Ulemp 17:3 - Mankanya

³ kajukan baka kakuţ kadiiman kë : Kriŧtu awo i kahaj, kabot kanaţa ţi pkeţ. Pawulu akak aji na baka : « Kë Kriŧtu, awooŋ Yeŧu i nji kaţupanaŋ hënk. »

Ulemp 17:3 Referans Kwoze

Ulemp 18:28

Hënk, aji laţ bayuday bnuura ţi kadun ki bañaaŋ, aji ţëpna ţi Ulibra wi Naşibaţi kadiiman kë Yeŧu awooŋ Kriŧtu.

Ulemp 9:22

Kë Ŧawul aşë tamanaara taman ţi pdiiman bayuday biki Damaŧ banwooŋ baanhilana pnëţ, kë Yeŧu awooŋ Kriŧtu.

Luk 24:32

Kë başë ţiini bukal bukal aji : « Ŋënŧiink lah mnlilan ţi iţëbun i, wi akţiiniiŋ na un du bgah abot apibanun Ulibra wi Naşibaţi ? »

Ulemp 3:18

Naşibaţi ul, adobi ţupa ţup undiimaan ţi mntum mi baţuparul bŧi aji Kriŧtu aluŋ kahaj kakeţ, kë waŋ wi adolaŋ.

Luk 24:46

Aji na baka : « Uko wi bapiiŧuŋ wii wi : Kriŧtu awo i kahaj, kabot kanaţa ţi pkeţ unuur uwajanţën.

Galaŧiya 3:1

Mbeeh ! An bañaaŋ biki Galaŧiya nanwaaŋi ŋşal, in abaaŋ aguuran ba ? An biki bayuujuŋ pkeţ pi Yeŧu Kriŧtu ţi kruŧ bnuura.

Ulemp 1:4

Unuur uloŋ wi akdeeŋ na baka, aşë ji na baka bawut kapën ţi Yeruŧalem, baţo da bayoonk kahoŋ ki Aşin, ki baŧiinknuŋ ţi mntum mi nul :

Yowan 20:9

Na manjoonan te wal mënţ baando bi me kë jibi bapiiŧuŋ ţi Ulibra wi Naşibaţi, Yeŧu awo i kanaţa ţi pkeţ.

Luk 24:44

Wi wi aşaaŋ aji na baka : « Wi nhumuŋ na an, ŋţup ŋi, ŋi ŋi nţupanaŋ : Uko wi Ulibra wi Naşibaţi ujakuŋ ţi nji ţi dko di Moyiŧ apiiŧuŋ, na di baţupar Naşibaţi bapiiŧuŋ, na ţi Iyeeh yi pñaamarën Naşibaţi, iko mënţ bŧi iwo yi kadolana. »

Ulemp 18:5

Wi Ŧilaŧ na Timote bawoonuŋ Maŧedoniya, kë Pawulu aşë bi duka duka ţi pjukan Uţup wi Naşibaţi, adiiman bayuday kë Yeŧu awooŋ Kriŧtu na manjoonan.