Ulemp 15:1 - Mankanya

¹ Bañaaŋ baloŋ bawoona uŧaak wi Yuda, abi aban Antiyoka, aşë wo ţi pjukan banfiyaaruŋ aji : « Naanhilan kabuur, woli naanya kaŧëmp jibi Bgah bi Moyiŧ bajakuŋ. »

Ulemp 15:1 Referans Kwoze

Galaŧiya 5:6

Ñaaŋ anwooŋ ţi Yeŧu Kriŧtu, mënţ pwala kaŧëmp këme pwo iinkwala kaŧëmp pakaaŋ udooni, uko unkaaŋ udooni uwo pfiyaar pangakandëruŋ na bŋalad.

Ulemp 15:5

Kë baloŋ ţi pnŧuk pi bafariŧay banfiyaaruŋ Yeŧu başë ŧeem aji : « Bawo biki kawalan kaŧëmp banfiyaaruŋ banwooŋ baanwo bayuday, kabot kaji na baka baţaş Bgah bi Moyiŧ. »

Koloŧ 2:8

Naţafaraan balil mntum badaaran, ŋşal ŋi baka ŋawo ŋi bañaaŋ, ŋawaaŋ udooni. Uşal uŧënţ wuŋ uumpënna du Kriŧtu, upënna du udolade wi bañaaŋ, na du mnhina manjaaŋ manţoŋ umundu wi.

Bgah 12:3

Unuur uţënk bakreŋ bawalan napoţ kaŧëmp.

Ulemp 15:24

Ŋŧiink kë baji bañaaŋ baloŋ biki nun babi du an, ayewlënan akuţ aŧokan ŋşal na ŋţup ŋi baka. Bañaaŋ mënţ, un ŋënyil baka.

Yowan 7:22

Moyiŧ aţu'an pwala kaŧëmp kë paşë wo paanwoona du a, pawoona du bateem nja, kë naşë ji nawalan ñaaŋ kaŧëmp ţi unuur wi pnoorfën.

Galaŧiya 2:1

Wi ŋşubal iñeen na ŋbaakër ŋaţëpuŋ, kë nşë kak Yeruŧalem, agakandër na Barnabaŧ, kë nţij Tit.

Ulemp 15:3

Kë banfiyaaruŋ başë ţënk baka ţi uko uyaani bayaaş, kë bamuur Feniŧi na Ŧamariya, aţup jibi banwooŋ baanwo bayuday bakakuŋ du Ajugun, uţup uhalu waŋ, uţu banfiyaaruŋ bŧi ţi mnlilan mweek.

Ulemp 6:14

Ŋŧiinka kë aji Yeŧu i Naŧaret i aluŋ kafom dko di, kabot kaţëţ udolade wi Moyiŧ awuluŋ un. »

Koloŧ 2:16

Keeri uko wi najaaŋ nade, wi najaaŋ nadaan, këme uko wi ŋfeŧtu ŋloŋ, na wi ufeŧtu wi pli phalu na wi unuur wi pnoorfën wi bayuday uwutan kaţu nadinan nin ñaaŋ aloŋ aji naduknaanaa ţi iko iŧënţ yuŋ.

Ulemp 21:20

Wi bantohi baŧiinkuŋ uko waŋ, badëman Naşibaţi aşë ji na Pawulu : « Ayiţun iwini, bayuday baŧum baŧum bafiyaar hënkuŋ Yeŧu Ajugun, akuţ aţaş bŧi Bgah bi Moyiŧ bnuura.

Ulemp 15:22

Ukaaŋ kë banjañan, na baweek na banfiyaaruŋ bŧi, başë wat ţi ploolan, adat baloŋ ţi baka, kë bagakandër na Pawulu na Barnabaŧ, aya kayili du Antiyoka. Badat Yudaŧ, andu'aniiŋ Barŧabaaŧ, na Ŧilaŧ, biinţ banŧiinkaniiŋ ţi banfiyaaruŋ.

Ulemp 1:15

Ţi ŋnuur mënţan banfiyaaruŋ Yeŧu, baya pban iñeen-week na iñeen ŋtëb, kë Ŧimoŋ Piyeer aşë naţa ţi pŧoof aji na baka :

Ulemp 15:23

Bawul baka uko umpiiŧuŋ aji : « Un, banjañan, na bantohi, na baŧënţan bŧi banwooŋ ţi, ŋwulan mboş, an banfiyaaruŋ nanwooŋ naanwo bayuday, nanfëţuŋ ţi ubeeka wi Antiyoka, ţi ŋŧaak ŋi Ŧiri na Ŧiliŧiya.

Ulemp 15:32

Yuda na Ŧilaŧ, bankaaŋ awo baţupar Naşibaţi baţiini na banfiyaaruŋ ajon, ahoţan baka mntëŋ maakan.

Galaŧiya 6:12

Banŋaluŋ pwinana ţi bañaaŋ, bukal baŋaluŋ pţu'an pwala kaŧëmp, kahilna ţañ kawo baankhaj pa pkeţ pi Kriŧtu ţi kruŧ.