Uko wi ayuujuŋ Yowan 18:3 - Mankanya

³ Ŋŧaak ŋi mboş bŧi ŋadaan poot pi da, kë pdaan poot puŋ paşë wo pţopan uleef na pekadu di piinţ. Başih biki mboş bŧi bawinar na da, kë bawaap biki mboş bayokna ţi pŋal iko yi umundu pi bañaaŋ biki da. »

Uko wi ayuujuŋ Yowan 18:3 Referans Kwoze

Uko wi ayuujuŋ Yowan 17:2

Başih biki ŋŧaak ŋi mboş bawinar na a, kë bañaaŋ banfëţuŋ mboş bakuj poot pi nul panwooŋ ubida uţop. »

Uko wi ayuujuŋ Yowan 14:8

Uwanjuŧ utëbanţën upën ţi kafeţ ki uŧeek aşë ji : « Babilon, ubeeka uweek ujoti, ujoti ; wul undaananuŋ poot pi wa ŋŧaak bŧi, kë pdaan poot puŋ pawooŋ pţopan uleef na pekadu di piinţ ji wa. »

Uko wi ayuujuŋ Yowan 18:9

Pdiim pakak aji : « Wal wi başih biki mboş bambiiŋ awo ţi pjuban pi piinţ na Babilon abot awo na da ţi pŋal iko inuura maakan yi da bakwinuŋ udu wi uyik wi da, bawooni kabot kaţëga.

Uko wi ayuujuŋ Yowan 18:23

Nin unkaniya uunkak aŧeh ; nin baankak aŧiink pdiim pi naniim na pi naniima. Bawaap biki nu babiiŋ awo bañaaŋ baweek biki mboş. Dayaamu di nu daneeman ŋŧaak bŧi.

Luk 7:25

Kë we wi wi naşaaŋ aya pten ba ? Ñiinţ anñëgiiŋ a i ? Bankaaŋ iko inuura abot ade umundu bawo du itoh yi başih.

1 Timote 5:11

Kë baaţ bayoţ banhumuŋ, wutan kapiiŧan baka ţi pnŧuk pi baaţ bayoţ ţiki woli uŋal wi piinţ udo baka kë balow Kriŧtu, bakak kaŋal pniima.

Uko wi ayuujuŋ Yowan 18:7

Naţuun da mnhaj na pwuţan panliŋuŋ na mndëm na pyok pi dabiiŋ aka, daji ţi uşal wi da : “Dţo ji naşih ñaaţ, mënkwo nayoţ nin, mënkwo na puum nin unuur uloŋ.”

Uko wi ayuujuŋ Yowan 18:19

Baţu mboş ţi ikow yi baka aşë ŋajar awooni ji banwooŋ na puum aji : “Pwuţan oy ! Pwuţan oy ! Ubeeka uweek wi bankaaŋ ŋlanŧu ţi bdëk bŧi bayoknuŋ ţi pyok pi wa, ţi uwoori uloolan ţañ kë uşë ŧoka !