amehna ţi kadunul, “aji aluŋ kaţu aloŋ i pşini pi nul ţi pşih.”

Ulemp 2:30 Referans Kwoze

2 Piyeer 1:21

Na manjoonan, nin uţup wi Naţupar Naşibaţi uumbaaŋ kapënna ţi uşal wi ñaaŋ najën, Uhaaş wi Naşibaţi ujaaŋ uţëpna ţi bañaaŋ bajën kaţiini ţi katim ki nul.

2 Timote 2:8

Leşan Yeŧu Kriŧtu annaţiiŋ ţi pkeţ, ampënnuŋ ţi pntaali pi Dayiţ naşih ; Uţup Ulil Unuura mënţ wi wi nji kaţupuŋ bañaaŋ.

Baromeŋ 1:3

Uţup mënţ uţiiniyaan uko wi Abukul, ampënnuŋ ţi kabuka ki Dayiţ naşih.

Markuŧ 12:36

Dayiţ ul, Uhaaş wi Naşibaţi udola kë aţup ţi uko wi Kriŧtu aji : Naşibaţi Ajugun aji na Ajugun : Ţoon ţi kañen naan kadeenu te ndoo ndo başooradu ido kapafna baka ihoţ.

Uko wi ayuujuŋ Yowan 19:16

Apiiŧana ţi bayeti bi nul na pnkantul katim ki : « Naşih i başih na Naweek i baweek. »

Uko wi ayuujuŋ Yowan 17:14

Baluŋ kagut na anwooŋ unkaneel wi bţeŋan aşë kob baka, ţiki awo naweek i baweek, naşih i başih. Bandu'aniiŋ, bandataniiŋ, banfiyaaruluŋ, banaakiir na a, kakob bambiiŋ pgutan na a. »

Bahebërë 7:21

Aa, Naşibaţi amehnaa wi adoluŋ kë Yeŧu awo naţeŋan aji : « Nji Ajugan, dmehnaa, mënkkak ţi uţup wi naan : “Iwi, iwo naţeŋan te mnţo.” »

Bahebërë 6:17

Hënk di Naşibaţi, wi aŋaluŋ pdiiman banwooŋ i kayeenk iko yi ahoŋuŋ kë uko wi ajakuŋ aji ado wa, amehnaa.

Bahebërë 4:7

Uko waŋ ukaaŋ kë Naşibaţi abi ţo ajon, ado unuur uhalu undu'aniiŋ « nţa » wi aţëpnuŋ ţi mntum mi Dayiţ, aţup ŋţup ŋi ndooŋ abi ţupan aji : « Woli naŧiink nţa pdiim pi nul, nawutan kadënëţan ŋhaaş. »

Bahebërë 3:7

Ukaaŋ kë, jibi Uhaaş wi Naşibaţi uţupuŋ : « Woli naŧiink nţa pdiim pi nul,

Baromeŋ 15:12

Iŧayi Naţupar Naşibaţi akak aţiini ţi uko mënţ aji : « Aloŋ ampënnuŋ ţi pntaali pi Yeŧe aluŋ kabi, ul aknaţiiŋ kaşih ŋŧaak bŧi ; ŋaţu mnhaţ mi ŋa ţi a. »

Ulemp 1:16

« An bayiţ naan uko wi Uhaaş wi Naşibaţi ubiiŋ aţëpna ţi mntum mi Dayiţ, aţup ţi Ulibra wi Naşibaţi ţi uko wi nawo Yudaŧ, ambiiŋ aţij bammobuŋ Yeŧu, uwo wo wi kabi kadolana. »

Luk 24:44

Wi wi aşaaŋ aji na baka : « Wi nhumuŋ na an, ŋţup ŋi, ŋi ŋi nţupanaŋ : Uko wi Ulibra wi Naşibaţi ujakuŋ ţi nji ţi dko di Moyiŧ apiiŧuŋ, na di baţupar Naşibaţi bapiiŧuŋ, na ţi Iyeeh yi pñaamarën Naşibaţi, iko mënţ bŧi iwo yi kadolana. »

Maci 27:35

Bapaŋa ţi kruŧ abot ado kanuŋ na mnlaak ahilna afaaşiir imişa yi nul.

Maci 22:43

Kë Yeŧu aşë ji na baka : « Kë hum di di Uhaaş wi Naşibaţi uţuuŋ Dayiţ kë aji du'a Ajugun ba ? Ul, anţiiniiŋ aji :

Bahebërë 1:1

Naşibaţi aţëpna ţfa ţi baţuparul ŋyaaş ŋŧum ado kë bado iko iŧum aţiiniyaan na bateem nja.