Ulemp 13:32 - Mankanya

^32-33 Kë un ŋşë bi bi pţijan Uţup Ulil Unuura : uko wi Naşibaţi abiiŋ ahoŋ başinun ţfa ado wa hënkuŋ pa nja, ŋnwooŋ babuk baka, wi anaţanuŋ Yeŧu ţi pkeţ. Hënk di di bapiiŧuŋ ţi ulibra wi pñaamarën, aţup ţi kañaam katëbanţën aji : “Iwi iwooŋ Abuk naan ; Nţa di, dkak Şaaş.”

Ulemp 13:32 Referans Kwoze

Baromeŋ 4:13

Naşibaţi ahoŋ ţfa Abraham na pntaali pi nul aji baluŋ kayeenk umundu. Mënţ pţaş bgah pakaaŋ kë Naşibaţi ahoŋa, pfiyaar pi afiyaaruluŋ pakaaŋ kë adinan aji awo naŧool ţi këş ki nul.

Ulemp 26:6

Kë hënkuŋ, uko unkaaŋ kë bakwayşaan ţi, uwooŋ kë : Dhaţ uko wi Naşibaţi abiiŋ ahoŋ başinun.

Baromeŋ 9:4

Bawo biki pntaali pi Iŧrayel, akuţ awo biki Naşibaţi adatuŋ bawo babukul. Naşibaţi adiiman baka mndëm mi nul. Ado bhoŋar na baka abot awul baka bgah bi nul na idolade yi pdëmanaan Naşibaţi na iko bŧi yi ahoŋuŋ.

Ulemp 13:38

An bayiţ naan ŋbi bi pţupan name kë Yeŧu akaaŋ kë ipekadu ihil kapën. Ţi katim ki Yeŧu ki ki baţupanaŋ pbuur ţi ipekadu ;

Baromeŋ 10:15

Kë hum di di ñaaŋ akţupuŋ baka wi bawooŋ baanyil nin aloŋ ? Kë hënk di di Ulibra wi Naşibaţi ujakuŋ : « Natenan jibi unuuri pwin bañaaŋ bankţijuŋ Uţup Ulil Unuura ! »

Ulemp 5:42

Unuur unjinţi, du Katoh Kaweek ki Naşibaţi këme du itoh yi bañaaŋ, baji bajukanaara jukan, kakuţ kaţup Uţup Ulil Unuura unyuujuŋ kë Yeŧu awooŋ Kriŧtu.

Ulemp 3:19

Keeri nawutan pjuban, nakak du Naşibaţi ipekadu yi nan ihilna ipën.

Luk 2:10

Kë uwanjuŧ uşë ji na baka : « Nawutan kalënk, dbi pţupan uţup unkluŋ kaţij mnlilan mweek ţi bañaaŋ bŧi :

Luk 1:19

Uwanjuŧ uŧeema aji : « Nji dwooŋ Gabriyel ! Dji kanaţ ţi kadun ki Naşibaţi, kalempara. Ul ayilnuŋ, mbi nţiini na iwi, nţupu uţup ulil wi.

Ujuni 49:10

Pşih paankpën ţi iwi, kë pjuuţi pi pşih pakak aduka ţi pntaali pankpënnuŋ ţi iwi te wal wi ajug pa na manjoonan akbiiŋ, ñaaŋ i bañaaŋ biki ŋŧaak bŧi bakdooŋ kado uko wi ajakuŋ.

Ujuni 26:4

Ddo pntaali pankpënnuŋ ţi iwi paŧum ji ŋjah ŋi baţi kaşë kawul pa ŋŧaak ŋi bŧi. Dţëpna ţi pntaali pi nu kawul kntaali ki mboş bŧi bnuura.

Ujuni 22:18

Dţëpna ţi pntaali pi nu kawul kntaali ki mboş bŧi bnuura, ţiki iŧiinkën. »

Ujuni 12:3

Dluŋ kawul bnuura bankñehandëriiŋ bnuura, kafëp bankmbeehiiŋ ; kaţëpna ţi iwi kawul kntaali ki mboş bŧi bnuura. »

Ujuni 3:15

Dţu bşoorad ţi iwi na ñaaţ, ţi pntaali pi nu na pi nul. Baluŋ kanantlu bkow, kë iwi, iluŋ katib baka ţi pşoñ. »

Ulemp 10:36

Awul uţup wi nul bañaaŋ biki Iŧrayel : Uţup Ulil Unuura wi mnjeeh ţi Yeŧu Kriŧtu, ul anwooŋ Ajug bañaaŋ bŧi.

Ulemp 13:23

Ţi pşini pi nul pi pi Naşibaţi awulnuŋ Iŧrayel Yeŧu, Nabuuran Bañaaŋ, jibi abiiŋ ahoŋ ţfa.

Ulemp 14:15

« Babuk biinţ we ukaaŋ kë nakdo hënk ba ? Ŋwo bañaaŋ bajën ji an ! Ŋbi bi ţi, pţupan Uţup Ulil Unuura, napënna ţi iko inaaf yi nakdoluŋ yuŋ, naşë nakak du Naşibaţi najeb, anţakuŋ baţi, aţak mboş, na bdëk, na iko bŧi inwooŋ da.

Baromeŋ 1:2

Uţup mënţ, Naşibaţi aţëpna undiimaan ţi baţuparul ahoŋ wa ţi Ulibra wi nul.