Uko wi ayuujuŋ Yowan 1:9 - Mankanya

⁹ Nji Yowan ayiţan, nji nţokuŋ na an pşih, ahaj akuţ amiir ji an ţi pdo kaţaş Yeŧu, babi mobën añooţ du unjiw wi Patmoŧ ţiki djukan Uţup wi Naşibaţi, uko wi Yeŧu.

Uko wi ayuujuŋ Yowan 1:9 Referans Kwoze

Uko wi ayuujuŋ Yowan 3:10

Kë an naşë mëban uţup naan, amiir, ukaaŋ kë nji kanaţ ţi uko wi nan nawutna kahaj mnhaj mi Naşibaţi akţuuŋ bañaaŋ biki umundu bŧi katenna jibi bawo i na manjoonan.

Ulemp 14:22

Batëŋţën banfiyaaruŋ, aţu ţi ŋşal ŋi baka kë bawo kataman ţi pfiyaar, abot aji na baka : « Ŋwo kahaj bnuura bnuura kabaa kaneej du Pşih pi Naşibaţi. »

Yowan 16:33

Dţupan iko yi, ŋhaaş ŋi nan ŋahilna ŋaţoora wi nawooŋ baloolan na nji. Umundu uluŋ kanooran an, natamaan, dwat wa. »

Uko wi ayuujuŋ Yowan 1:2

Yowan ayuuj bnuura kë uko bŧi wi aţupuŋ uwo uţup wi Naşibaţi na uko wi Yeŧu Kriŧtu adiimanuluŋ.

Uko wi ayuujuŋ Yowan 13:10

Anwooŋ i pya ukalabuş, aya wa. Anwooŋ i pkeţ na kakej, bafiŋa na ka. Wal mënţ uwo pa biki Naşibaţi wal wi kamiir na pfiyaar.

Filipiya 4:14

Kë an naşë do bnuura wi naţënknuŋ ţi unoor wi naan.

Uko wi ayuujuŋ Yowan 12:11

Kë biki ataparuŋ başë koba na pñaak pi anwooŋ unkaneel wi bţeŋan, na uţup wi Kriŧtu wi bakţupuŋ ; baaŋal ubida kadoo kado kaţi pkeţ.

Uko wi ayuujuŋ Yowan 7:14

Kë nŧeem aji : « Naweek, iwi imeeŋ. » Kë aşë ji na nji : « Bawo bañaaŋ banwoonuŋ du mnhaj mnweek ; banaj imişa yi baka ţi pñaak pi anwooŋ unkaneel akakan ya ifaaŧal.

2 Timote 1:8

Wutan keeri kakowa pţiiniyaan uko wi Ajugun, wutan kakowara nji nwooŋ nakalabuş pa ul ; hajan na nji pa Uţup Ulil Unuura, mnhina mi Naşibaţi manşë mando kaţënku.

Baromeŋ 8:25

Kë ŋşale wo ŋënwin uko wi ŋhaţuŋ ŋtaman ţi pyoonk wa.

Uko wi ayuujuŋ Yowan 14:12

Wal wi, uwo wal wi bañaaŋ biki Naşibaţi bammëbanuŋ bgah bi nul abot afiyaar Yeŧu bawooŋ biki kataman. »

Bahebërë 10:36

Nawo kataman kahilna kado kado uko wi Naşibaţi aŋaluŋ, hënk nayeenk uko wi ahoŋuŋ.

Filipiya 1:7

Unuura nwo na uşal uŧënţ waŋ pa an bŧi. Na manjoonan dţu'an ţi uhaaş wi naan, woli dwo ukalabuş këme awo ţi pgutar Uţup Ulil Unuura, an bŧi naji naţënkën ţi ulemp wi Naşibaţi awulnuŋ.

Uko wi ayuujuŋ Yowan 11:7

Kë wal wi bakbaaŋ pţup uko wi Naşibaţi aţuuŋ baka pţup, uko uloŋ unkmpënnuŋ du bnjiir bweek upën kagut na baka, kakob baka kabot kafiŋ baka.

Baromeŋ 8:17

Wi ŋwooŋ babuk Naşibaţi, ŋluŋ kayeenk uko wi ahoŋuŋ. Woli ŋhaj na Kriŧtu, ŋluŋ kayeenk na a uko wi Naşibaţi ahoŋuŋ, kawo ţi mndëm na a.

