Ulemp 16:22 - Mankanya

²² Kë pnŧuk pi bañaaŋ pajun pkob bi Pawulu na Ŧilaŧ. Bawayëş bţup baromeŋ bado kë bawohëş baka, afud itinŧël.

Ulemp 16:22 Referans Kwoze

1 Teŧalonika 2:2

Name kak kë bahajanun akuţ akarun du ubeeka wi Filip. Kë ŋşë yeenkna ţi Naşibaţi mntëŋ mi ŋhilni aţupan Uţup Ulil Unuura wi bañaaŋ baŧum badooŋ adola do na un maakan.

2 Korinŧ 6:5

Bakobun awat ukalabuş, ado bañaaŋ kë banaţari'un, aţu'un ŋlemp ŋtam, aneenanun bŋoy aţaŋun pde.

Bahebërë 11:36

Baloŋ kak babeŋ baka akob baka na itinŧël, baloŋ kë batan baka awat ukalabuş.

1 Piyeer 2:24

Ul ţi uleeful akuŋiiŋ pekadu di nja ţi kruŧ ŋhilna ŋbuur ţi ipekadu ŋşë ŋwo baŧool ; ijën yi nul ikaaŋ kë najebi.

Ulemp 18:12

Wi Galiyoŋ awooŋ nanŧuŋa i uŧaak wi Akayi, kë bayuday başë wat ţi ploolan, anaţara Pawulu, añooţ uruha,

Ulemp 17:5

Kë bayuday baloŋ başë kuj baka maakan. Wi wi bayaaŋ, ayitrën bawaaŋ udooni baloŋ banwooŋ ţi igah yi ubeeka, kë banaakiir ado pnŧuk, ayewlën ubeeka. Baya aneej du uko Yaŧon, ado na pmob bi Pawulu na Ŧilaŧ kaţij moŋ pnŧuk, du bdig.

Ulemp 16:37

Pawulu kë aşë ji na bangoli : « We ? Bakobun ţi kadun ki bañaaŋ, un ŋnwooŋ bañaaŋ banliŋuŋ na baromeŋ, bë baandolun uruha, ajejun awat ukalabuş aşë ŋal bţup baba hënk, na byompan ? Nin ! Babiin bdidi baka bapënanun »

Ulemp 5:40

Banţooŋ uruha, kë baŧiink uţup wi Gamaliyel. Bado kë badu banjañan, ado kë bakob baka itinŧël, aşë ji na baka baţañna pţiiniyaan katim ki Yeŧu, abaa wutan baka kë bayaa.

Maci 27:26

Wal mënţ, awutan baka Barabaaŧ aşë do kë bakob Yeŧu na itinŧël abaa wula baya bapaŋa ţi kruŧ.

Maci 10:17

Yeŧu akak aji na banjañan : « Nalipariin bañaaŋ : baluŋ kaţijan du ŋruha kabot kakoban du itoh iñehanaani ;

Luk 12:11

Woli bañooţan pya kawayëş du itoh iñehanaani, këme ţi kadun ki başih këme banŧuŋa, nawutan kahaajala pme jibi nakyaaŋ kayeŋan ŋleefan këme uko wi nakyaaŋ kaţup,