Uko wi ayuujuŋ Yowan 19:10

Wal mënţ kë nşë jot ţi ihoţ yi wa kadëman wa. Kë uşë ji na nji : « Ţaafaraan kado uko wi ! Dji kalempar Naşibaţi ji iwi na bayiţu bammëbanuŋ uţup wi Yeŧu. Naşibaţi i i iwooŋ kadëman ! Uţup wi Yeŧu wi wi Naşibaţi aţuuŋ ţi baţuparul. »

Uko wi ayuujuŋ Yowan 12:17

Kë udeeb wi udeebaţëruŋ ñaaţ udo kë unaţa ugut na babukul bandukiiŋ, banjaaŋ baţaş bŧi bgah bi Naşibaţi abot amëban manjoonan mi Yeŧu ayuujuŋ.

Uko wi ayuujuŋ Yowan 6:9

Wi ahaabëşuŋ uñeenanţën, dwin ţi bliit bi mngur uţeeh ŋhaaş ŋi bañaaŋ biki bafaaluŋ ţiki babi fiyaar Naşibaţi akuţ aţup uko wi nul.

Uko wi ayuujuŋ Yowan 1:4

Nji Yowan nji kapiiŧuŋ banfiyaaruŋ banwooŋ ţi ŋbeeka paaj na uloŋ ŋi Aŧiya. Dñehan Naşibaţi awulan bnuura abot aţooranan ŋhaaş, ul anwooŋ, anjonuŋ nwoo, ankmbiiŋ. Dñehan kak ŋhaaş paaj na uloŋ ŋanwooŋ ţi kadun ki pţij pi pşih pi nul ŋawulan bnuura ŋabot ŋaţooranan ŋhaaş.

2 Teŧalonika 3:5

Ŋñehan Ajugun adek ŋhaaş ŋi nan ţi pŋal Naşibaţi na ţi pmiir ji Kriŧtu.

Maci 20:23

Kë Yeŧu aşë ji na baka : « Aa, naluŋ kadaan ţi pnkalame pi naan ; kë uko unwooŋ wi pţo ţi kañen naan kadeenu na kamayu, mënţ nji dwooŋ kadat banwooŋ biki pţo da, biki Paapa ajakuŋ aji bawo biki kaţo da, bukal bakluŋ kaţo da. »

Markuŧ 10:39

Baŧeem aji : « Ŋhili. » Yeŧu kë aşë ji na baka : « Pnkalame pi nji kadaannuŋ, nadaanna pa, batiŧmu bi nji kayeenkuŋ, nayeenk ba.

Ulemp 1:15

Ţi ŋnuur mënţan banfiyaaruŋ Yeŧu, baya pban iñeen-week na iñeen ŋtëb, kë Ŧimoŋ Piyeer aşë naţa ţi pŧoof aji na baka :

2 Korinŧ 1:7

Uhaţ wi ŋţuuŋ ţi an udëmi ; ŋme kë jibi nahajuŋ ji un, hënk kak di di Naşibaţi aktëŋţënanaŋ ji un.

1 Piyeer 5:1

An bantohi biki banfiyaaruŋ, dŋal kaţiini na an hënkuŋ. Nji nwooŋ nantohi ji an, amaar mnhaj mi Kriŧtu awo kaluŋ kaţok ţi mndëm mi akdiimanuŋ, uko wi nji kañehananaŋ wii wi :

Uko wi ayuujuŋ Yowan 1:1

Uko umpiiŧuŋ ţi ulibra wi, wi wi Naşibaţi awuluŋ Yeŧu Kriŧtu pa ayuuj balemparul uko unkmbiiŋ hënkuŋ uunkjon. Ayil uwanjuŧ wi nul du Yowan nalemparul kë uyuuja uko mënţ.

Uko wi ayuujuŋ Yowan 1:6

Ado nja kë ŋwo pntaali pi baţeŋan banwooŋ başih aşë lemp ţi kadun ki Naşibaţi Aşin. Mndëm manwo ţi a te uba umundu ! Aşih te mndani ! Uwo haŋ !

Uko wi ayuujuŋ Yowan 20:4

Dkak awin iţij yi pşih, bambiiŋ aţo ţi ya bayeenk mnhina mi pwayëş. Dwin kak ŋhaaş ŋi bañaaŋ biki babiiŋ afaal ţiki baţup Uţup wi Naşibaţi na uko wi Yeŧu, banwooŋ baaŋup adëman ulimariya na ptu pi wa, awo baampiiŧan katim ki wa ţi pjuk këme ţi kañen. Banaţa ţi pkeţ aşih na Kriŧtu ŋşubal iñeen-week ŋyaaş iñeen (1000).